Saga - 2016, Side 110

fékk fólk frá öðrum löndum einnig nöfn í skattskránum sem tengd -
ust heimalandi þess svo sem John Irish eða annað því um líkt. Árið
1483 var skatturinn hækkaður umtalsvert og þá bar þeim sem
héldu heimili að greiða 6 shillinga og 8 pens en aðrir 2 shillinga.
Þeir sem ríkari voru greiddu enn meira. Þessari skattlagningu lauk
svo 1487.14
Dæmigerð færsla í gagnagrunninum greinir frá nafni skatt-
greiðanda, heimilisfangi hans, upprunalandi, atvinnu og svo í hvaða
heimild manneskjan er nefnd. Oft vantar reyndar eitthvað af þessu
en lítum á færslu um einn Íslendinginn.
Nafn: Thorwalter Island.
kyn: karl.
Heimili: kingston upon Hull, yorkshire east Riding.
Upprunaland: Ísland
Skattaleg staða: Heldur ekki heimili (non-householder).
Heimild: e 179/202/140, m. 1. Skattskrá (Tax assessment) 20. jan. 1466.
Í þessari færslu er einnig tekið fram að þetta sé líklega sami maður
og Thurwalter Islandman í skattskrá frá 4. ágúst 1463.
Íslendingarnir í England’s Immigrants
ef slegið er upp orðinu „Icelander“ í gagnagrunninum koma upp
244 færslur en sá fjöldi nær yfir allar færslur þar sem orðið Íslend -
ingur kemur fyrir og segir því ekki til um fjölda íslenskra einstak-
linga í grunninum. Margir eru því tvískráðir þar sem þeirra er getið
í fleiri en einni heimild og nöfn þeirra gjarnan stafsett með mismun-
andi hætti. Sem dæmi má nefna að John Glassen í Coventry er talinn
alls 13 sinnum og í Warwickshire eru skráð 32 nöfn Íslendinga en
þegar búið er að ryðja út margtalningum standa sjö eftir. Það þarf
því að sýna nokkra aðgát við notkun gagnagrunnsins, en þegar búið
er að hreinsa burt tví- eða margtalningar standa eftir um 155 ein-
staklingar. Líklega eru þó fleiri Íslendingar í grunninum því þegar
farið var að kanna nöfn annarra einstaklinga sem nefndir eru í þeim
heimildum þar sem Íslendinga er getið komu í ljós nöfn sem gætu
vel verið íslensk þótt upprunaland sé ekki skráð. Sem dæmi má
nefna mann að nafni Gunder Alanson sem var búsettur í Bristol.
guðmundur j . guðmundsson108
14 Vef. www.englandsimmigrants.com/page/sources/alien-subsidies. Skoðað
haust 2015.
Saga vor 2016.qxp_Saga haust 2004 - NOTA 17.5.2019 10:09 Page 108