Rit Mógilsár - 2014, Qupperneq 5

Rit Mógilsár 31/2014 5
Árleg fagráðstefna skógræktar var haldin á
Hótel Selfossi dagana 12. og 13. mars 2014.
Yfirskrift ráðstefnunnar var að þessu sinni
Skógur og skipulag og skipulagsmálin voru
að mestu ráðandi á dagskránni fyrri dag-
inn. Skógfræðingafélagið hafði kvöldið áður
hafið leikinn með því að halda aðalfund sinn,
þriðjudagskvöldið 11. mars.
Skipulag ráðstefnunnar var á höndum Suður-
landsskóga, Rannsóknastöðvar skógræktar,
Mógilsá, umdæmis skógarvarðar Skógræktar
ríkisins á Suðurlandi, Skógfræðingafélags
Íslands, Landbúnaðarháskóla Íslands, Lands-
samtaka skógareigenda og Skógræktar félags
Íslands.
Erindi á ráðstefnunni voru 22 og þar fyrir utan
fjögur örerindi um fjölbreytileg efni, bæði
tengd skógrækt og ekki. Magnús Hlynur
Hreiðarsson fréttamaður fjallaði um jákvæða
fjölmiðla, Ásgeir Guðnason sagði frá ræktun
botnlægra sjávardýra á Eyrarbakka, kynnt var
bókin Skógarauðlindin og einnig framleiðsla
fyrirtækisins Fengs á viðarkögglum til marg-
víslegra nota. Auk erindanna voru kynnt
allmörg veggspjöld. Að loknum fyrirlestrum
fyrri daginn var gengið í Hellisskóg í ákafri
kalsarigningu og slyddu þar sem fundarfólk
naut veitinga í hellinum sem skógurinn er
kenndur við. Hellisskógur er aðalræktunar-
svæði Skógræktarfélags Selfoss og þar hefur
skógur verið ræktaður frá árinu 1986.
Um kvöldið var að venju haldin skemmti-
dagskrá með hátíðarkvöldverði. Þar tróð
meðal annars upp rokkhljómsveit skipuð
skógarmönnum úr flestum ef ekki öllum
landsfjórðungum.
Samkvæmt þeirri hefð sem skapast hefur
býðst fyrirlesurum á Fagráðstefnu skóg-
ræktar að birta greinar upp úr erindum
sínum í Riti Mógilsár. Hér birtast erindi þeirra
sem ákváðu að þekkjast boðið, alls 17
greinar, nokkrar um skipulagsmál en aðrar
um fjölbreytileg skógarmálefni. Ritnefnd
þakkar höfundum fyrir ánægjulegt samstarf
og vönduð vinnubrögð. Rit Mógilsár birtist
nú í nýjum búningi sem ritnefnd vonast til að
lesendum falli vel í geð. Ritið er bæði prentað
í litlu upplagi auk þess að vera aðgengilegt
á vefnum (www.skogur.is). Þar má hlaða því
niður í heild eða einstökum greinum.
Fyrir hönd ritnefndar,
Pétur Halldórsson
Fylgt úr hlaði