Orð og tunga - 01.06.2016, Page 9

Formáli ritstjóra ix
ritdóm í hverju hefti, um mikilvæga orðabók eða eitthvert ann að
viða mikið orðfræðilegt eða málfræðilegt verkefni. Svavar Sig munds-
son skrifar í þennan árgang ritdóm um stórvirki Jóns G. Friðjónssonar
(2014), Orð að sönnu. Íslenskir málshættir og orðskviðir.
Í þessu hefti er tekin upp sú nýbreytni að hafa sérstakan þátt,
„Mál fregnir“, aftast í tímaritinu, aftan við ritdóma, þar sem koma má
fyrir stuttum óritrýndum greinum um hagnýtta íslenska málfræði.
Jóhannes Bjarni Sigtryggsson ríður á vaðið með umfjöllun um strik
af ýmsum stærðum og gerðum í íslensku ritmáli, tegundir þeirra og
hlutverk. Heitið „Málfregnir“ er í aðra röndina valið í minningu sam-
nefnds tímarits Íslenskrar málnefndar sem kom út á árabilinu 1987–
2005. Það tímarit hafði ekki aðeins að geyma greinar um mál stefnu
(almennt eða ákveðna þætti hennar) heldur einnig ýmsar ábend ingar
og leiðbeinandi efni innan íslenskrar málræktar.
Ég þakka höfundum efnisins fyrir ánægjulegt samstarf. Sérstakar
þakkir fá ónefndir ritrýnar sem leystu af hendi sín vandasömu og
tíma freku verkefni af alúð. Hin ráðgefandi ritnefnd tímaritsins er
mikil vægur bakhjarl ritstjórans og vil ég þakka þeim sem þar sitja. Þá
þakka ég Amöndu Hilmarsson-Dunn kærlega fyrir yfirlestur og leið-
réttingar á enskri málnotkun. Loks þakka ég Bessa Aðalsteinssyni fyrir
frábært samstarf. Hann annaðist umbrot tímaritsins og samskiptin
við kápuhönnuð og prentsmiðju.
Ari Páll Kristinsson
tunga_18.indb ix 11.3.2016 14:41:07