Ráðunautafundur - 15.02.1991, Qupperneq 25

-17-
Tilraunir sem hafa verið gerðar í Þykkvabæ með að nota lúpínu í sáðskiptum á
móti kartöflum benda til að áburðaráhrif, sama árið og hún er plægð niður, samsvari
um hálfum áburðarskammti (óbirtar niðurstöður).
Yfirlit yfir frærækt lúpínunnar
Áður en lúpínufræi er sáð þarf bæði að rispa fræskurnina og smita fræið með
rótarhnýðisbakteríum. Fræin spíra hraðar ef þau hafa verið rispuð og
rótarhnýðisbakteríurnar eru nauðsynlegar fýrir væntanlegt níturnám lúpínunnar. Rala
og Landgræðslan munu sjá til þess að hægt sé að fá rótarhnýðisbakteríur keyptar á
vorin.
Fræinu er síðan sáð í rýrt land. Sé landið gróðursnautt er hægt að sá án
nokkurrar jarðvinnslu, en ef það er gróið þarf að vinna landið. Sá á með raðsáðvél,
en það er vél sem fellir fræið niður í hæfilega dýpt. Sáðmagn á að vera 15-25
spírunarhæf fræ á fermetra eða 3-5 kg/ha.
Eftir 3-4 ár er hægt að slá akurinn með sláttuþreskivél, og hirða fræið. í sumum
tilfellum þarf að fella hluta blaðanna fyrir fræslátt með blaðfellingaefni, en ef akurinn
er hæfilega gisinn er það óþarft. Hægt verður að fá nákvæmar upplýsingar um
hvemig á að standa að fræslættinum því sú þekking er fýrir hendi.
Frœuppskera lúpínunnar
Fræuppskera lúpínunnar hefur verið mæld á eiginlegum fræakri síðustu 3 ár og ekki
er því vitað um endingu akrana. Einnig hefur uppskera verið mæld á nokkrum
svæðum sem ekki eru eiginlegir fræakrar, svo sem á Skógasandi og við Korpu. Þær
niðurstöður sem eru komnar benda til að akurinn endist ekki í mörg ár sem fræakur.
Þeirri mynd, ef rétt er, má þó hugsanlega breyta.
Fyrsta fræuppskera á Stórólfsvöllum var góð en síðan hefur hún minnkað (1.
tafla). Sumarið 1989 var óhagstætt fræræktinni en sumarið 1990 var frekar hagstætt,
en þá gaf þessi akur lítið. Helsta skýringin á lítilli fræuppskeru 1990 er sú að mjög
1. tafla. Fræuppskera (kg/ha) lúpínunnar á tveim fræökrum. Stórólfsvellir eru frjósamt land og var áður
tún. Á lúpínuakurinn hefur aldrei verið borið, en fyrir sáningu 1986 var landið plægt. Geitasandur er
rýrt land. Þar var land ekki unnið en borið á við sáningu 1987 30 kg N/ha.
Ár Stórólfsvellir Geitasandur
1988 90
1989 50 35
1990 10 65