Tímarit Máls og menningar - 01.02.2004, Qupperneq 4

Tímarit Máls og menningar
endurvakið
„Og verður það svona lítið og sætt eins og í gamla daga?“ spurði feginn
aðdáandi Tímarits Máls og menningar þegar hún frétti að það ætti að
koma út aftur í fyrra formi. Nýir útgefendur veltu talsvert fyrir sér fyrri
brotum á Tímaritinu en að lokum var ákveðið að velja royal-brotið sem
nú er algengt, bæði á bókum og tímaritum, en ekki elsta brotið, klassíska
demibrotið sem Skírnir notar enn. Stærra brotið er óneitanlega myndar-
legra í hillu og býður upp á ýmsa möguleika í umbroti, en fyrst og fremst
kemst meira fyrir á síðunum! Það er mikilsvert þegar mikið efni bíður
birtingar og prentun er kostnaðarsöm.
Aðdáandinn sem vitnað var til hér að ofan er rétt rúmlega tvítugur og
merkilegt að svo ung stúlka skuli sjá eftir tímariti sem skipti fyrst um form
þegar hún var talsvert innan við fermingu. En þeir sem ólust upp við
Tímarit Máls og menningar bera margir til þess einkar hlýjar tilfmningar.
Þess vegna (meðal annars) á nú að freista þess að taka upp þráðinn þar
sem frá var horfið í árslok 2000 og gefa út íjölbreytt bókmenntatímarit
sem þó hefur líka áhuga á öðrum listgreinum. Tilraunin á að ná yfir tvö
tölublöð. Ef tekst að safna nægilegum fjölda áskrifenda nú á vormánuð-
um til að Tímaritið geti staðið undir sér verður tilrauninni haldið áfram
og gefin út tvö hefti á síðari hluta ársins og fjögur á ári framvegis.
Boðsbréf var sent til fyrrverandi áskrifenda TMM til að freista þeirra
til að taka þátt í baráttunni, en litið var svo á að þeir sem voru áskrifend-
ur þegar Edda hætti útgáfunni vildu halda áfram. Þeir fengu ekkert boðs-
bréf og því er rétt að geta þess hér - sem tekið var fram í boðsbréfmu -
að áskrifendum TMM býðst nú 15% afsláttur á öllum bókum í Bókabúð-
um Máls og menningar og Pennanum Eymundsson, bæði erlendum og
íslenskum.
Útgefandi TMM er nú Mál og menning - Heimskringla ehf og ættfær-
ir Þröstur Ólafsson þann aðila nánar í greinargerð hér á eftir.
í þessu fyrsta hefti er margt til að smjatta á. Þar ber hæst frumbirtingu