Náttúrufræðingurinn - 2020, Qupperneq 37

Tímarit Hins íslenska náttúrufræðifélags
257
Krýsuvíkurberg
Hrun varð úr bjarginu í skjálftanum
(9. mynd), en gömul sprunga sést á loft-
mynd frá 2019 þar sem hrunið varð.
Keðjur voru fyrir nálægt göngustíg,
þar sem bjargið var – og er – talið vara-
samt. Nýjar sprungur mynduðust við
brúnina (10. mynd). Eftir skjálftann var
strengdur spotti til að koma í veg fyrir
að fólk fari út á brún bjargsins þar sem
ein þessara nýju sprungna er.
Nýja sprungan sem strengt var fyrir
er um 20 metra löng en sprungan sem
hrundi frá er líklega á allt að 30 metra
löngu bili. Það þyrfti dróna til að mæla
þetta frá sjó. Fyrir mann sem stendur á
brúninni er erfitt að meta þetta því ekki
sést framfyrir brúnina. Ljósmyndir frá
Degi Jónssyni sýna vel bæði nýjar og
gamlar sprungur í bjarginu (11. mynd).
Dagur gengur reglulega um svæðið og
varð fyrst var við sprungur í bjarginu
eftir jarðskjálfta sem urðu árið 2008.
Hann tók sérstaklega fram að ekki
hefði borið á sprungum og hruni eftir
skjálftana árið 2000.
9. mynd. Brúnlitaða svæðið í berginu fyrir miðri mynd sýnir ummerki eftir hrunið sem varð úr Krýsuvíkurbergi. Ljósm.: Esther Hlíðar Jensen.
10. mynd. Ný sprunga á brún Krýsuvíkurbergs. Ljósm.: Esther Hlíðar Jensen.