Morgunblaðið - 01.02.2018, Qupperneq 16

Daglegt líf
MORGUNBLAÐIÐ FIMMTUDAGUR 1. FEBRÚAR 2018
LAGERHREINSUN
Á VÖLDUM VÖRUM
Í RAFVÖRUMARKAÐNUM
við Fellsmúla | 108 Reykjavík | OPIÐ ALLA DAGA
50%
MÚRVÖRUR
AFSLÁTTUR
50%
MÁLNINGAVÖRUR
AFSLÁTTUR
50%
HANDVERKFÆRI
AFSLÁTTUR
50%
VERKFÆRATÖSKUR
AFSLÁTTUR
Kristín Heiða Kristinsdóttir
khk@mbl.is
Fæða guðanna, er latnesktheiti kakótrés, og undrastþað fólk ekki þá nafngiftsem fundið hefur fyrir
þeirri alsælu sem fylgir því að
bragða á kakóríku gæðasúkkulaði.
Guðdómlega gott, nær ágætlega að
lýsa slíku súkkulaði og kemur þá
mögulega einnig til að sýnt hefur
verið fram á að efnasamband í
súkkulaði hefur áþekk áhrif á heila
mannfólksins og marijúana. Þetta
unaðslega brúna gómsæti er auk
þess stútfullt af andoxunarefnum og
því fjarska fínt fyrir heilsuna, en þá
að sjálfsögðu ef súkkulaðið er án
sykurs.
Flökkukindur á faraldsfæti
ættu hiklaust að leita uppi sælkera-
verslanir og súkkulaðigerðir til að
njóta þess að gæða sér á og kynna
sér jafnvel vinnsluna og hvað liggur
að baki góðgætinu. Um heim allan er
slíkar búðir að finna, og á vef Nat-
ional Geographic hefur verið tekinn
saman listi yfir nokkrar bestu
súkkulaðiverslanir veraldar. Þar
kemur fram að færasta súkkulaði-
gerðarfólkið notist við gæðasúkku-
laði í sína framleiðslu sem innihaldi
mikið kakósmjör, og allt er unnið frá
grunni úr ferskum kakóbaunum.
Sumir rækta jafnvel sjálfir sínar
baunir en aðrir kaupa beint af
bónda. Fyrir fólk í leit að alvöru
gæðasúkkulaði á ferðalögum sínum
er því vert að hvetja það til að leita
að heimabragðinu í þeim efnum (e.
local flavor), því hvert svæði hefur jú
sína sérstöðu.
Paul A. Young, London:
Í London rekur Paul A. Young
verslun undir eigin nafni, en hann
þykir mikill meistari og hefur fengið
verðlaun fyrir sköpunargleði í
súkkulaðiframleiðslu sinni. Gaman
er að reka inn nefið í litlu uppruna-
legu súkkulaðiverslun hans í Isling-
ton, og anda að sér sæluvímugefandi
ilminum af fersku súkkulaði sem bú-
ið er til þar á staðnum. Meistari
Young er sagður vera einn af þeim
bresku súkkúlaðigerðarmönnum
sem hrundu af stað súkkulaði-
byltingunni þar fyrir um 15 árum,
þegar hinu gamla ofursæta breska
súkkulaði var kastað fyrir róða, en í
staðinn kynntar ferskar nýjungar í
súkkulaði sem nú fást víða í höfuð-
borginni. Mælt er með að fólk
smakki súkkulaðibitakökurnar hans
Young, með sjávarsalti, karamellu
og pekanhnetum, þær eru sagðar
fullnægja öllum súkkulaðielskandi
einstaklingum. Young er á þremur
stöðum í London: Camden Passage,
Royal Exchange, og Soho.
www.paulayoung.co.uk
Que Bo! Mexíkóborg:
Hinn sérstaki mexíkóski bragð-
heimur er sagður hafa lifnað við í
höndunum á vinsæla kokkinum og
sjónvarpsstjörnunni José Ramón
Castillo, sem kallaður hefur verið
leiðtogi framþróunar og vakningar
hins mexíkóska súkkulaðis. Fyrir-
tækið hans Que Bo! notar í sinni
framleiðslu aðeins lífrænt hráefni
sem framleitt er af heimafólki. Mælt
er sérstaklega með litríkum truffl-
um hans með mangó, chillí, salti og
guava. Kanill er einnig í hávegum
hafður í súkkulaðiframleiðslu hans
og áhugasömum er bent á að koma á
súkkulaðigerðar-kaffihúsið hans til
að fá sér kaffibolla með góðum mola,
en það er í miðbæ Mexíkóborgar. Á
vefsíðu hans,www.quebo.com.mx, er
hægt að sjá hvar þeir fimm staðir
sem hann heldur úti í Mexíkóborg
eru staðsettir.
