Saga - 2016, Síða 129

hana enn áhugaverðari. Þar sem kristín var fyrsti íslenski innan-
hússarkitektinn er ekki óhugsandi að hún og verk hennar hafi
mótað sýn þjóðarinnar á starfsgreinina. Það hefði verið forvitnilegt
að vita meira um áhrif kristínar á framtíðarstarfsvettvang íslenskra
innanhússarkitekta og á það hvernig íslensk heimili hafa þróast. eru
hugmyndir kristínar um hagkvæmni og gott skipulag á heimilinu
almennt í heiðri hafðar á Íslandi? Þá er áhugaverð sú staðreynd að
enn er ekki farið að kenna innanhússarkitektúr hér á landi þótt fagið
ætti vel heima í Listaháskólanum samhliða kennslu í arkitektúr og
vöruhönnun. Mörgum kynni að þykja tilvalið að mennta fleiri til að
móta innra umhverfið í landi þar sem óblíð veðráttan veldur því að
flestir eyða mestu af tíma sínum innanhúss.
Það eykur einnig á alþjóðlegt samhengi verksins að textinn er
birtur á ensku samhliða þeim íslenska. Nú eru það ekki ný vísindi
að bækur séu skrifaðar á tveimur eða fleiri tungumálum en það
krefst enn meiri vandvirkni, bæði í þýðingum og uppsetningu
bókar. Hönnun bókarinnar stenst því miður ekki þær kröfur og
dæmi um klaufalega útfærslu er að enski textinn í meginkaflanum
eftir Halldóru er fimm blaðsíðum lengri en sá íslenski. Skýringin á
því kann að liggja í misgóðum þýðingum í bókinni. Þá er orðalag
íslenskra þýðinga víða óþarflega háfleygt og dæmi um slíkt eru
lokaorðin í kafla katarina Rüedi Ray: „Segja má að hin ,amerísku ár‘
kristínar hafi tengt hana við hlutverkið sem Bandaríkin léku í hönn-
un, menningu og hagkerfi Vestur-evrópu, sem og þess hluta heims-
ins sem hafði bundist böndum kapitalísks hagkerfis“ (bls. 39).
Markmið og niðurstaða
Þegar á heildina er litið mætti segja að útlit bókarinnar falli ekki sér-
lega vel að hugmyndaheimi kristínar. Það er dálítið kaldhæðnislegt
að hugsa til þess að ef bókin væri eldhúsinnrétting væri uppbygg -
ing hennar slík að erfitt væri að átta sig á hlutunum. Það hlýtur að
teljast í hrópandi andstöðu við hönnun eftir kristínu, þar sem lögð
var áhersla á að hver hlutur væri á sínum stað. Fletta þarf fram og
aftur í bókinni til að finna myndatexta en í bók sem fjallar um sjón-
listir hefðu myndir og texti hiklaust mátt flæða betur saman. Vel
hefði farið á því að grafískir hönnuðir bókarinnar hjá Germinal
Comunicación á Spáni hefðu sótt innblástur í hugmyndir kristínar
um mikilvægi góðs skipulags.
fyrsti íslenski innanhússarkitektinn 127
Saga vor 2016.qxp_Saga haust 2004 - NOTA 17.5.2019 10:09 Page 127