Gripla - 2021, Qupperneq 45

43
ok er þetta upphafid olumen verum |32 Næst epter Anselmum var vilhi-
almr erkibyskup En epter hann theoballdus er gerdi sælan thomam sinn
erkidiakn |33 er kallaz sæmd ok prydi allz einglanz Efter hann næst var
jon erkib(yskup) En efter hann varþ erkibyskup hinn helgi eth|34mundr af
honum fínnz sua skrifad sem her fylger
Af e[atmundi]101
|35 Agiætr guds vín eathmundr kantuariensis erkibyskup var anams
alldri ad studio iparis granduarr ok hrein|34lifr vmframm sína skola brædr
þviat adrer klerkar kiorv |36 sier ymisligar vnnostur En eatmundr vill þa
eína kiosa sier til vnnostu er sua er af skrifad. Pulcra ut luna |37 electa ut
sol. huar firir hann geingr einn dag framm firir likneskiu hæstu iungfrv er
stenndr iþeiri hofud kirkiu er kalla|38zt notra damma framm fallinn med
hreínlifiss firirheití bidianndi guds modur mariam ad hon uirþiz ad uera
hans unn|39osta Efter fagra bæn fagrliga fyllda Geingr eat(mundr) an-
nan dag ut af skolis spacerandi fram igard nokurn v|40axínn fogrv blomí
Ok miok brꜳt kemr moti honum eínn vnngr sueínn sua uiænn at aliti at
ettm(undr) sa ||41v||1 eyngan þvilikan. hann sier upp ꜳ suei⟨ni⟩nn þegianndi
þviat quediur fallaz firir vsena fegrd. ok vm sider ta|2lar hann sua. Huerr
ertu minn kiære sua blidr ok blezadr sem ek sa eynguan þier likan Pilltrinn
svar|3ar sia íenne mer ok les huerr ek em Eatmundr litr istad ok sierr ad
heilagr kross er ristinn jenne sveí|4nsins ristínn ínnan med þessum orþum
Jesus nazarenus rex iudeorum. firir þessa heyrn ok syn ottaz Eatm(undr) |5
Pilltrinn seger til hans eigi skaltu ottaz þot þu siaer þann er þik elskar þviat
ek er kominn ad segia þier god tidenndi |6 þat af mínne halfu ad sꜳ madr
sem med þessum orþum Jesus nazarenus etcetera gerir k⸌r⸍oss ienne sier adr
en |7 hann sofnar ok skiott sem hann uaknar mvn hann eigi gripaz bradum
dauþa aþvi dægri. af alfu modur mínnar ber ek þier |8 annad eyrenndi ad
hon uill giarna uera þin vnnosta sem þu jattar henne þinn sueíndom Efter
sua tala|9d huerfr iesus ad syn etatmundi en hann geingr án duol j mariu
kirkiu lof geranndi gudi ok hans modur maríe |10 Litlu efter etmundum
uarþ erkibyskup ikancia Stephanus langatvn hann var elskar⟨i⟩ mikill varrar
fru. hann hefer samsett |11 psaltara henne til heídrs er sua byriar Aue virgo
virgínum. ok hann gerdi vers jfir hueria diuisionem beatí immacula|12tí Sua
segiz ok sannliga ad su bok nyliga giorr hafi verid lagin yfer dauþan mann

101 This rubricated word is written in the outer margin and is mostly illegible.
ANECDOTES OF SEVERAL ARCHBISHOPS OF CANTERBURY