Morgunblaðið - 01.02.2018, Side 24

Guðmundur Sv. Hermannsson
gummi@mbl.is
„Ég vissi ekkert um snjó. Ég
hafði enga hugmynd um að snjór-
inn væri mismunandi, blautur,
þurr, kaldur, heitur og að það
þyrfti að nota sérstök skíði fyrir
hverja tegund. Ég átti bara eitt
par af skíðum og ætlaði að tryggja
mér keppnisrétt á Ólympíuleikum
á innan við ári.“
Þetta segir Pita Taufatofua í
samtali við fréttastofuna AFP í
gær um reynslu sína af því að
reyna að komast á vetrarólymp-
íuleikana í Pyeongchang í Suður-
Kóreu nú í febrúar. Taufatofua,
sem mun keppa þar fyrir Kyrra-
hafsríkið Tonga, tryggði sér
keppnisréttinn með því að taka
þátt í 10 kílómetra skíðagöngu í
móti á Ísafirði nú í janúar, eins
og fjallað hefur verið um í
Morgunblaðinu.
Ólympíuævintýri Taufatofua
hefur vakið mikla athygli en það
hófst á Ólympíuleikunum í Ríó í
Brasilíu þar sem hann keppti fyr-
ir hönd Tonga í taekwondo en
tapaði fyrstu viðureign sinni og
var því úr leik. Hann stóð sig hins
vegar mun betur í setningar-
athöfninni þegar hann veifaði af
ákafa fána Tonga, ber að ofan og
olíuborinn með ta’ovala-mottu um
sig miðjan. Hann varð samstundis
stórstjarna á samfélagsmiðlum og
minnst var á hann í 45 milljónum
færslna á Twitter. Í kjölfarið
mætti hann í fjölda spjallsjón-
varpsþátta í Bandaríkjunum og
lét þess þar getið að hann væri að
velta fyrir sér nýjum verkefnum.
Nokkrum mánuðum síðar til-
kynnti Taufatofua að hann stefndi
að því að keppa fyrir Tonga í
skíðagöngu á næstu vetrar-
ólympíuleikum.
Betri í sjó en snjó
Þetta þótti mörgum einkennileg
ákvörðun. Taufatofua, sem er
fæddur og uppalinn í Brisbane í
Ástralíu en á ættir að rekja til
Tonga, kann betur við sig í heitum
sjó en í köldum snjó. Loftslagið í
Ástralíu er heldur ekki heppilegt
til skíðaiðkunar, en Taufatofua
byrjaði að æfa skíðagöngu með því
að binda planka á fæturna og
hlaupa þannig búinn í sandinum á
ströndinni við Brisbane.
„Síðan voru það hjólaskíðin. Á
þeim eru engar bremsur og þetta
er það versta sem til er. Ég held
að andskotinn hafi fundið þau
upp,“ segir Taufatofua í viðtalinu.
Hann hélt síðan til Evrópu til
að keppa á gönguskíðamótum og
segir að nokkrir íþróttamenn frá
því sem hann kallar sumarlönd,
Mexíkó, Portúgal og Kólumbíu,
hafi myndað hóp og lagt hverjir
öðrum lið við að reyna að tryggja
sér keppnisrétt á Ólympíuleik-
unum.
„Við deildum skíðum og þjálf-
unarráðum. Við sváfum þrír sam-
an í gistiheimilum og borðuðum
túnfisk og pasta því við höfðum
ekki efni á öðru. Við ókum í átta
klukkustundir í blindbyl á Íslandi
og vonuðumst til að sleppa við
snjóflóð og kepptum líka í Armen-
íu og Georgíu. Í okkar huga var
þetta hinn sanni ólympíuandi, að
taka þátt og vinna saman.“
Draumurinn rættist
Keppnisferðalagið gekk ekki
sérlega vel og ólympíudraumurinn
virtist úti þegar Taufatofua kom
ásamt félögum sínum til Ísafjarð-
ar um miðjan janúar til að taka
þátt í Fossavatnsgöngunni. En
þar gekk skyndilega allt í haginn
og Taufatofua náði ólympíu-
lágmarkinu.
