Strandapósturinn - 02.01.2008, Side 125

125
Finnbogi Jóhannsson
Finnbogi Jóhannsson er fæddur í torfbæ norður í Strandasýslu
8. maí 1930, elstur fjögurra systkina. Foreldrar hans hétu Jóhann
Hjaltason og Guðjóna Guðjónsdóttir. Hann bjó þar til tveggja ára
aldurs.2
Þegar hann var tveggja ára hættu foreldrar hans búskap fyrir
norðan og fluttust vestur í Ísafjarðadjúpið. Faðir hans hafði kennt
í sjö ár án kennararéttinda og fékk vinnu í Ísafjarðadjúpi sem
kennari. Ári seinna ákvað hann að fara og stunda nám við Kenn-
araháskólann í Reykjavík til að ná sér í kennararéttindi. Þá var
Finnboga komið fyrir norður á Hólmavík á bæ sem hét Litla-
Hella, heima hjá vinkonu móður sinnar sem hann kallaði alltaf
ömmu. Foreldrar hans fóru með hann á hestum norður yfir Stein-
grímsfjarðarheiði og að Hólmavík. Þar var hann í fóstri í eitt ár og
átti þaðan góðar minningar. Helsta minning hans var þegar
amma hans var að spinna á rokk og hann fékk að halda utan um
stöngina sem snýst. Það fannst honum virkilega gaman. Einu
sinni kom förukerling að bænum og dvaldi þar um tíma en hún
leyfði honum aldrei að halda í stöngina á rokknum heldur sló
hún alltaf á hendur hans þegar hann greip um stöngina og það
líkaði honum ekki. 3
Um vorið 1934 fór hann aftur heim til foreldra sinna þar sem
pabbi hans hafði lokið námi og var komin með kennararéttindi.
Hann fór með strandferðaskipi sem hét Súðin og litu þýsk hjón
að nafni Úlrik og Berta eftir honum alla ferðina. Við Ísafjarð-
ardjúp bjó fjölskylda hans á sveitabæ hjá öðru fólki þar sem
mamma hans var húshjálp en pabbi hans var kennari. 4
Finnbogi var 6 ára þegar hann fluttist í torfbæ, í Unaðsdal á
Snæfjallaströnd. Þá hófu foreldrar hans búskap að nýju með
hesta, kindur og kýr. Eftir tvo vetur ákváðu hjónin að byggja sér
steinhús eða árið 1938. Á meðan á byggingunni stóð bjó fjölskyld-
an uppi á skemmulofti. Í húsinu var baðkar, sem var mjög sjald-
gæft í húsum á þessum tíma, en það voru engar vatnslagnir og
þurfti að hita vatn til að hella í baðið. Ekkert rafmagn var á heim-
ilinu, aðeins olíulampar og eldavél sem var hituð upp með mó og
kolum.5
2–5 Finnbogi Jóhannsson.