Strandapósturinn - 02.01.2008, Síða 8

8
Strandamenn ásamt tveimur fararstjórum, þeim Guðlaugu og
Höskuldi, sem mættu í Leifsstöð tilbúin að leggja upp í 12 daga
ferð til að berja augum þá fallegu staði sem til stóð að heimsækja.
Lagt var af stað þann 5. júní kl. 10:30 og lent í München kl. 16:30
að staðartíma.
Eftir lendingu í München tók Manfred bílstjóri á móti okkur
og var haldið af stað að Chiemseevatninu sem er með fallegustu
stöðum Þýskalands. Þar var gist í tvær nætur á Sporthotel Acental
sem er mjög fallegt hótel í austurrískum stíl. Þar beið okkar tilbú-
inn kvöldverður og mjög góð herbergi. Þegar við vorum búin að
borða var farið á bar þar sem hver og einn kynnti sig og sagði að-
eins frá sjálfum sér.
Dagur 2.
Allir voru vaktir snemma í morgunmat, því nú átti að fara í
skoðunarferð í Arnarhreiður Hitlers. Á leiðinni þangað lét hún
Guðlaug fararstjóri okkur gera leikfimiæfingar svo að við mynd-
um ekki stirðna á því að sitja svona lengi kyrr (og átti hún oft eftir
að láta okkur gera þær í þessari ferð). Þegar komið var að land-
areign Hitlers lá leið okkar upp bugðóttar brekkur og upp var
haldið að bílastæði þar sem skipt var um og farið í sérhannaðar
rútur fyrir mjög mikinn bratta. Já, það er ekki ofsögum sagt, þetta
var alveg stórkostlegt, sól og heiðskírt, ekki ský á neinum fjalla-
toppi. Leiðin með rútunum er um 7 km. Svo er farið í lyftu 124 m
inni í berginu upp á fjallið.
Eftir skoðun okkar á þessu stórbrotna landslagi lá leiðin að
Königseevatninu og síðan í saltnámurnar (Salzbergwerk) sem eru
þar hjá. Þar var farið 130–140 metra ofan í jörðina fyrst með lest
en síðan í tvær langar rennibrautir.Var mjög gaman að fara þarna
niður og sjá hvernig og við hvaða aðstæður námumennirnir
unnu.
Dagur 3.
Nú var strangur dagur fyrir höndum svo við urðum að leggja
snemma af stað og auðvitað voru allir komnir út í rútu á réttum
tíma. Að þessu sinni var stefnan tekin í suðurátt að Bledvatni þar
sem fegurðin er ólýsanleg. Maður er manns gaman eins og sagt er
og á leiðinni voru Strandamenn ekki í vandræðum með að grípa