SOMA súkkulaðigerð, Kanada:
Súkkulaðisérfræðingarnir hjá
SOMA í Toronto í Kanada eru sagði
meistarar í öllu sem þeir taka sér
fyrir hendur. Þeir bjóða upp á hreint
súkkulaði gert úr baunum hvaðan-
æva úr veröldinni. Konfektsins
bragð ku vera freistandi og truffl-
urnar listaverki líkastar, en þeim er
líkt við kameljón. Er þar sérstaklega
nefnd Douglas-þintrufflan, sem inni-
heldur ávaxtaríkt súkkulaði frá
Dóminíska lýðveldinu og náttúru-
legar olíur úr þintrjám. Að smjatta á
þessari trufflu er sagt líkjast því að
borða súkkulaði í þinskógi. SOMA
býður einnig upp á frosnar vörur,
viskí- og súkkulaðiís. SOMA er með
tvær verslanir og súkkulaðigerð í
miðbæ Toronto.
www.somachocolate.com
SPRÜNGLI, Zürich, Sviss:
Sprüngli býður upp á úrvals
hefðbundna svissneska súkkulaði-
upplifun. Þetta lúxussúkkulaði-
fyrirtæki hóf starfsemi árið 1836 og
skapaði sér með tímanum gott orð
fyrir makkarónur þær sem kallast
Luxemburgerli. Í verslunum þess er
hægt að taka með sér heim súkku-
laðihúðaðar hnetur og heitt súkku-
laðibland, auk afbragðs truffla sem
sagðar eru valda því að fólk sem
gæðir sér á þeim ranghvolfir í sér
augunum. Mælt er með að fólk láti
eftir sér að njóta þess að súpa á
kaffibolla og maula með eðalsúkku-
laðiköku á kaffihúsi og veitingastað
Sprüngli á Paradeplatz, sem ku vera
flaggskipið. Nokkrar Sprüngli-búðir
eru í Zürich. www.spruengli.ch
CICADA, Nýja Suður-Wales, Ástralíu:
Hinir áströlsku súkkulaði-
gerðarmeistarar hjá Cicada vinna
sínar vörur frá baun til mola, og nota
einvörðungu hágæðakakóbaunir í
sína framleiðslu. Súkkulaðisér-
fræðingarnir hjá Cicada’s búa til
ótrúlegan kokkteil í sínu 73 prósenta
súkkulaði þar sem koma við sögu
rauðir ávextir, karamella, kakó-
smjör og Madagaskar whisky-
vanilla. Kakóbaunirnar koma frá
Somia plantekrunum á norðurhluta
Madagaskar, en þær eru sagðar
tryggja sælu þeirra sem smakka af-
urðirnar. Cicada súkkulaði er selt á
The Rocks-markaði og Bondi-
bændamarkaði í Sydney. www.cica-
dachocolate.com
SPAGNVOLA, Bandaríkjunum:
Hjónin Eric og Crisoire Reid,
sem eiga SpagNVola í Gaithersburg
í Maryland í Bandaríkjunum, hafa
sjálf umsjón með öllu ferlinu í
súkkulaðiframleiðslu sinni, frá
bóndabæ til búðar. Þau geta fyrir
vikið boðið upp á vöru án allra auka-
efna. Þau rækta kakóbaunir á býli
sínu í fjallshlíðum í Dóminíska lýð-
veldinu og eru þær handtíndar. Síð-
an eru þær ristaðar í verksmiðju
þeirra hjóna í Gaithersburg. Þar
stendur gestum til boða að koma og
fræðast um uppruna súkkulaðsins
og fylgjast með töfrunum í eldhús-
inu. Eric og Crisoire hafa unnið til
verðlauna fyrir 70 og 80 prósenta
hreina súkkulaðið sitt, og hver sem
smakkar það skilur víst vel um hvað
gæði snúast. Einnig er mælt sér-
staklega með ólívuolíutrufflum
SpagNVola. Verslanir þeirra eru á
National Harbor og í verksmiðjunni
í Gaithersburg. www.spagnvola.com
Auk ofantalinna er vert að segja
frá súkkulaðigerð í Líma í Perú,
Roselen Chocolatier, þar sem eig-
endurnir eru mæðgin sem sjá um að
handgera allt súkkulaðið.
www.roselen.com
Í Grenada í Vestur-Indíum er
vert að þefa uppi súkkulaðigerðina
Jouvay, og í Písa á Ítalíu er ein for-
vitnileg sem heitir De Bondt.
Í Mérida í Mexíkó má finna sæl-
keraverslun með súkkulaði undir
nafninu Ki’ Xocolatl.
Leit að gæðasúkku-
laði um víða veröld
Nú þegar allir eru farnir að flakka meira um heiminn en áður var getur verið
gaman fyrir fólk með sértæk áhugamál að leita uppi eitthvað sem tengist þeim.
Fyrir þá sem eru sólgnir í gæðasúkkulaði er um að gera að þefa uppi verslanir
og súkkulaðigerðir sem bjóða upp á alvöru stöff í súkkulaðiheiminum.
GettyImages/Thinkstock
Alsæla Sumar konur
kjósa að fara frekar í
rúmið með kassa af
góðum súkkulaði-
molum en karlmanni.