Morgunblaðið - 03.05.2018, Side 44

44 UMRÆÐAN
MORGUNBLAÐIÐ FIMMTUDAGUR 3. MAÍ 2018
sólgleraugu
VEFVERSLUN
opticalstudio.is
Mér finnst rétt að
stuðla að því að borg-
arbúar geti fylgst með
og myndað sér skoð-
anir á rekstri borg-
arinnar og kostnaði við
reksturinn og birti því
hér nokkrar tölur í
þeim tilgangi sem snúa
að rekstri fasteigna í
borginni.
Ég hef átt hús í
borginni sl. 22 ár og er húsið eins í
dag og það var þegar ég keypti það
að teknu tilliti til venjulegs viðhalds.
Fækkað hefur í heimilinu þannig að
heldur hefur dregið úr notkun ein-
hverra þátta rekstrar hússins en
ekki aukist.
Á hverju ári greiði ég rafmagn,
hita og fasteignagjöld ásamt vatns-
og fráveitugjöldum. Frá aldamótum
hafa þessi gjöld hækkað eins og ann-
að í þjóðfélaginu, en þó ekki á sama
hátt eins og sést á meðfylgjandi
stólpariti.
Árið 2000 greiddi ég þannig 30.647
kr. á mánuði fyrir þessa þætti sam-
anlagt en 103.047 kr. á mánuði árið
2018 (aprílmánuðir). Þetta er rúm-
lega þreföldun kostnaðarins. Sé
þetta borið saman við neysluvísitöl-
una, byggingarvísitöluna og launa-
vísitöluna kemur í ljós að engin
þeirra hefur hækkað jafnmikið á
sama tíma. Árleg hækkun reikninga
Reykjavíkurborgar var á þessum ár-
um 7,4% að meðaltali á meðan árleg
hækkun byggingarvísitölunnar var
6,4% að meðaltali. Ár-
leg meðaltalshækkun
reikninga Reykjavíkur-
borgar og stofnana
hennar hefur verið um
8,6 % undanfarin 11 ár
miðað við síðustu
reikninga, þannig að
enn hefur verið slegið í
klárinn.
Hefðu gjöld Reykja-
víkurborgar og stofn-
ana hennar vegna
reksturs hússins fylgt
byggingarvísitölunni frá árinu 2000
væri ég að greiða 87.982 kr. á mán-
uði á þessu ári samtals fyrir þessa
þjónustu borgarinnar eða 15.166 kr.
lægri upphæð á mánuði, sem er
181.992 kr. á ári.
Nú skyldi maður ætla að með
stærri rekstrareiningu og aukinni
tækni yrði rekstur borgarinnar og
stofnana hennar hagkvæmari, en
það virðist vera öfugt hjá Reykjavík-
urborg.
Það vill svo til að ég vann að skipu-
lags- og hagræðingarmálum í mörg
ár fyrir eina af þessum stofnunum
borgarinnar fyrir aldamótin síðustu
og var stefnan þá að láta borgarbúa
njóta þess í lækkandi gjöldum þegar
vel tókst til. Á þeim tíma sparaðist
mikið í rekstri stofnunarinnar, svo
að skipti milljörðum á ári, og lækk-
uðu því gjöld Reykvíkinga umtals-
vert á þeim tíma, sjá slóðina:
http://www.hannarr.com/um-
hannarr/sparnadur/
Þessi lækkun var oftast afhent
notendum þjónustunnar með því að
hækka ekki taxta þjónustunnar, eins
og lesa má í tilkynningum um slíkt í
greinargerðum og yfirlitum stofn-
unarinnar frá þeim tíma.
Nú virðist ekki vera unnið á sama
hátt hjá þessari stofnun, hver ætli
skýringin sé? Og hver ætli vilji borg-
arbúa sé í því sambandi?
Breytingar á gjöldum Reykjavíkur-
borgar frá árinu 2000
Eftir Sigurð
Ingólfsson
»Maður skyldi ætla að
með stærri rekstrar-
einingu og aukinni
tækni yrði rekstur borg-
arinnar hagkvæmari, en
því virðist öfugt farið
hjá Reykjavíkurborg.
Sigurður Ingólfsson
Höfundur er framkvæmdastjóri
Hannars ehf.
Samanburður á gjöldum í Reykjavík og vísitölum
Reykjavík samtals
236%
Breyting frá 2000 til 2018
360%
270%
180%
90%
0%
Rafmagn Hitaveita Fasteigna-
gjöld*
Vísitala
neysluverðs
Byggingar-
vísitala
Launa vísitala
334%
191%
213%
129%
187%
234%
Gjöld Reykjavíkurborgar Vísitölur
Reykjavík samtals
48%
Breyting frá 2000 til 2007
80%
60%
40%
20%
0%
Rafmagn Hitaveita Fasteigna-
gjöld*
Vísitala
neysluverðs
Byggingar-
vísitala
Launa vísitala
43%
18%
76%
36%
54%
65%
Gjöld Reykjavíkurborgar Vísitölur
*Með vatni og fráveitu
Móttaka
aðsendra greina
Morgunblaðið er vettvangur lif-
andi umræðu í landinu og birtir
aðsendar greinar alla útgáfu-
daga.
Þeir sem vilja senda Morg-
unblaðinu greinar eru vinsam-
lega beðnir að nota inn-
sendikerfi blaðsins. Kerfið er
auðvelt í notkun og tryggir ör-
yggi í samskiptum milli starfs-
fólks Morgunblaðsins og höf-
unda. Morgunblaðið birtir ekki
greinar sem einnig eru sendar á
aðra miðla.
Kerfið er aðgengilegt undir
Morgunblaðslógóinu efst í
hægra horni forsíðu mbl.is.
Þegar smellt er á lógóið birtist
felligluggi þar sem liðurinn
„Senda inn grein“ er valinn.
Í fyrsta skipti sem inn-
sendikerfið er notað þarf not-
andinn að nýskrá sig inn í kerf-
ið. Ítarlegar leiðbeiningar fylgja
hverju þrepi í skráningarferlinu.
Eftir að viðkomandi hefur skráð
sig sem notanda í kerfið er nóg
að slá inn kennitölu notanda og
lykilorð til að opna svæðið.
Hægt er að senda greinar allan
sólarhringinn.
Nánari upplýsingar veitir
starfsfólk Morgunblaðsins alla
virka daga í síma 569-1100 frá
kl. 8-18.