Morgunblaðið - 01.02.2018, Side 53

UMRÆÐAN 53
MORGUNBLAÐIÐ FIMMTUDAGUR 1. FEBRÚAR 2018
MEXICOALLT ÁRIÐ
PLAYA DEL CARMEN
www.transatlantic.is Sími 588 8900
Þú ferð þegar þú vilt eins lengi og þú vilt.
Pálmatré, hvítar strendur og kristaltær sjór.
Karíbahafið eins langt og augað eygir.
Þar má auk þess finna Maya pýramída, frumskóga, tær lón, eyjar,
neðanjarðarhella, veitingahús, verslanir og næturlíf.
Þú finnur allt í Playa Del Carmen. Er þetta aðeins hluti af því
fjölmörgu í þessu stórbrotna umhverfi sem heillar ferðamanninn.
Rétt utan við ströndina er svo næst stærsta kóralrif heims með
öllum sínum litaafbrigðum og ótrúlegum fjölda fiska í öllum
regnbogans litum.
Við höfum verið í Mexico á hverju ári síðan 2005 og höfum sent
þangað þúsundir íslendinga.
Við bjóðum uppá glæsilegt 4* hótel svæði (resort)
og allt innifalið, um 40 atriði
- þú þarft ekki að taka upp veskið.
Tilvalið fyrir alla aldurshópa.
Breiður vegurinn er
upplýstur villuljósum.
Læknirinn Sveinn
Rúnar Hauksson skrif-
ar grein um Ísrael og
Palestínu í Morgun-
blaðið 18. janúar. Grein
læknisins er dapurleg
afbökun staðreynda;
full lyga og hálfsann-
leiks. Sá er leggur upp
með lygi í farangrinum
ratar ekki um þröngan
veg sannleikans. Það sannast áþreif-
anlega á Sveini Rúnari Haukssyni.
Læknirinn heldur því fram að arð-
rán og kúgun séu fylgifiskar kapítal-
isma. Ísrael kyndi undir stríðsæði
Bandaríkjanna. Ísrael eigi sér þann
draum að fara í stríð gegn Íran.
Stríð og óáran í ríkjum íslams sé
óskastaða „ísraelskra hern-
aðarsinna“. Allt þetta efli „aðskiln-
aðarríkið“ Ísrael þar sem ein trúar-
brögð séu öðrum æðri. Mann setur
hljóðan undir svona skrifum og furð-
ar sig á að þau komi úr penna læknis.
Ísrael er eina lýðræðisríki Mið-
Austurlanda. Ísrael er eina ríki Mið-
Austurlanda þar sem ríkir jafnrétti.
Í Ísrael er 1½ milljón Araba ísr-
aelskir ríkisborgarar. Mannréttindi
eru að fullu viður-
kennd; réttur til trú-
ariðkana; réttur til að
iðka gyðingtrú, kristni,
íslam, já og guðleysi.
Ísrael er eina ríki Mið-
Austurlanda sem við-
urkennir réttindi sam-
kynhneigðra og trans-
fólks. Arabar sitja í
ríkisstjórn Ísraels og
eiga sæti í Hæstarétti.
Það er vont en
versnar.
Árásarstríð Araba gegn Ísrael
Læknirinn talar um hernám Ísr-
aels 1948 og hertöku 1967. Árið 1947
samþykkti Allsherjarþing Samein-
uðu þjóðanna stofnun Ísraels og Pal-
estínu með 33 atkvæðum gegn 13.
Þetta var tveimur árum eftir helför
nazista þar sem sex milljónir gyðinga
voru líflátnar. Ísland lék lykilhlut-
verk í stofnun Ísraels fyrir tilstilli
Thors Thors sendiherra. Á grund-
velli ályktunar SÞ lýsti Ísrael yfir
sjálfstæði í maí 1948. Arabaríki hófu
stríð gegn hinu nýstofnaða ríki og
hétu að gereyða Ísrael og útrýma
gyðingum. Þrátt fyrir ofurefli stóðst
hið nýstofnaða lýðveldi atlögu Araba.
Sameinuðu þjóðirnar lýstu yfir
vopnahléi 1949.
