Orð og tunga - 01.06.1997, Side 82

70
Orð og tunga
4 Lokaorð
Mismunurinn á uppflettimyndum í Blöndalsorðabók og í norræna verkefninu er ekki
aðeins fólginn í breytingum á rithætti, breytingum í orðmyndun og breytingum á orða-
forðanum, eins og eðlilegt er á svona löngum tíma, heldur einnig í því að Blöndalsbók
er unnin á allt öðrum forsendum en norræna verkefnið og það svið sem henni er ætlað
á ná yfir er miklu víðara. Hún hefur líka þau einkenni sögulegrar orðabókar að í henni
eru raunveruleg textadæmi þar sem heimildar er getið og mikið af virkum samsetning-
um. Orðaforðinn í Blöndalsbók er því að sumu leyti meira í ætt við ritmálssafn OH
en þá útkomu sem höfð var í huga í norræna verkefninu. I orðalistanum úr norræna
verkefninu, sem notaður var í samanburðinn sem hér er sagt frá, er hins vegar ekki um
að ræða endanlega valin orð í orðabókarstofninn. I þessum vinnulista er líka fjöldinn
allur af virkum samsetningum og talsvert af mismuninum á orðaforða í orðalistunum
tveimur stafar einfaldlega af því að það er tilviljunum háð hvaða virkar samsetningar
rekur á fjörur orðabókarmanna.
Niðurstaðan af vélrænum samanburði er hins vegar sú að eina leiðin til að bera
saman orðaforðann í raun og veru — á meðan vélarnar geta ekki myndangreint orðin
fyrir okkur — sé mikil þolinmæðisvinna þar sem hvert einasta orð er skoðað!