Þjóðmál - 01.06.2016, Síða 6

Meðalfylgi Sjálfstæðisflokksins 2003 til 2013
heimilin. (Sú skjaldborg reyndist aðeins vera leiktjöld á pólitísku leiksviði). Gengið hefur verið
frá uppgjöri þrotabúa bankanna og losun fjármagnshafta er í skynsamlegum farvegi. Margt
fleira er hægt að nefna. Endurreisn heilbrigðiskerfisins er hafin og greiðslur almannatrygginga
hafa verið hækkaðar meira en áður.
En það mun ekki duga Sjálfstæðisflokknum að benda á það sem vel hefur verið gert
á kjörtímabilinu - ekki frekar en það mun gagnast Framsóknarflokknum. Báðir stjórnar-
flokkarnir verða að leggja fram trúverðuga stefnu í öllum helstu málum fyrir kosningar.
Hér skulu nokkur dæmi nefnd:
• Uppstokkun skattakerfisins, þar sem dregið er úr jaðarsköttum og beinar álögur á
launafólk lækkaðar. Því lofað að á nýju kjörtímabili verði tekinn upp flaturtekjuskattur
einstaklinga, tryggingagjaldið lækkað í það sem það var 2007 og tekjuskattur fyrirtækja
lækkaður. VSK-kerfið einfaldað og hæsta þrep lækkað. Með samkeppnishæfu skatta-
umhverfi er hægt að flytja verslunina aftur til landsins og skapa frjóan jarðveg fyrir allt
atvinnulífið. Skattkerfið tryggi jafnræði milli atvinnugreina.
• Á næsta kjörtímabili verður það aftur gert eftirsóknarvert að stofna og eiga fyrirtæki. Sjálf-
stæði atvinnurekandinn kemst aftur á sinn stall og hætt verður að refsa framtaksmönnum
fyrir að ná árangri í rekstri.
• Ráðist verður í umfangsmikla fjárfestingu í heilbrigðiskerfinu - fjárfestingu sem er ekki
aðeins ein sú arðbærasta sem við eigum kost á, heldur mun hún auka lífsgæði allra
landsmanna ef rétt er að verki staðið. Útgjöld til heilbrigðismála hafa verið aukin verulega
á kjörtímabilinu, en Ijóst erað meira þarf til en einnig verður að auka skilvirkni heilbrigðis-
kerfisins og fjölga tækifærum einkaaðila um leið að aðgengi allra er tryggt óháð efnahag.
Sjálfstæðisflokkurinn á að láta heilbrigðismálin verða eitt aðalmál kosninganna í haust.
• Á næstu árum verður eitt mesta óréttlætið sem hefur fengið að grafa um sig hér á landi,
leiðrétt. Þjóðinni verður ekki lengur skipt í tvo hópa; þar sem annar hópurinn nýtur ríkis-
ábyrgðará lífeyrisréttindum en hinn þarf að sætta sig við skert lífeyrisréttindi ef illa gengur.
Til að auka enn á óréttlætið þarf síðari hópurinn að axla þyngri byrðar til að tryggja lífeyris-
réttindi þeirra sem tilheyra fyrri hópnum. Fyrir kosningar verða ríkisstjórnarflokkarnir hins
vegar að tryggja að breytingar á lögum um almannatryggingar nái fram að ganga.
• Þegar á nýju ári á að leggja grunn að því að ungt fólk eigi a.m.k. ekki síðri tækifæri til að
4 ÞJÓÐMÁL sumarhefti 2016