Árið 1967 höfðu Arabar aftur í hót-
unum um að gereyða Ísrael og út-
rýma gyðingum. Þeir stilltu upp 540
þúsund manna her við landamæri
Ísraels; höfðu yfir að ráða 2.800
skriðdrekum og 800 orrustuþotum.
Ísraelar töldu þá um þrjár milljónir
með 50 þúsund manna fastaher.
Ísrael gersigraði hinn arabíska her á
sex dögum og hertók Sinaí, Gaza,
Gólanhæðir, Vesturbakkann, sem á
dögum Krists var Júdea og Samaría,
og gömlu Jerúsalem. Það var tilfinn-
ingaþrungin stund fyrir gyðinga að
endurheimta Jerúsalem sem Davíð
konungur hafði gert að höfuðborg
Ísraels 1.000 árum fyrir Krist og Sal-
ómon hafði reist fyrsta Musterið.
Engin þjóð önnur en gyðingar hefur
haft Jerúsalem sem höfuðborg.
Árið 1973 fóru Arabar í þriðja sinn
með hernaði gegn Ísrael á Yom
Kippur og enn urðu þeir að játa sig
sigraða. Árið 1979 afhentu Ísraelar
Sinaí með friðarsamningi við
Egyptaland sem viðurkenndi ríki
gyðinga. Árið 1972 myrtu PLO, öfga-
samtök Yasser Arafat, 11 ísraelska
íþróttamenn á Olympíuleikunum í
München. Sá atburður markaði
þáttaskil. Palestínumenn hafa alltaf
farið með ófriði og hafnað friði.
Jórdanía hafði ráðið Vesturbakk-
anum fyrir sex daga stríðið en afsal-
að sér stjórn 1988.
Klerkastjórn hótar
að útrýma gyðingum
Ísrael hefur í 70 ár verið í herkví
Araba og nú um stundir hóta öfga-
klerkar Íran að gereyða Ísrael og út-
rýma gyðingum. Íranar vinna að
þróun kjarnorkuvopna og skjóta á
loft eldflaugum með áletrunum
„dauði yfir Ísrael“. Eldflaugarnar
færu yfir Vesturbakkann sem er Ísr-
ael lífsnauðsynlegur til þess að verj-
ast innrás og árásum úr austri.
Læknirinn heldur því fram að Ísrael
dreymi um að nota eigin kjarnorku-
vopn á Íran!
Læknirinn ráfar villtur hinn
breiða veg villuljósa með lygi í far-
angrinum.
Árið 1993 kom Shimon Perez utan-
ríkisráðherra Ísraels til Íslands
gagngert til þess að kynna Davíð
Oddssyni forsætisráðherra Oslóar-
samkomulagið sem Yasser Arafat og
Yitzhak Rabin handsöluðu í Wash-
ington með Bill Clinton á milli sín. Í
árslok 2000 rauf Arafat samkomu-
lagið á fundi í Camp David. Bill Clin-
ton lýsti því sem mestu vonbrigðum
síns pólitíska ferils. Á grundvelli
samkomulagsins viðurkenndu Pal-
estínumenn Ísrael og fengu sjálf-
stjórn á svæðum Vesturbakkans,
meðal annars yfirráð yfir Jeríkó.
Landnemabyggðir gyðinga voru
staðfestar. Palestínumenn fengu
yfirráð yfir Gaza og ísraelskir land-
nemar voru fluttir á brott með valdi.
Eftir að Arafat hljópst á brott frá
samkomulaginu árið 2000 hófst önn-
ur Intifada-uppreisnin og innan
tveggja ára höfðu um 300 ísraelskir
ríkisborgarar verið myrtir í árásum
hryðjuverkamanna. Fjölskyldur
þiggja dollara fyrir ódæðin. Árið
2007 tók Hamas yfir Gaza og eld-
flaugaárásir þaðan mögnuðust. Að
sögn Sameinuðu þjóðanna var 4.800
eldflaugum skotið á Ísrael á innan
við tveimur mánuðum sumarið 2014.
