Múlaþing: byggðasögurit Austurlands - 01.01.2009, Qupperneq 160

Múlaþing
ánægju og gleði en vjer gátum búist við. Guð
veiti þjer nú gleði og hvíld hins eilífa lífsins
fyrir öll gæðin og aðstoðina sem þú hefur veitt
oss. Það er vissulega komið hvíldarmál fyrir
þig. Vjer viljum reyna að fara vora leið í Guðs
nafni, þó að þín stoð sje horfin. Guð var allt af
þinn styrkur og gleði. Verði Hann oss einnig
kraptur og yndi.
Og hann svarar með því að leggja sína
blessun yfir yður og þakka allt gott frá yðar
hálfu og biðja Hinn Algóða að leiða yður,
vernda og varðveita og fullkomna í öllu góðu.
Hann kveður yður hjartans kveðju, elskaða
fósturdóttir hans, sem með svo kristilegri
ræktarsemi hafið reynst honum sem ástríkasta
og umhyggjusamasta dóttir og á allan hátt
viljað ljetta honum lífið, og þakkar yður alla
þá nákvæmu umhyggju og alúð er þjer hafið
sýnt honum. Góður Guð umbuni yður alla
yðar miklu rækt við hann, huggi yður í yðar
einlæga falslausa harmi eptir hann, blessi
hvert yðar fótmál og styrki yður í öllu góðu
verki og frelsi yður að síðustu til síns
himneska ríkis, fyrir Jesú Krists blessuðu
friðþæging.
Hann kveður einnig öll yður önnur
fósturbömin sín eldri og yngri og þakkar þá
gleði og aðstoð, sem hann hefur af yður haft.
Góður Guð leiði yður og farsæli og greiði
hvert yðar spor til kristilegrar fullkomnunar
og gefi yður náð til þess að geta líkst yðar sæla
fósturfoður að kristilegum mannkostum. Hann
styrki yður í starfi og stríði lífsins og veiti
yður, sem eruð svo ung, að vaxa í náð og
þekkingu Drottins vors Jesú Krists og geta
með aldrinum orðið guðræknir og gagnlegir
menn.
Guð blessi einnig yður aðra heimilis-
menn hans og leiði yður mildilega gegnum
þetta reynslufulla og villugjarna líf, til
kristilegs sigurs í starfi þess og stríði. Hinn
liðni þakkar alla yðar þjónustu og kveður yður
með bæn um Drottins náð og frið.
Ó, Guð minn góður, legg þú þína blessun
yfir þetta heimili í heild sinni. Þjer hefur
þóknast að láta það vera eitt af hinum
gagnlegustu og guðrækilegustu heimilum
þessarar sveitar. Vjer viljum þakka þjer það í
hjartans einlægni og biðja þig að varðveita
það og leiða farsællega, meóan þú ætlar því að
standa meðal vor.
Far þú svo í friði hjeðan, framliðni vinur.
Þú hefur til mikillar blessunar lifað meðal vor,
mörgum liðsinnt og margan glatt af sönnum
kristilegum hvötum. Guðs náð veri þín umbun
um alla eilífð í Jesú nafni. Amen.
Líkræða
„Hinir trúfostu munu ljóma sem himingeislar
og þeir sem mörgum hafa vísað á rjettan veg,
munu skína sem stjörnur um aldur og
æfi.fDan. 12,3)“
Þegar vjer lítum yfir allan hverfulleikann
og hvikulleikann í þessum heimi, alla
óeinlægnina og ótrúmennskuna, allt hið
óáreiðanlega og óheila, allt hið svikula og
prettvísa sem veröldin er svo full af, þá er það
víst, að þeir menn sem eiga það skilið að heita
í sannleika trúfastir menn ljóma sem
himingeislar yfir allan hinn fjöldann, sem ekki
getur í sannleika nefnst því nafni. [Þessi fyrsti
hluti líkrceðunnar er yfirstrikaður og því óvíst
hvort hann hefur verið fluttur eður ei.]
Hinir trúfóstu eru þeir sem eru Drottins
boðun trúir, sem vilja reynast trúir í því að
fylgja Guðs vilja í öllu sínu lífi, meta hans
vilja mest af öllu og álíta sjálfsagt að hann eigi
að ráða í öllu lífi, framferði og viðskiptum
mannanna. En þegar vjer athugum hversu
ótalmargir þeir eru, sem ekki framfylgja þessu
í lífi sínu, heldur meta sinn eigin vilja mest af
öllu, fara mest eptir fysnum sínum þá og þá
stundina, eða eiginhagsmunum og stundar
ástæðum, lítum yfir allan þann mikla fjölda
sem eigi hefur fasta sannfæringu fvrir því, að
það sje Guðs vilji sem eigi að ráða í voru eigin
158