Gripla - 2021, Page 217

215
5 Niðurstöður
Hér hafa verið færð rök fyrir því að kvæðið Frumtignarvísur tilheyri
kvæðagreininni ljóðabréf og sé ort af séra Einari Sigurðssyni í Eydölum
til sonar hans séra Gísla Einarssonar í Vatns firði. Settar eru fram til-
gátur um tilefni ljóðabréfsins og varðveislu þess. Tilefni bréfsins virðist
vera að svara umkvörtunum sonarins, vanda um við hann og jafnframt
að telja í hann kjark – ef til vill vegna illdeilna við veraldlegt yfirvald í
sveitinni. Ljóðmælandi gefur viðtakanda bréfsins einnig góð ráð og biður
honum blessun ar. Þá er fjallað um tvö önnur styttri kvæði sem kölluð eru
hér fylgikvæði (með tilvísun til fyrirsagna þeirra), og koma strax á eftir
Frumtignarvísum í handritinu. Sýnt er fram á að þau séu af sama tagi og
Frum tignarvísur, þ.e. ljóðabréf eða hlutar úr ljóðabréfum til séra Gísla frá
föður hans. Sýnt er fram á að handritið sem varðveitir ljóðabréfin tengist að
öllum líkind um afkomendum séra Jóns Arasonar í Vatnsfirði, eftirmanni
Gísla Einarssonar, viðtakanda bréfanna og að líklegastur til að hafa sett
bókina saman sé Magnús Jónsson í Vigur.
6 Ljóðabréf séra Einars Sigurðssonar í Eydölum
Kvæðin eru gefin út stafrétt eftir handritinu Lbs 847 4to, bl. 222v−24v,
en leyst upp úr bönd um með skáletri. Til hliðar eru þau birt með nútíma-
stafsetningu og greinarmerkjasetningu útgefanda. Í handritinu er komma
notuð til að aðgreina ljóðlínur en í útgáfunni eru þær hafðar hver í sinni
línu. Erindi eru ótölusett í handriti nema í miðkvæðinu. Griporð eru í
handritinu en ekki í útgáfunni. Handritið hefur verið blaðsíðumerkt löngu
síðar með blýanti en hér eru notuð blaðtöl miðað við myndir á handrit.is.
Blaðtöl hafa verið í handritinu frá upphafi en tvær tölur horfið aftan af
tölum við blaðskurð. Frumtignarvísur eru á bl. 222v−23v, „Nú koma aðrar“
á bl. 223v−24r og „En þessar eiga með að fylgja“ á bl. 224r−v.
FRUMTIGNARVÍ SUR