Það syrtir í álinn. Læknirinn lýkur
grein sinni með svofelldum orðum;
„Þrautseigja Palestínumanna, hug-
rekki þeirra og friðarvilji margeflir
vonir um réttlæti og frið.“ Hér er allt
á haus og reist á röngunni enda lygin
ein í farangri læknisins. Sveinn
Rúnar sakar lýðræðisríkið Ísrael um
apartheid á sama tíma og stríð, of-
beldi og ofsóknir geisa meira og
minna um allan hinn apartíska ísl-
amska heim; lýðræði fótum troðið,
jafnrétti fótum troðið, trúfrelsi fót-
um troðið, mannréttindi fótum troð-
in, samkynhneigðir ofsóttir, kristnir
ofsóttir, gyðingar ofsóttir.
Mesti stjórnmálaskörungur tutt-
ugustu aldar, Winston Churchill,
hitti naglann á höfuðið þegar hann
mælti:
„Mikil er bölvun Múhameðs yfir
fylgjendum sínum.“
Læknar styðja helstefnu
Læknirinn í stóli borgarstjóra
Reykvíkinga kinkaði kolli til kollega
síns og kvaddi eiginkonu Sveins
Hauks úr borgarstjórn með því að
samþykkja rasíska ályktun um við-
skiptabann á Ísrael. Frá því Ísland
lék lykilhlutverk um stofnun Ísraels
hefur ríkt sérstakt samband milli
þjóðanna. Þess vegna kom Perez til
Íslands. Að hætti kotbænda neituðu
Ólafur Ragnar Grímsson og Halldór
Ásgrímsson að hitta Perez. Jón
Baldvin Hannibalsson hljóp úr landi.
Þremur árum áður hafði Stein-
grímur Hermannsson rofið hið sér-
staka samband þjóðanna þegar hann
hitti Arafat og lýsti stuðningi við
stefnu Araba. Það kom svo sem ekki
á óvart því faðir Steingríms, Her-
mann Jónasson, hafði kerfisbundið
synjað gyðingum skjóls á Íslandi og
vísað úr landi þegar nazistar hund-
eltu gyðinga í aðdraganda Helfarar-
innar.
Afleitt þótti mér þegar Guðlaugur
Þór Þórðarson utanríkisráðherra
rauf hið sérstaka samband Íslands
og Ísraels og sveik stefnu Sjálf-
stæðisflokksins; stefnu hinna stóru
leiðtoga Ólafs Thors, Bjarna Bene-
diktssonar og Davíðs Oddssonar,
þegar hann lýsti því yfir að Ísland
viðurkenndi ekki Jerúsalem sem höf-
uðborg Ísraels. Það var niðurlægj-
andi þegar ráðherrann kraup
frammi fyrir hásæti guðleysis á Ís-
landi og tók afstöðu gegn Ísrael í
beinni útsendingu. Hið guðlausa
þjóðarútvarp hefur dag eftir dag,
viku eftir viku, mánuð eftir mánuð,
ár eftir ár, áratug eftir áratug afbak-
að og afflutt fréttir af Ísrael. Þegar
Davíð Ben Gúríon forsætisráðherra
Ísraels kom til Íslands 1962 sagði
Ólafur Thors:
„Við vitum öll, hvað þjóð okkar,
eins og aðrar vestrænar menningar-
þjóðir, á að þakka andlegri leiðsögn
hinna miklu trúarleiðtoga Ísraels.
Þeir gáfu mannkyni Biblíuna, trú á
einn Guð, skapara himins og jarðar.
Þeir voru fyrstir til að vekja máls á
vilja Guðs og skyldum manna við
Guð sinn. Vizka þeirra og andlegur
styrkur voru mannkyni leiðarljós til
siðferðilegrar meðvitundar og laga-
siðgæðis.“
Vestræn siðmenning, lýðræði og
jafnrétti standa á herðum Biblí-
unnar. Gjöf gyðinga hefur leitt til of-
sókna guðleysingja í Evrópu og ísl-
am í Mið-Austurlöndum í ár-
þúsundir. Íslendingar eru kristin
þjóð og hafa verið í 1000 ár. Af því til-
efni er vert að minnast orða Drottins
við Abraham:
„Ég mun blessa þá sem blessa
þig.“
Eftir Hall Hallsson » Læknirinn ráfar
villtur hinn breiða
veg villuljósa með
lygi í farangrinum.
Hallur Hallsson
Höfundur er fréttamaður.
