Ráðunautafundur - 15.02.1991, Blaðsíða 202

-194-
grísa á venjulegum svínbúum. Þegar búið er að koma á kynbótastöðvum og
afkvæmarannsóknstöðvum í svínarækt hér á landi verður án efa notað sama
fyrirkomulag hér og erlendis. Ennfremur er ástæða að minna á að þau meðaltöl, sem
notuð eru til að sýna þær miklu framfarir sem vissulega hafa orðið í svínarækt á
Norðurlöndunum og víðar, eru meðaltöl frá öflugum kynbótastöðvum og
afkvæmarannsóknastöðvum sem starfræktar hafa verið í áratugi í þessum löndum. Á
þessar kynbótastöðvar og afkvæmarannsóknastöðvar fer einungis takmarkaður fjöldi
grísa undan allra bestu einstaklingunum á búum sem eru með nákvæmt skýrsluhald.
Þessi áðurnefndu meðaltöl sýna hversu langt er hægt að komast með skipulögðum
kynbótum, en ekki hvernig sláturgrísirnir eru frá venjulegum svínabúum. Nánari
upplýsingar um starfsemi og fyrirkomulag kynbóta á kynbótastöðvum og
afkvæmarannsóknastöðvum í Noregi og Danmörku er að finna í Fjölriti Rala m. 139,
útgefið í febrúar 1990 (Pétur Sigtryggsson 1990, .Fóðurnýting hjá svínum með hliðsjón
af norrænum rannsóknum", bls. 5-12).
ÁLYKTANIR
Helstu ályktanir sem hægt er að draga af þeirri samantekt sem hér liggur fyrir eru
eftirfarandi:
1. íslenski svínastofninn er frjósamur og lítið að sækja í innflutning til að bæta
frjósemi.
2. íslenskar gyltur eru mjög endingargóðar og með sterka fætur. Líklegt er að
innflutningur myndi spilla fótastyrk gyltanna og draga úr endingu þeirra.
3. íslenska svínakjötið þykir almennt bragðgott. Ef inn yrðu fluttir stofnar sem lengi
er búið að kynbæta í átt að magrara kjöti er hætta á að bragðgæði kjötsins
versnuðu.
4. fslenska svínakjötið þykir hæfilega feitt samanber viðbrögð neytenda. Fitan myndi
örugglega minnka við innflutning. Samtímis er hætta á að kjötið yrði þurrara,
seigara og bragðminna. Afkvæmarannsóknir á Þórustöðum 1990 sýna að minnka
má fitu í svínakjöti á tiltölulega stuttum tíma með skipulögðu úrvali innan íslenska
stofnsins.
5. Vaxtarhraði grísanna myndi örugglega aukast við innflutning. Afkvæmarannsóknir
á Þórustöðum 1990 sýna að mikið mætti auka vaxtarhraða með því að velja
skiplega til kynbóta innan íslenska stofnsins.