Náttúrufræðingurinn - 2020, Page 19
239
Svipmyndir úr sögu rannsókna á
jökulskerjum Breiðamerkurjökuls
Viðauki
Kvískerjabræður – Flosi, Helgi og Hálfdán Björnssynir – heimsóttu Kárasker í Breiðamerkurjökli
fyrstir manna 1957 og skráðu þar gróður. Skerið nefndu þeir í höfuðið á Kára Sölmundarsyni sem
samkvæmt Njálu bjó á bænum Breiðá sem síðar fór undir jökul. Eyþór Einarsson kom þangað fyrst
árið 1961 með Hálfdáni og fleirum og þá fannst einnig nýtt jökulsker um 1,5 km suðvestur af Káraskeri.
Eyþór nefndi það Bræðrasker eftir Kvískerjabræðrum. Eyþór og Hálfdán hófu síðan gróðurvöktun á
skerjunum árið 1965 með því að merkja þar fasta reiti og vakta þá reglulega. Sjaldan voru þeir Eyþór og
Hálfdán einir á ferð og voru í föruneyti þeirra ýmsir náttúrufræðingar sem aðstoðuðu við rannsókn-
irnar eða sinntu eigin rannsóknum.
Til vinstri: Áð neðst í Káraskeri árið 1985 á stað sem var nýkominn undan jökli og ennþá gróðurlaus. Hér má sjá Eyþór, Erling
Ólafsson skordýrafræðing og Sigurð Björnsson frá Kvískerjum hvíla lúin bein og ræða málin. Til hægri: Eyþór, Erling, Sigurður og
Kristbjörn Egilsson. Sá síðastnefndi fór nokkra leiðangra í skerin og Esjufjöll með Eyþóri og tók þessar myndir.
Reitur K8 í Káraskeri árið 1985. Hann var lagður út í grónum slakka á austurhlið skersins. Reiturinn var nokkuð vel gróinn strax
1965 við upphaf vöktunarinnar og þar fundust þá 8 æðplöntutegundir. Hér má sjá Eyþór við reitinn. Árið 1985 voru greindar þar 12
æðplöntutegundir og voru ólafssúra, fjalladúnurt og fjallasveifgras með mesta þekju. Ljósm. Kristbjörn Egilsson.