Lygi í farangrinum
Þegar EES-
samningurinn var
samþykktur á Alþingi
13. janúar 1993 var
meirihluti þingsins
þeirrar skoðunar „að
samþykki Alþingis á
EES-samningnum
brjóti ekki í bága við
stjórnarskrána“. Texti
samningsins gefur þó
glögglega í skyn að
Alþingi var að færa löggjafarvaldið
yfir efnisatriðum samningsins frá
sér, því í 2. gr. hans segir: „Megin-
mál EES-samningsins skal hafa
lagagildi hér á landi.“ Hins vegar
má efast um hvort þingmenn hafi
getað séð fyrir sér umfang og
framkvæmd samningsins á þeim 25
árum sem liðin eru frá samþykkt
hans.
Framkvæmd samningsins
Á þessum 25 árum hefur Ísland
innleitt um 11.000 tilskipanir ESB
hér á landi, ýmist með lögum eða
stjórnvaldsfyrirmælum. Samskipti
stofnana EFTA og ESB á grund-
velli samningsins byggjast á svo-
kölluðu tveggja stoða kerfi. Á milli
stoðanna eru sameiginlegar stofn-
anir sem vettvangur samvinnu og
sameiginlegra ákvarðana um hvað
skuli taka upp í EES-samninginn.
Af hálfu EFTA voru settar á stofn
fimm undirnefndir auk 32 sérfræð-
inganefnda til að fara yfir efni fyr-
irhugaðra lagasetninga ESB sem
gætu fallið undir EES-samninginn,
álit þeirra fari síðan til sameigin-
legu EES-nefndarinnar til endan-
legrar afgreiðslu.
Þróunin hefur hins vegar orðið
sú að í stað samvinnu í undirbún-
ingi löggjafar ákveður fram-
kvæmdastjórn ESB hvað af tilskip-
unum þeirra skuli tekið upp í
EES-samninginn. Flestum beiðnum
EFTA-ríkjanna um undanþágu eða
sérlausnir er hafnað og ekki mörg
dæmi um að EFTA-ríkin hafi getað
haft áhrif á ESB-gerðir. Sam-
kvæmt samningnum þarf sameigin-
lega EES-nefndin að afgreiða mál
einróma og ef ágreiningur er um
einstök efni eru þau af-
greidd með tíma-
bundnum undan-
þágum.
Innleiðing
tilskipana
Við samþykkt sam-
eiginlegu EES-
nefndarinnar öðlast
gerðin lagagildi á
EES-svæðinu þann
sama dag og þar með á
Íslandi. Það er síðan
hlutverk ráðuneyta að
setja þessar gerðir í lagafrumvarp
eða stjórnvaldsfyrirmæli sem Al-
þingi verður að afgreiða. Ef drátt-
ur verður á afgreiðslu þessara
gerða á Alþingi gefur Eftirlits-
stofnun EFTA (ESA) Íslandi að-
vörun og að 12 mánuðum liðnum er
drátturinn kærður til EFTA-
dómstólsins sem ávallt dæmir sam-
kvæmt niðurstöðu sameiginlegu
EES-nefndarinnar.
Þótt deila megi um hvort EES-
samningurinn og framkvæmd hans
skerði innri fullveldisrétt landsins,
þ.e. réttinn til að ráða innri mál-
efnum sínum, hefur miðstýrt til-
skipunarvald Brussel valdið síauk-
inni andstöðu innan EES sem og
innan ESB. Það er ástæðan fyrir
úrgöngu Breta úr ESB og miklu
óþoli í Noregi við EES-samninginn.
Fyrir 100 árum lauk tilskipunar-
valdi Kaupmannahafnar í mál-
efnum Íslendinga sem staðið hafði
um aldir en fyrir 25 árum tók við
tilskipunarvald ESB um innlend
málefni okkar. Spurningin er:
Hversu lengi mun það standa?
Eftir Sigurbjörn
Svavarsson
Sigurbjörn Svavarsson
» Þróunin hefur hins
vegar orðið sú að
í stað samvinnu í undir-
búningi löggjafar
ákveður framkvæmda-
stjórn ESB hvað …
skuli tekið upp í
EES-samninginn.
Höfundur er áhugamaður
um fullveldi Íslands.
Um fullveldið
og framkvæmd
EES-samningsins
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda greinar allan sólar-
hringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.