Morgunblaðið - 01.02.2018, Blaðsíða 58

58
MORGUNBLAÐIÐ FIMMTUDAGUR 1. FEBRÚAR 2018
mælitækið okkar hjá CEO Huxun
og byrjar að mæla ánægju undir-
manna sinna og fær þannig stöð-
ugt endurgjöf á hæfni sína sem
stjórnandi.“
Finndu áhugamál og
þá finnur þú vinnu
En hvernig finnum við atvinnu
sem færir okkur tilgang? „Þú þarft
að skoða hverju þú hefur raun-
verulega áhuga á og finna leið til
að vinna við það. Ef þú átt mjög
sértæk áhugamál, þá þekki ég til
margra sem fá virkilega ánægju út
úr vinnu sinni, því þannig stuðla
þeir að því að gera það sem þeir
hafa áhuga á. Svo sem spila golf,
ferðast og svo framvegis. En við
þurfum einnig að horfa til þessara
þátta þegar kemur að börnunum
okkar. Að líta til þess barns sem
hefur áhuga á að elda og sýna því
hvernig maður getur gert slíkt að
atvinnu sinni. Við megum alls ekki
reyna að láta börn okkar lifa okkar
drauma, það er vonlaust.“
Gunnhildur færir sig yfir í um-
ræðuna um hamingjuna og segist
sannfærð um að hana sé að finna í
litlu hlutunum. „Mér er svo minni-
stæð falleg saga af einum ham-
ingjusamasta vinnumanni sög-
unnar, sem vann í verksmiðju við
að aðstoða fólk í framleiðslu. Hann
var ekki með mikla menntun, en
fólk þurfti á honum að halda og
leitaði til hans stöðugt. Þannig
fékk hann endurgjöf á verkefnin
sín og ánægju við að aðstoða.
Kvöldin nýtti hann til að búa til
litla gosbrunna, en hann og konan
hans sátu löngum stundum úti og
horfðu á gosbrunnana mynda
regnboga. Þetta færði þau nær
hvort öðru og gaf hamingju og ég
er sannfærð um að þetta er það
sem við eigum raunverulega að
vera að leita eftir.“
Einkalífið verður
að vera orkumikið
Hvað með íslenska stjórnendur,
ertu með skilaboð til þeirra? „Mér
finnst margir íslenskir stjórnendur
til fyrirmyndar. Þeir setja fókus-
inn á starfsmenn sína og bregðast
við áskorunum á lipran og mann-
eskjulegan hátt.“
Gunnhildur segir meiri metnað
hjá stjórnendum en hún hefur séð
oft áður og efnahagsástandið og
lítið atvinnuleysi útskýri það að
stóru leyti. „Tryggð starfsmanna
minnkar þegar atvinnutækifærin
aukast. Sem dæmi get ég nefnt
Spán þar sem er 40% atvinnuleysi,
þú getur rétt ímyndað þér
áherslumuninn á vinnumarkaðnum
þar eða hér,“ segir hún og bætir
við að starfsmenn séu sífellt að
gera meiri kröfur, láta ekki bjóða
sér hvað sem er. „Ég persónulega
tel hins vegar tækifæri til að gera
betur. Það er alltof lág framlegð
hjá íslensku vinnuafli að mínu
mati sem segir mér að það vantar
fleiri eldhuga sem stjórnendur.
Einnig þurfum við að vera með
opin augu fyrir því hvort við séum
með réttan starfsmann í öllum
stöðum. Ég er á því að allir hafa
gífurlega hæfileika, svo það er
tækifæri fólgið í því að færa fólk
til í störfum og finna áhugaverð
viðfangsefni fyrir hvern og einn.“
Gunnhildur bætir við að eins sé
mikil ábyrgð fólgin í því að vera
yfirmaður þegar kemur að vinnu-
álagi. „Þú sem stjórnandi þarft að
sjá til þess að fólkið þitt lifi ríku
einkalífi, að það mæti fullt af orku
til vinnu og fari fullt af orku heim.
Það gera framúrskarandi stjórn-
endur vel að mínu mati,“ segir hún
að lokum.
Síðustu ár hafa konur keppst við að hafa
sem lengst augnhár og farið ýmsar leiðir
til þess að augnhárin verði löng og þétt.
Álímd augnhár hafa aldrei verið vinsælli og
heldur ekki augnháralengingar. En það er
líka hægt að fara aðrar leiðir til þess að
lengja augnhárin.
Eitt áhrifaríkasta efnið á markaðnum í
dag er iGlow.
Um er að ræða augnháraserum sem
lengir, dekkir og þykkir augnhárin svo um
munar.
En hvernig virkar þetta? Jú, iGlow er
borið á augnlokið eða við rætur augn-
háranna um það bil þrisvar í viku. Best
er að bera iGlow á fyrir svefninn eftir
að öll augnmálning hefur verið þvegin
af. Best er að leyfa seruminu að
vinna á meðan við sofum. Eftir
tvær til þrjár vikur sést mikill
munur.
Undirrituð hefur prófað hinar
ýmsu augnháranæringar en
engin hefur virkað jafnvel og
iGlow. Augnháraserumið fæst
á Beautybar.is. mm@mbl.is
Fyrir og eftir.
iGlow er
norskt en
framleitt í
Þýskalandi.
Það fæst á
Beauty-
bar.is.
Fyrir og eftir. Eins og sést er mikill munur á augnhárunum.
Töfrastöffið
sem virkar
Atvinna