„Þetta var eins og kraftaverk.
Mér leið eins og ég hefði unnið
gullverðlaun,“ segir hann.
Taufatofua segist ekki ætla að
mæta fáklæddur í setningar-
athöfnina í Pyeongchang 9. febr-
úar enda er hitinn þar undir frost-
marki.
„Markmið mitt er aðeins að
taka þátt. Ef það leiðir til þess að
aðrir reyna það sem virðist
ómögulegt er það þess virði,“
sagði hann.
Taufatofua verður ekki fyrsti
vetrarólympíufari Tonga. Árið
2014 keppti Tongamaðurinn Bruno
Banani á eins manns sleða á
vetrarólympíuleikunum í Sochi í
Rússlandi og endaði í 32. sæti af
39 keppendum. En fyrirmyndir
þeirra Banani og Taufatofua eru
hins vegar félagarnir í bobsleðaliði
Jamaíku, sem kepptu á Ólympíu-
leikunum í Calgary í Kanada árið
1988 og vöktu heimsathygli. Gerð
var Hollywood-kvikmynd, Cool
Runnings, um það ævintýri.
Ólympíuferð hófst á einu skíðapari
 Árangur Tongamannsins Pita Taufatofua hefur vakið heimsathygli  Æfði skíðagöngu með því
að binda fjalir á fæturna og hlaupa á baðströnd  Markmiðið náðist loks í Fossavatnsgöngunni
Glaður í kuldanum Pita Taufatofua birti myndir af sér á Instagram léttklæddum í kuldanum ofan við Ísafjörð.
24 FRÉTTIRInnlent
MORGUNBLAÐIÐ FIMMTUDAGUR 1. FEBRÚAR 2018
Ljósmyndir
Rutar og Silju
Skipholti 31 • 105 Reykjavík • Sími 568 0150
Opið virka daga 10-17 • www.rut.is • Ljósmyndir Rutar og Silju
Fyrir passann, ökuskírteinið,
ferilskrána o.fl.
Skjót og hröð
þjónusta
Engar tímapantanir
Góð passamynd
skiptir máli
• Bindivír 1 mm U hankir og rúllur 1.4 mm
• Fjarlægðarstjörnur og steinar 20-50 mm
• Plastlistar á undirslegnar plötur,
einnig harðir
• U listar á ull eða plasteinangrun
• Járnstólalengjur, sterkir og góðir stólar
frá 50 mm
• Mótarör og kónar 10–50 mm
• Öryggishlífar á kambstál,
listar og sveppir
Járnabakkar
Járnabindingavörur
Erum með á lager
allar helstu gerðir af járnabökkum
Vír og lykkjur ehf
www.viroglykkjur.is - viroglykkjur@internet.is
772-3200/692-8027 ÞÚ FINNUR ALLT Á FINNA.IS
Tuttugustu og þriðju vetrarólymp-
íuleikarnir verða settir í Pyeong-
chang í Suður-Kóreu 9. febrúar og
standa til 25. þess mánaðar.
Íþróttamenn frá 92 þjóðum
munu keppa á leikunum í ýmsum
greinum, þar af rúmur helmingur
frá Evrópu. Þrjú ríki í Eyjaálfu
senda keppendur til Kóreu: Ástral-
ía, Nýja-Sjáland og Tonga.
Fimm íslenskir íþróttamenn
munu keppa í Pyeongchang. Frey-
dís Halla Einarsdóttir og Sturla
Snær Snorrason keppa í alpagrein-
um og Elsa Guðrún Jónsdóttir,
Snorri Einarsson og Isak Stianson
Pedersen taka þátt í ýmsum skíða-
göngugreinum.
Keppendur verða frá 92 löndum
VETRARÓLYMPÍULEIKARNIR HEFJAST EFTIR RÚMA VIKU Í SUÐUR-KÓREU
AFP
Ólympíusvæðið Hér verða XXIII. vetrarólympíuleikarnir settir í næstu viku.