Tímarit Máls og menningar - 01.02.2004, Page 92

Silja Aðalsteinsdóttir
holdende kæmpeværk, der kortlægger báde det gamle liv i Island og
udvandrernes liv i Canada, overmáde detaljeret og rigt udfoldet. Det er
en islænding, der skriver - som i sagaerne opregnes alle bánd og tráde
bagud noje.“
Aðeins varð May Schack að koma því að, að hún kynni sínar íslend-
ingasögur.
Nýjasta skáldsaga japanska rithöfundarins Haruki Murakami, sem
heillaði áheyrendur á tveimur stórum umræðufundum á Bókmenntahá-
tíð í Reykjavík sl. haust, er að koma út á evrópumálum. Hún heitir Kafka
á ströndinni og kom út í Japan í hitteðfyrra. Þar seldist hún í hálfri
milljón eintaka á fyrstu vikunum og spennan er mikil á Vesturlöndum að
fá að lesa hana. Söguþræði nappar Murakami úr leikriti Sófóklesar um
Ödipus konungog segir frá 15 ára dreng sem leggur land undir fót til að
leita að tilgangi lífsins þegar faðir hans deyr. Móðir hans og eldri systir
hurfu að heiman þegar hann var íjögurra ára.
Fyrir aðdáendur Sylviu Plath sem frekar vilja lesa norðurlandamál en
ensku eru dagbækur hennar komnar út í sænskri þýðingu hjá Norstedts
útgáfunni, Sylvia Plaths dagböcker och anteckningar. 1950-1962. Þetta er
óstytta útgáfan, sú seinni sem Ted Hughes og börn þeirra Sylviu gáfu út.
Þó er hér ekki með síðasta dagbókin frá 1963, árinu þegar Sylvia Plath
svipti sig lífi. Þeirri bók fargaði Ted Hughes áður en hann lést árið 1998,
svo að nú fær enginn að vita nokkurn tíma hvað Sylvia Plath hugsaði um
það leyti sem hún tók hina örlagaríku ákvörðun.
Rétt er að benda á að fýrsta bindi sjálfsævisögu Gabriels García
Márquez er komið út á ensku. Vivir para contarla heitir hún á spænsku,
Living to Tell the Tale á ensku, og eftir umsögnum heimsblaða að dæma
er þetta dásamleg bók og vel þýdd af Edith Grossman. Márquez hugsar sér
söguna í þremur bindum og þetta fýrsta nær frá fæðingu hans 1927 og
fram undir 1960. Hann bjó fyrstu átta árin hjá afa sínum og ömmu í Ara-
cataca í Kólumbíu þar sem vofur voru jafngildir heimilismenn og lifandi
verur, og má finna uppsprettur margra frægra kafla í skáldsögum hans í
frásögnum af ættingjum hans og vinum í ævisögunni.
Bók blaðamannsins Barböru Ehrenreich, Nickel and Dimed. On (Not)
Getting By in America, um bág kjör láglaunafólks í Bandaríkjunum sem
út kom fyrir um tveimur árum, hefur haft umtalsverð áhrif á þjóðfélags-
umræðu vestra. Nýlega komu út tvær bækur í viðbót sem gera úttekt á
þessu alvarlega máli, The Betrayal ofWork eftir Beth Shulman (The New
Press 2003) og Low Wage America eftir Appelbaum, Bernhardt og
Murnane (Russel Sage Foundation 2003). Þessar bækur sýna fram á að
ameríski draumurinn um að fólk geti komist áfram í lífinu hvaðan úr
90
TMM 2004 • 1