Morgunblaðið - 01.02.2018, Side 60

MORGUNBLAÐIÐ FIMMTUDAGUR 1. FEBRÚAR 2018
Þorbjörg Marinósdóttir
tobba@mbl.is
Kristín segist gefa sér tíma í að elda
nær alla daga þrátt fyrir annríkið.
„Ég gef mér tíma til að elda nær alla
daga, þetta er mín slökun og mitt
helsta áhugamál. Það segir kannski
meira um mig en ég þori að viður-
kenna en ég virðist nær aldrei hafa
tíma til að fara í ræktina eða þrífa
íbúðina en einhvern veginn hef ég
alltaf tíma til að elda. Þegar ég var í
fæðingarorlofi þá datt ég inn í þessa
hægeldun, finnst þægilegt að geta
sett upp matinn hvenær sem er yfir
daginn og svo er snilld að þurfa ekki
að standa yfir pottunum þegar mað-
ur fær fólk í mat.“
Spurð hvort hún standi sveitt við
bakstur fyrir kosningakaffi, segir
Kristín að pönnukökur verði í lág-
marki. „Ég verð með alvöru próf-
kjörspartí með öllu tilheyrandi á
Hótel Holti í dag kl. 17 og allir vel-
komnir!“
Myndi bjóða Eyþóri
í brennt naan-brauð
Ef þú yrðir að bjóða einum úr
framlínu hinna flokkanna í mat –
hverjum myndir þú bjóða og af
hverju? „Góð spurning en eiginlega
erfitt að svara þar sem ég veit ekk-
ert hverjir verða í framlínunni hjá
þessum flokkum. En ætli ég segi
ekki bara Eyþór Arnalds, brenna
naan-brauð í ofninum og fá hann til
að mæta með sellóið,“ segir Kristín
Soffía og vísar í vinsælt lag, Eldlagið
(Ég brenn innan í mér) með Todmo-
bile, hljómsveit sem Eyþór Arnalds
gerði garðinn frægan með.
Kristín eldaði marokkóska lamba-
skanka sem verða að flokkast sem
ein besta uppskrift að lambaskönk-
um fyrr og síðar. Hæfilega einföld
uppskrift en framandi krydd, döðlur
og granatepli taka uppskriftina upp
á æðra stig. „Ég og Gestur erum
mjög samfélagslega þenkjandi og
þegar það bárust fréttir af þessu
lambakjötsfjalli þá bara tókum við
það lóðbeint til okkar og fórum að
vinna á því. Lambaskankar eru
herramannsmatur og á mjög góðu
verði. Maður getur eiginlega gengið
að því vísu að fá ófrosna lamba-
skanka í dag og það höfum við mikið
nýtt okkur. Kosturinn við þessa upp-
skrift er að hún er mjög einföld og
hefur ekki klikkað í þau fimm skipti
sem ég hef gert hana. Hún krefst
ekki mikils tíma og svo mallar þetta
bara í ofninum á meðan maður gerir
eitthvað annað. Þessa uppskrift fékk
ég í NY Times en hef aðeins einfald-
að eldunarleiðbeiningarnar.“
Marokkóskir lambaskankar
Fyrir fjóra
Heildartími 4 klst.
Virk matreiðsla 30 mín.
Eldunartími 3 klst. og 30 mín.
4 lambaskankar – um það bil 1.700 g
Salt og pipar
6 hvítlauksrif
1 msk. ferskt engifer
1 msk. paprika
2 msk. kúmmín
2 msk. smjör
2 laukar
Klípa af saffrani
½ tsk. cayenne-pipar
1 msk. tómatpúrra
4 cm kanilstöng
2 tsk. þurrkað engifer
1,5 dl niðurskornar döðlur af hvaða
tegund sem er
24 Medjool eða snakkdöðlur sem fara
heilar út í
1 stórt granatepli – fræin eiga að vera
rúmur desilítri
Fullt af kóríander
Skref 1
Að mínu mati er þægilegast að
marínera skankana kvöldið áður, en
klukkustund dugar alveg. Byrjið á
að salta og pipra skankana vel.
Blandið saman hvítlauk, fersku engi-
feri, papriku og kúmmín og smyrjið
á skankana. Vefjið þá í plastfilmu og
Samfélagslega
þenkjandi og
ræðst á lamba-
kjötsfjallið
Kristín Soffía borgarfulltrúi er búsett í Laugardal
ásamt Gesti Pálssyni, dóttur þeirra Maríu og hinum
risastóra ketti Sir Alex. Hún er sem stendur að
keppast um 2. sætið í prófkjöri Samfylkingarinnar í
Reykjavík en tók sér tíma til að elda fyrir okkur
dásamlega marokkóska lambaskanka.
Heimakær hægeldari Kristín elskar
að elda og finnst fátt meira slakandi.
Morgunblaðið/Árni Sæberg
Ræðst á fjallið Kristín og hennar fólk láta ekki sitt eftir liggja í að kaupa íslenskt lambakjöt til að forða því frá förgun.
Girnilegt Granateplin og kóríanderið gera réttinn ferskan og framandi.
geymið í kæli ef þeir eiga að standa
yfir nótt, annars bara á borði. Ef
þeir eru hafðir í kæli er gott að taka
þá út klukkustund áður en þeir eru
eldaðir.
Skref 2
Takið fram millistærð af steikar-
potti, Le creuset eða bara IKEA-
steikarpott. Bræðið smjör. Skerið
lauk í helminga og svo í þunnar
sneiðar og bætið út í ásamt saffrani,
cayenne og salti. Steikið í 5 mínútur
þartil laukurinn er farinn að mýkj-
ast. Hrærið túmatpúrruna út í og
steikið í mínútu í viðbót. Bætið
skönkunum út í ásamt öllu kryddinu
og steikið þá þar til þeir eru aðeins
farnir að brúnast á öllum hliðum.
Skref 3
Komið skönkunum þannig fyrir í
pottinum að þeir taki sem minnst
pláss svo að það þurfi ekki mikið
vatn til að flæða yfir þá. Hellið sirka
700 ml - 1 l yfir skankana þannig að
það fljóti nokkurn veginn yfir þá
alla. Bætið út í kanilstönginni,
þurrkuðu engiferi og niðursneiddum
döðlum. Lokið pottinum og setjið inn
í 160 gráðu heitan ofn í 3,5 klst. Ef
vatnið flýtur ekki alveg yfir má snúa
þeim þegar tíminn er hálfnaður.
Skref 4
Veiðið skankana upp úr og setjið í
djúpt fat. Smakkið sósuna til ef þörf
er á og bætið heilu döðlunum út í.
Hellið sósunni yfir skankana og
dreifið kóríander og granatepla-
fræjum yfir. Berið fram með kúskús
sem búið er að hræra smjöri út í.
tobba@mbl.is
FÆREYJAR
2 fullorðnir með fólksbíl.
verð á mann frá
ISK14.700
DANMÖRK
2 fullorðnir með fólksbíl.
verð á mann frá
ISK27.400
Vikulegar siglingar allt árið til Færeyja og Danmerkur.
Stangarhyl 1 | 110 Reykjavík | Sími: 570-8600
Smyril Line Seyðisfjörður 4702808 |
info@smyril-line.is | www.smyrilline.is
Taktu bílinn með
til Færeyja eða
Danmerkur
Bæklingurinn
okkar fyrir 2018 er
kominn út. Í honum
finnur þú fullt af
tilboðum og
verðdæmum. Hægt
er að nálgast hann á
www.smyrilline.is
Bókaðu
núna og
tryggðu
þér pláss