Morgunblaðið - 01.02.2018, Side 46

46 FRÉTTIRErlent
MORGUNBLAÐIÐ FIMMTUDAGUR 1. FEBRÚAR 2018
Bogi Þór Arason
bogi@mbl.is
Donald Trump Bandaríkjaforseti
dró upp mjög bjarta mynd af efna-
hag landsins í fyrstu stefnuræðu
sinni í fyrrinótt, ólíkt þeirri hel-
svörtu mynd sem hann dró upp af
efnahagnum í ræðu sinni fyrir ári
þegar hann varð forseti. Líklega er
raunveruleikinn einhvers staðar
þar á milli, ef marka má umfjöllun
hagfræðinga og bandarískra fjöl-
miðla um stefnuræðuna.
Forsetinn hvatti einnig til
þjóðareiningar og samstarfs milli
stóru flokkanna tveggja en fyrstu
viðbrögð við ræðunni benda til
þess að ólíklegt sé að allt falli í
ljúfa löð milli forsetans og pólit-
ískra andstæðinga hans.
Í ræðunni forðaðist Trump að
gagnrýna andstæðinga sína með
beinum hætti og hún var gerólík
stórkarlalegum yfirlýsingum hans
á Twitter. Hann talaði forsetalega
um að Bandaríkjamenn væru „eitt
lið, ein þjóð og ein bandarísk fjöl-
skylda“. „Í kvöld hvet ég okkur öll
til að leggja deilurnar til hliðar,
leitast við að finna sameiginlegan
grundvöll og kalla til þá einingu
sem við þurfum til að ná árangri
fyrir fólkið sem við vorum kosin til
að þjóna.“
Innflytjendum lýst
sem glæpamönnum
Trump hvatti til samstarfs milli
repúblikana og demókrata til að
endurreisa Bandaríkin, meðal ann-
ars samkomulags um breytingar á
innflytjendalöggjöfinni og stór-
felldar fjárfestingar í vegum, brúm
og hafnarmannvirkjum.
Forsetinn sagði að vernda þyrfti
svonefnt „draumafólk“, um 1,8
milljónir ungra innflytjenda sem
voru á barnsaldri þegar þeir komu
ólöglega til Bandaríkjanna með
foreldrum sínum. Hann kvaðst
vilja gefa ungu innflytjendunum
færi á að fá ríkisborgararétt í
Bandaríkjunum gegn því að þingið
samþykkti lagabreytingar til að
takmarka aðflutning fólks, að það
byndi enda á árlegt happdrætti um
græna kortið og veitti 25 milljarða
dollara til að reisa múra og girð-
ingar við landamærin að Mexíkó.
Trump lagði hins vegar áherslu
á að forgangsverkefni sitt væri að
vernda Bandaríkjamenn gegn
glæpum ólöglegra innflytjenda og
skírskotaði til morða glæpagengis-
ins MS-13 á bandarískum ungling-
um. Flestir liðsmenn gengisins eru
frá Mið-Ameríku, einkum El
Salvador, og það er illræmt fyrir
ofbeldi í mörgum borgum í Banda-
ríkjunum. Þingmenn demókrata og
nokkrir repúblikanar sögðu eftir
ræðuna að þeir litu ekki drauma-
fólkið sömu augum og glæpagengið
og talið er að áherslan sem Trump
lagði á glæpina dragi úr líkunum á
því að forsetinn nái samkomulagi
við demókrata um málið, að sögn
The Wall Street Journal. Að sögn
blaðsins er óvíst hvernig forsetinn
getur náð stefnu sinni fram vegna
ágreinings milli flokkanna og inn-
an þeirra um breytingar á innflytj-
endalöggjöfinni og stóraukin út-
gjöld til samgöngumála.
Aukast skuldirnar?
Fulltrúadeildarþingmaðurinn
Joe Kennedy III, sonarsonur Ro-
berts F. Kennedy, svaraði ræðu
Trumps fyrir hönd demókrata og
hvatti andstæðinga forsetans til að
berjast saman gegn stefnu hans.
Nokkrir repúblikanar á þinginu
hafa látið í ljós efasemdir um þau
áform forsetans að stórauka opin-
ber útgjöld til vega- og hafnafram-
kvæmda og segja að þær megi
ekki verða til þess að skuldir ríkis-
ins aukist enn.
Stephen Collinson, fréttaskýr-
andi CNN, telur ólíklegt að áskor-
un forsetans um samstarf milli
flokkanna marki tímamót í forseta-
tíð hans sem hefur einkennst af
sundrungu og deilum, oft vegna
yfirlýsinga hans á Twitter. Fátt
bendi til þess að forsetinn sé sjálf-
ur fús til að fallast á tilslakanir og
skilaboðin virðist vera þau að ef
samkomulag eigi að nást um sam-
starf geti það aðeins verið með
hans eigin skilmálum.
Nýr tónn
Í ræðu sinni fyrir ári þegar hann
tók við forsetaembættinu dró
Trump upp mjög dökka mynd af
atvinnulífinu sem hann lýsti sem
„bandarísku blóðbaði“ vegna tap-
aðra starfa. Í ræðunni í fyrrinótt
var hann miklu bjartsýnni og ýkti
árangurinn sem náðst hefur í efna-
hagsmálum frá því að hann varð
forseti.
