Saga - 2016, Qupperneq 81

Óhætt er að segja að Ingibjörg hafi ákveð ið að fylgja þessum leið -
beiningum.
Fyrirlestraröð Ingibjargar um Rússland féll í kramið hjá leiðtog-
um íslenskra kommúnista. Í Moskvu var fylgst grannt með fram-
vindu mála. Þannig sagði Jens Figved, í bréfi til Halldórs Ólafssonar
á Ísafirði, um miðjan júní 1930:
Ingibjörg er að mínu mati góð ― ef ekki er hægt að nota svo kröftugt
orð um hana sem „ágæt“ því að þá hreyfing sem hún hefir vakið á
Íslandi er ekki lítils virði ― og hún hefir sýnt það í verkinu að hún vill
vinna á rjettum grundvelli. Þess vegna verðum við að taka henni sem
fjelaga ― góðum kommúnista ― hjálpa henni og styðja eftir getu í
hennar tvöföldu baráttu.96
Með „hennar tvöföldu baráttu“ var Jens annars vegar að vísa til al -
mennrar hugmyndabaráttu kommúnista og hins vegar til baráttu
Ingibjargar við eiginmanninn, sem Jens áleit ekki nægilega traustan
kommúnista eins og nánar verður vikið að hér á eftir. Greinilegt er
að efasemdirnar, sem Jens virtist hafa um Ingibjörgu sem kommún-
ista þegar hún dvaldi í Moskvu aðeins fáeinum mánuðum fyrr, voru
horfnar.
Kommúnísk samtök á Ísafirði frá 1930
eftir heimkomuna hélt Ingibjörg áfram að taka þátt í pólitísku starfi
í sínum heimabæ. Þar var hún til að mynda einn af stofnfélögum
Félags ungra jafnaðarmanna sem sett var á laggirnar undir lok maí
1930.97 Samkvæmt stofnskránni hugðist félagið vinna að framgangi
jafnaðarstefnunnar á þeim grundvelli sem karl Marx og Friedrich
engels höfðu lagt. Hér var því í raun um kommúnísk samtök að
ræða; það sýnir líka listinn yfir stofnfélagana. Ingibjörg var þá 26 ára
en langflestir voru talsvert yngri, um og undir tvítugu.98
hjónaband í flokksböndum 79
96 H.skj.Ísaf. kS 1887/417. Bréfasafn Halldórs Ólafssonar 1928–1929. Jens Figved
til Halldórs 16. júní 1930.
97 Mjög gagnlegt yfirlit yfir starf kommúnista á Ísafirði er að finna í: Björg -
vin Bjarnason, „Baráttusaga kommúnista á Ísafirði 1930–1935“, BA-ritgerð í
sagnfræði frá Háskóla Íslands 2013. Ritgerðin birtist lítið breytt í Ársriti Sögu -
félags Ísfirðinga 54 (2014–2015), bls. 55–118.
98 H.skj.Ísaf. kS 415. Lög fyrir Fjelag ungra jafnaðarmanna [síðar hefur verið
strikað yfir orðið „jafnaðarmanna“ og „kommúnista“ ritað í staðinn). Í frétt um
félagsstofnunina er talað um að stofnfélagar hafi verið 50; sjá „Félag ungra
jafnaðarmanna á Ísafirði“, Kyndill 2:7–8 (1930), bls. 28.
Saga vor 2016.qxp_Saga haust 2004 - NOTA 17.5.2019 10:09 Page 79