Saga - 2016, Blaðsíða 121

elsa ævarsdóttir
Fyrsti íslenski innanhússarkitektinn
Hugleiðingar um bókina Kristín Guðmundsdóttir.
Híbýlafræðingur/Interior Designer í ritstjórn
Halldóru Arnardóttur
Bókin Kristín Guðmundsdóttir. Híbýlafræðingur/Interior Designer, sem
kom út hjá Hinu íslenska bókmenntafélagi árið 2015, fjallar um líf
og störf konunnar sem fyrst Íslendinga öðlaðist háskólamenntun í
innan hússarkitektúr. Halldóra Arnardóttir listfræðingur ritstýrir
bókinni og hefur umsjón með útgáfu. Aðrir höfundar eru katerina
Rüedi Ray, elísabet V. Ingvarsdóttir og Javier Sánchez Merina en
Vigdís Finnbogadóttir skrifar aðfaraorð. Í bókinni leitast Halldóra
og meðhöfundar hennar við að varpa ljósi á tíðarandann á námsár-
um kristínar í bandarísku stórborgunum Chicago og New york,
fjallað er um umhverfið á Íslandi við heimkomuna og ævi starfi
kristínar á sviði hönnunar og hönnunarfræðslu eru gerð skil í máli
og myndum. Allur texti í bókinni er bæði á íslensku og ensku.
Þar sem lítið hefur verið skrifað um sögu íslenskrar innanhúss-
hönnunar er öll útgáfa um efnið dýrmæt. Auk þess er bókin um
kristínu Guðmundsdóttur heimild um merkan frumkvöðul meðal
íslenskra kvenna. Bókin ætti að vekja eftirtekt margra, jafnt þeirra
sem hafa áhuga á góðri hönnun og þeirra sem vilja fræðast um þætti
úr sögu kvenna á 20. öld.
Hugmyndir um hagkvæmni og aukin afköst við heimilisstörfin
voru í brennidepli á námsárum kristínar í Bandaríkjunum. Á vís-
indalegan hátt hafði verið reiknað út að ef vegalengdirnar á milli
helstu vinnustöðva í eldhúsinu (eldavélar, vasks og ísskáps) mynd -
uðu þríhyrning, mætti fækka skrefunum á milli þeirra og auka þar
með afkastagetu húsmóðurinnar. Nútíma rafmagnstæki og hag-
kvæmar útfærslur þríhyrningseldhússins léttu húsmæðrunum lífið
Saga LV:1 (2016), bls. 119–129.
Í TA R D Ó M A R
Saga vor 2016.qxp_Saga haust 2004 - NOTA 17.5.2019 10:09 Page 119