Þjóðmál - 01.06.2016, Page 81

Steingrímur J. Sigfússon íþingræðu 2003: „Það dettur engum í hug að við göngum í Evrópusambandið nema þjóðin sjátf
taki ákvarðanir iþví málijafnvel bæði hvort við eigum að fara íslíkar viðræður og þá að niðurstaðan verði lögð í dóm
þjóðarinnar."
Ljósmynd: Margus Fröderberg / norden.org
degi en ekki aðeins á fjögurra ára fresti. í
umræðum um frumvarp til stjórnskipunar-
laga 8. apríl 2009 sagði hann meðal annars:
„Þrátt fyrir þingræðisskipulag okkar og
þrátt fyrir mikilvægi þessarar stofnunar hér
sem mér þykir vænt um og hef eytt miklum
tíma á hennar vegum, stórum hluta
ævi minnar, á ég í engum vandræðum
með að þjóðin taki til sín og ákveði með
lýðræðislegum hætti í almennum atkvæða-
greiðslum mikilvæg mál eða að þjóðin taki
í sínar eigin hendur að semja sér stjórnar-
skrá. Það er ekki í neinni mótsögn við þing-
ræðis- og fulltrúalýðræðisfyrirkomulagið
sem við búum við. Það er ekki þannig að
lýðræðið megi bara vera virkt á fjögurra ára
fresti, að það sé eitthvað að því að það sé
virkt alla daga. Það er ósk fólksins í dag."
Þjóðaratkvæði vegur
ekki að þingræðinu
Jóhanna Sigurðardóttir talaði í mörg árfyrir
þjóðaratkvæðagreiðslum og lagði fram
frumvörp þess efnis. í pistli sem hún birti á
heimasíðu sinni 29. desember 1998 segir
meðal annars:
„Hér á landi búum við gjarnan við sam-
steypustjórnir og með slíkum ríkisstjórnum
er auðveldara að semja sig frá kosninga-
loforðum. Við höfum orðið vitni að því í
samskiptum þeirra tveggja flokka sem hafa
verið í ríkisstjórn á þessu kjörtímabili sem
senn lýkur, að sett eru fram stór mál sem
ekki hafa verið rædd í kosningabaráttunni."
f pistlinum taldi Jóhanna að fyllilega kæmi
til greina að afnema synjunarvald forseta
ÞJÓÐMÁL sumarhefti 2016 79