Saga - 2016, Side 116

Af húsbændum hinna óþekktu Íslendinga vekur nafn Williams
Spencer strax athygli en hann var þrisvar sinnum borgarstjóri í
Bristol á síðari hluta 15. aldar. Hann var einn af stofnendum Gildis
hins heilaga kross í kirkju Jóhannesar skírara ásamt nokkrum öðrum
úr kaupmannaaðli Bristol.34 ekki virðist hann þó vera Íslands -
kaupmaður því hann fékk verslunarleyfi árið 1471, ásamt nokkrum
félögum sínum, sem gilti alls staðar nema á Íslandi.35 Árið 1480
fengu hann og nokkrir félagar hans verslunarleyfi fyrir allt annað en
stapúluvörur fyrir tvö eða þrjú lítil skip, 60 tonn eða minni. Talið er
að þetta hafi verið skip til til könnunar á Atlantshafi.36 Spencer
verslaði fyrst og fremst við Bordeaux, fékk þaðan vín og timbur, en
einnig við Portúgal og Spán þaðan sem hann fékk ávexti og vefn -
aðarvöru.37 Spencer lenti einhverju sinni upp á kant við krúnuna og
sat um tíma í varðhaldi grunaður um landráð.38
Félagi Spencers, Robert Strange, sem einnig var þrisvar sinnum
borgarstjóri í Bristol, verslaði hins vegar á Íslandi og keypti héðan
skreið 1461.39 Sama er að segja um annan félaga hans, John Jay yngri,
en fjölskylda hans lagði stund á Íslandsverslun.40 Það er freist andi að
geta sér þess til að Strange eða Jay hafi útvegað Spencer þennan
íslenska þjón. engar heimildir eru hins vegar um að þeir Spencer og
Jay hafi haldið íslenskt þjónustufólk.
Annar þekktur broddborgari sem hafði Íslending í sinni þjón -
ustu var Richard Ameryk. Hann var tollheimtumaður í Bristol, land-
eigandi og fékkst einnig við kaupsýslu, mest við Spán og Portúgal
eftir því sem heimildir greina. Hann var einnig viðskiptafélagi
þeirra Spencers, Strange og Jay. Hann tengdist m.a. landkönnunar-
leiðöngrum Johns Cabot og á árunum 1475–80 stóð hann í málaþrefi
við eina af kunnustu kaupmannafjölskyldum Bristolborgar, Canynges -
fjölskylduna, vegna peninga sem hann hafði lánað henni til að
guðmundur j . guðmundsson114
34 The Overseas Trade of Bristol in the Later Middle Ages. Ritstj. eleanora Mary
Carus-Wilson (New york: Barnes and Nobel 1967), bls. 137 og 144.
35 DI XVI, bls. 426–27.
36 The Overseas Trade of Bristol, bls. 157.
37 Sama heimild, bls. 273, 277 og 284.
38 Vef. http://medievalnews.blogspot.com/2009/09/ring-belonging-to-15th-
century-mayor-of.html. Skoðað haust 2015.
39 DI XVI, bls. 21.
40 kirsten A. Seaver, The Frosen Echo (Stanford CA: Stanford University Press
1996), bls. 220.
Saga vor 2016.qxp_Saga haust 2004 - NOTA 17.5.2019 10:09 Page 114