Orð og tunga - 01.06.2016, Page 150

140 Orð og tunga
að í framtíðinni verði unnt að gera setningafræðilegan samanburð
á ólíkum tungumálum í rannsóknarskyni (Pala, Bosch og Fellbaum
2008:14-16).
Framsetning málvísindalegra gagna í forritinu er þannig að flestir
ættu að geta skilið hana. Um er að ræða orðhluta, setningarhluta og
ein földustu þætti setningafræði. Apertium notast við Subversion
(SVN) til að vista kóðann en er hins vegar grundvallað á hefðbundnum
for rit unarmálum eins og C++ og aðgengilegt þeim sem hafa grund-
vallarkunnáttu í forritunarmálum.
Apertium fylgir hugmyndafræði Unix-kerfa í flestum aðalatriðum.
Apertium er gert úr mörgum smáum einingum (forritum) sem gera
aðeins einn hlut í einu og framkvæma hann vel (Forcada o.fl. 2009:4).
Þessar einingar eru síðan tengdar saman með textaflæði eins og áður
hefur verið greint frá.
5.2 Viðmót og notkun Apertium-kerfisins
Viðmót Apertium-kerfisins er þægilegt á apertium.org, sjá Mynd
2. Íslenska er valin vinstra megin og síðan býðst að velja ensku
eða sænsku hægra megin. Sjálf þýðingin er frá vinstri til hægri,
þ.e. frá íslensku yfir á ensku eða sænsku og tekur aðeins nokkrar
sekúndur. Notandanum verður þó fljótlega ljóst að bæta þarf íslenska
Apertium-kerfið og að það skilar ekki fullkomnum texta frekar en
önn ur vélþýðingarkerfi. Spurningin Hvernig gengur? á íslensku
skilar til dæmis niðurstöðunni How walks? á ensku. Eins og Martha
Dís Brandt benti á verður að leggja frekari vinnu í kerfið til að það
geti höndlað m.a. fleiryrtar sagnir, samsett orð og fleira (Martha Dís
Brandt 2011:71).
Mynd 2. Viðmót Apertium-kerfisins.
tunga_18.indb 140 11.3.2016 14:41:19