Saga - 2016, Page 100

fjarska góður, en sá Ing. sem ég hélt hann væri eða öllu heldur vonaðist
til hann væri, er hann ekki.171
Steinþór var rúmlega tveimur árum yngri en Ingibjörg og var sam-
band þeirra náið. Í bréfinu birtist mynd af Ingibjörgu sem sjálfstæð -
um einstaklingi er „diskúterar“ við eiginmann sinn um málefni
flokksins og samfélagsins. en málið virðist vera margbrotnara.
Orðfærið í bréfinu gefur til kynna að hún hafi verið orðin róttækari
en Ingólfur. einnig má velta fyrir sér hvort þessi pólitíski ágrein -
ingur og þrýstingur harðlínumanna á Ingibjörgu hafi ekki átt sinn
þátt í því að grafa undan hjónabandi þeirra Ingólfs. Ljóst er allavega
að hún virðist vera orðin sannfærð um nauðsynina á aga í flokks-
starfinu, eins og niðurlag bréfsins til Steinþórs gefur til kynna.
komið hefur fram að aðeins tæpum fjórum árum fyrr hafði Ingi -
björg verið full efasemda um gildi hins kommúníska aga. erfitt er
að meta ástæðurnar fyrir þessari breyttu afstöðu en þær geta verið
bæði af hugmyndafræðilegum og persónulegum toga. Í niðurlagi
bréfsins víkur hún að tveimur kunnum flokksmönnum, Stefáni
Pjeturssyni og Hauki Björnssyni, sem voru reknir úr kommúnista-
flokknum í febrúar 1933:
Steinþór minn, þú verður að reyna að skilja að til þess að kommún-
istaflokkurinn geti starfað og unnið að réttu marki, þá verður hann að
standa sem einn maður. Í kommúnistaflokknum verður að vera járn-
harður agi annars er hann einskis verður. kónar eins og Stefán og
Haukur sem sjá ekkert annað en sjálfan sig, og svífast ekki með hvers-
konar meðulum að skoða flokkinn en hrópa út um það að þeir geti
„látið lífið fyrir kommúnistaflokkinn“. Það eru herrar sem þú verður
að varast og sjá í gegn. Steinþór minn ég er hrædd um að þú sért ekki
nógu staðfastur til þess að taka að þér ábyrgðar mikil störf í flokkn-
um.
Síðan bætti hún við að því miður gæti hún ekki starfað meira fyrir
flokkinn vegna mikilla anna á sviði leiklistarinnar: „[É]g hef ekki
þvegið þvott í tvo mánuði og börnin ganga skitin og rifin en þetta
gjörði alt saman ekkert til ef það væri fyrir flokkinn, en fyrir þetta
helvítis júx!“172
ingibjörg sigurðardóttir og páll …98
171 Einkaskjöl í vörslu IS. Ingibjörg Steinsdóttir. Bréf Ingibjargar til Steinþórs
Steinssonar 5. maí 1934.
172 Sama heimild.
Saga vor 2016.qxp_Saga haust 2004 - NOTA 17.5.2019 10:09 Page 98