Gerald F. Seib, fréttaskýrandi
The Wall Street Journal, bendir á
að þótt efnahagur Bandaríkjanna
sé augljóslega góður hafi upp-
gangurinn ekki verið mikill. At-
vinnuleysið hafi minnkað úr 4,8% í
4,1% frá því að Trump varð forseti
og störfum hafi fjölgað um 2,1
milljón á síðasta ári. Störfunum
hafi þó fjölgað meira á hverju ári
síðustu sex árin í forsetatíð Bar-
acks Obama, eða frá 2010.
Seib bendir einnig á að hag-
vöxturinn í Bandaríkjunum á síð-
asta ári var 2,3%, 0,8 prósentustig-
um meiri en árið áður, en mun
minni en árið 2015 þegar hann var
2,9%.
Trump ýkti einnig launahækk-
anirnar sem orðið hafa frá því að
hann varð forseti og sagði að laun-
in væru nú loksins farin að hækka
eftir margra ára stöðnun. Stað-
reyndin er hins vegar sú að launin
hækkuðu ekki meira en árin á und-
an, að sögn fréttaveitunnar AP.
Meðallaunin hækkuðu um 2,5% á
síðasta ári en um 2,9% árið 2016
þegar Obama var forseti.
Trump forseti ýkti árangur sinn
 Hvatti til samstarfs milli flokkanna  Ólíklegt talið að ræða Trumps verði til þess að sundrungin
minnki  Hagvöxturinn í fyrra var meiri en árið áður en minni en árið 2015 þegar Obama var forseti
AFP
Bjartsýnni Donald Trump klappar í þinghúsinu í Washington þegar hann flutti fyrstu stefnuræðu sína í fyrrinótt.
Forsetinn lagði áherslu á árangur sinn í efnahagsmálum og hvatti til samstarfs á milli demókrata og repúblikana.
Fleiri telja Obama
eiga heiðurinn
» Könnun ABC-sjónvarpsins
og Washington Post bendir til
þess að 58% Bandaríkjamanna
telji að efnahagsástandið sé
gott eða mjög gott núna.
» Aðeins 38% þátttakend-
anna töldu að efnahagsbatinn
væri Donald Trump að þakka.
50% sögðu að Barack Obama
ætti að miklu eða mjög miklu
leyti heiðurinn af batanum.
» 39% styðja Trump, 20 pró-
sentustigum færri en síðustu
forsetar Bandaríkjanna að
meðaltali eftir ár í embætti.
Sameinar það besta í rafsuðu
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Við bjóðum uppá glæsilegar borgir allt árið í A-Evrópu. Tilvalið fyrir
hópa, fyrirtæki og einstaklinga. Veldu tímann og farðu þegar þú vilt
2, 3, 4 daga eða lengur. Verðlag er hagstætt bæði í mat og drykk. Þá
er hægt að gera góð kaup í hinum ýmsu verslunum og
mörkuðum. Við bjóðum uppá skoðunarferðir fyrir
hópa og fyrirtæki, svo og kvöldverði/veislur í höllum,
köstulum eða húsum frá miðöldum. Getum boðið
mjög gott verð á flugi, hótelum og rútu, svo og
íslenskan fararstjóra ef þess er óskað.
www.transatlantic Sími 588 8900
GLÆSILEGAR MIÐALDA
BORGIR Í A-EVRÓPU
Ein af fallegri borgum Evrópu, hún er þekkt fyrir sínar
glæsibyggingar sem margar eru á minjaskrá Unesco,
forna menningu og spa/heilsulindir. Búdapest hefur
verið kölluð heilsuborg Evrópu en baðmenningu
Ungverja má rekja hundruðir ára aftur í tímann. Þar
hefur í árhundruði blandast saman ýmis menningar-
áhrif sem gerir borgina svo sérstaka.
Flogið er tvisvar í viku allt árið.
Hansaborgin Gdansk er elsta og fallegasta borg
Póllands, saga hennar nær aftur til ársins 997.
Þetta er borg með mikla sögu en hún var helsta vígi
Hansakaupmanna í Evrópu. Glæsilegur arkitektúr,
forn menning og fjölmargar tónlistarhátíðir hafa gert
borgina við flóann að vinsælustu ferðamannaborg
Póllands.
Flogið er tvisvar í viku allt árið.
Miðaldaborg frá 12. öld. Gamli og nýji tíminn mætast
í borg sem ekki á sinn líka. Gamli bærinn er frá árinu
1201 og er verndaður af Unesco. Þar ber hæst
kastalinn í Riga, kirkja Sankti Péturs og Dómkirkjan.
Gamli bærinn í Riga er virkilegt augnayndi hvert sem
litið er og setur borgina á stall með fallegri borgum
Evrópu.
Flogið er tvisvar í viku allt árið.
RIGA Í LETTLANDI
GDANSK Í PÓLLANDI
BÚDAPEST
NOKKUR DÆMI UM BORGIR SEM VIÐ BJÓÐUM UPPÁ
Vikuferðir
sumarið 2018frá 125.000 kr.
á mann í
2ja manna
herb.