Þjóðmál - 01.12.2019, Síða 54

52 ÞJÓÐMÁL Vetur 2019
Hér er birt ávarp sem Benedikt Gíslason, bankastjóri Arion banka og
stjórnar formaður Samtaka fjármálafyrirtækja (SFF), flutti á hinum árlega
SFF­degi sem fram fór 28. nóvember 2019. Á fundinum í ár var horft til
starfsumhverfis fjármálafyrirtækja og samkeppnishæfni.
Benedikt Gíslason
Miklar breytingar framundan
á fjármálamörkuðum
Það þarf ekki að fjölyrða um þær miklu
breytingar sem gerðar hafa verið á regluverki
fjármálamarkaða á síðasta áratug. Nú þegar
útlit er fyrir að lengsta hagvaxtarskeiði
lýðveldissögunnar sé að ljúka er ástæða til að
staldra við og velta fyrir sér áhrifum þessara
breytinga á fjármálamarkaði og innleiðingu
þeirra hér á landi í samanburði við önnur
Evrópuríki.
Fyrir nokkrum árum gáfu Samtök
fjármálafyrirtækja út skýrsluna Hvað hefur
breyst? Í henni er að finna greinargott yfirlit
um þær breytingar sem hafa verið gerðar
á regluverki fjármálamarkaða á vettvangi
Evrópusambandsins í kjölfar fjármála­
kreppunnar. Eins og fram kemur í ritinu þá
hafa SFF stutt innleiðingu þessara breytinga í
íslenskan rétt en að sama skapi hafa samtökin
brýnt fyrir stjórnvöldum að forðast að flétta
við þessar breytingar séríslenskar reglur sem
kunna að grafa undan samkeppnishæfni
íslenskra fjármálafyrirtækja.
Því miður hafa stjórnvöld ekki orðið við þessu.
Ýmis íslensk sérákvæði voru fléttuð saman
við evrópskar reglur þegar þær voru inn­
leiddar hér á landi. Við þetta bætist að skatta­
umhverfi aðildarfélaga SFF er sérstaklega
íþyngjandi og langt umfram það sem þekkist
í Evrópu. Hér á landi eru þrír skattar lagðir
sérstaklega á fjármálafyrirtæki: bankaskattur,
fjársýsluskattur og sérstakur fjársýsluskattur.
Þá er fjársýsluskattur og sérstakur fjársýslu­
skattur einnig lagður á vátryggingafélög.
Þessi skattlagning hefur víðtæk áhrif. Hún
eykur rekstrarkostnað fjármálafyrirtækja og
vátryggingafélaga og veikir samkeppnis­
stöðu þeirra gagnvart öðrum lánveitendum
á markaðnum og erlendum fyrirtækjum sem
ekki búa við jafn íþyngjandi skattaumhverfi.
Þá hækkar hún að öðru óbreyttu lánskjör
einstaklinga og fyrirtækja og getur þannig
haft neikvæð áhrif á hagvöxt.
Fjármálastarfsemi