Þjóðmál - 01.12.2019, Síða 33

ÞJÓÐMÁL Vetur 2019 31
Halldór Benjamín bendir á að það séu fleiri
þættir sem horfa þurfi til. Hann segir að þrátt
fyrir að staða þjóðarbúsins sé almennt góð
hafi fjárfestingar í hagkerfinu verið undir
langtímameðaltali sem leiði til innviðaskuldar.
Því sé nauðsynlegt að fara í öfluga upp­
byggingu innviða á næstu árum.
„Það er til dæmis óviðunandi að raforku dreifi­
kerfið sé vanmáttugt til að tryggja íbúum
landsins þau grunngæði sem aðgangur að
rafmagni er og fyrirtækin lendi í framleiðslu­
stoppi vegna of hægfara uppbyggingar
dreifikerfisins undanfarin ár,“ nefnir Halldór
Benjamín sem dæmi.
„Við getum einnig horft á vegina, sem eru
bæði grunnur að öflugri ferðaþjónustu, land­
flutningum og forsenda góðrar og lífvæn­
legrar byggðar um land allt. Fjárfestingar í
innviðum leggja grunninn og tryggja byggð
úti um land. Þarna geta einkaaðilar komið að
í auknum mæli. Við getum til dæmis horft á
uppbyggingu flugvalla og hafna. Flest lönd í
kringum okkur byggja upp flugvellina í
samstarfi við einkaaðila. Ég geri ekki ágreining
við nokkurn mann um það að ríkið eigi og
reki flugbrautirnar, en við eigum að sjálfsögðu
að leyfa einkaaðilum að byggja upp verslun
og þjónustu við flugvellina. Það sama gildir
í vegaframkvæmdum. Það er ótrúlegt að
okkur skuli ekki hafa tekist að nýta betur
fordæmið við gerð Hvalfjarðarganga til upp­
byggingar samgöngumannvirkja víða um
land. Þar verða talsmenn einkaframtaksins að
axla ábyrgð. Við eigum að þora að tala fyrir
því að einkaframtakið komi að uppbyggingu
af þessum toga á næstu árum. Við þurfum að
tala um einkaframkvæmdir og einkarekstur
af sannfæringu og af sjálfstrausti. Lausnin er
ekki fólgin í því að ríkið sé alltumlykjandi á
öllum sviðum mannlegs lífs. Þarna hefur því
miður orðið afturför frá því á árunum fyrir
hrun og nauðsynlegt að sækja fram.“