Strandapósturinn - 02.01.2008, Page 27

27
þýsku og eru samræður okkar því stundum skrautlegar, en ganga
þó yfirleitt vandræðalaust fyrir sig.
Óæskilegur sveppur sækir á vínviðinn einkum þegar mikið
rignir og þarf því að úða vínviðinn með náttúrulegum, vistvænum
varnarefnum allt að tíu sinnum frá vori og fram á haust til að
halda sveppnum í skefjum. Án úðunar væri vínrækt vonlítil. Auk
úðunar þarf vínviðurinn góða umhirðu, halda þarf niðri illgresi
og óæskilegum gróðri milli vínviðarraðanna og fjarlægja þarf
renglur og sprota af neðri hluta stofnanna til að örva vöxt þrúgu-
greinanna og auka þar með sykurmagn vínberjanna og heilbrigði.
Þá er einnig æskilegt þegar kemur fram í september að fjarlægja
hluta laufblaðanna til að auka aðgengi sólarljóssins að þrúgunum
á síðasta hluta vaxtartímans. Við uppskeruna vinna svo 5–6 manns,
samhliða víngerðinni.
Til aðstoðar við vínræktina og víngerðina er nágranni okkar
Mikki eins og áður greindi, en hann hefur langa reynslu í vínrækt
og er hann nú vínmeistari okkar, en fram til uppskeruloka 2005
aðstoðaði dr. Béres við störfin, stýrði þeim og kenndi núverandi
eigendum vínekrunnar réttu handtökin.
Vinnuferlið í vínræktinni byrjar í lok mars eða byrjun apríl, en
þá er vínviðurinn klipptur og snyrtur og í byrjun eða um miðjan
apríl er hann einnig úðaður í fyrsta sinn til að verja hann gegn
ágangi sveppa og myglu. Ef vorið er kalt getur klipping vínvið-
arins dregist fram í apríl. Í maí er úðað þrisvar sinnum ef mikið
rignir annars tvisvar og hreinsa verður illgresi frá vínviðnum til að
bæta vaxtarmöguleika hans og auka heilbrigði plantnanna.
Á aðalvaxtartímanum þarf að binda vínviðinn upp, enda lengj-
ast greinar hans sem bera vínþrúgurnar hálfan til einn metra á
fáum dögum og sveigjast alveg niður að jörð ef ekkert er að gert.
Þetta er talsverð vinna en algjör nauðsyn ef vel á að fara. Í júní er
úðað að minnsta kosti tvisvar og þrisvar í þrálátri rigningatíð. Í
júlí er úðað tvisvar til þrisvar og tvisvar í ágúst.
September og október eru uppskerumánuðir. Hvítvínsþrúg-
urnar eru venjulega þroskaðar um miðjan september og rauð-
vínsþrúgurnar í fyrstu viku október. Afbrigðilegt tíðarfar getur þó
flýtt eða seinkað uppskerutíma um eina til tvær vikur. Til dæmis
þroskuðust þrúgurnar óvenju snemma vegna mikilla hita sum-
arið 2007 og voru uppskerustörfin því 2–3 vikum fyrr á ferðinni