Víkurfréttir - 16.12.2021, Síða 20

Nafn og staða: Fríða Stefánsdóttir,
bæjarfulltrúi Suðurnesjabæ
Hvernig hagar þú jólagjafainn-
kaupum?
Ég og Sissi maðurinn minn höfum
alltaf sett upp excelskjal með
kostnaðaráætlun og hugmyndum af
gjöfum fyrir alla. Ég reyndar stend
aldrei við skjalið og eyði alltaf langt
umfram það sem kemur fram þar og
í ár eyddi ég auðvitað alltof miklu
á netinu með því að nýta allt þetta
Singles day, Black Friday o.s.frv.
Við getum allavega sagt það að ég
er aldrei alveg viss um hvað ég er
að sækja þegar ég mæti á pósthúsið
og það hefur alveg komið fyrir að ég
panti tvisvar óvart sama hlutinn.
Hvað með jólaskreytingar, eru þær
fyrr í ár?
Við höfum haldið í þá hefð að
skreyta alltaf síðustu helgina í nóv-
ember, en samkvæmt óformlegri
veðurkönnun minni er alltaf besta
veðrið ár hvert þá helgi í að skreyta.
Og svo auðvitað að bæta í safnið
strax eftir aðfangadag þegar öll ljósin
fara á útsölu.
Skreytir þú heimilið mikið?
Ég er algjört jólabarn og já ég skreyti
svo sannarlega mikið, eitt af mark-
miðunum er að sjálfsögðu að allir
farþegar sem fljúga hér yfir Suður-
nesjabæ sjái vel heimilið mitt, Ráða-
gerði, frá flugvélaglugganum. Jóla-
skreytingarnar inni eru svo ekki
neitt látlausari, hér er alltaf keypt
risastórt ekta jólatré og því plantað
á mitt stofugólfið. Aðrar skreytingar
eru helst allir Georg Jensen óróarnir
sem ég erfði frá ömmu minni og hef
fengið nýjan í safnið árlega eftir það
frá Helga frænda. Mikil hefð hefur
skapast í uppsetningu þeirra, en
allir borðar eru straujaðir og ekkert
annað en jólaplata Ellýjar og Villa
má spila undir, allt í minningu Fríðu
ömmu.
Bakarðu fyrir jólin og ef hvað þá
helst?
Já ég er mikill bakari. Sörur eru í
miklu uppáhaldi og eru þær auðvitað
einstakar vegna leyniuppskriftar
Fríðu frænku (Kahlúa... hóst...). Svo
eru auðvitað þessar hefðbundu smá-
kökur bakaðar ásamt lakkrístoppum,
en hér eru líka bakaðir lakkrístoppar
án lakkrís, því af einhverjum óskilj-
anlegum ástæðum og þjóðarlögbroti
borða yngstu stelpurnar okkar ekki
lakkrís.
Eru fastar jólahefðir hjá þér?
Jólatörnin byrjar í raun hér í Ráða-
gerði á Þakkargjörðarhátíð í lok nóv-
ember, en þá mætir fjölskylda mín
og öll Sissa fjölskylda í kalkúnaveislu
hér heima. Við gerum svo líka alltaf
laufabrauð í desember að hætti
pabba heitins og höfum hingað til
alltaf farið á Prins Póló jólatónleika
sem því miður verða ekki í ár. Ég
og systkinin mín höldum svo alltaf
okkar Sushi-jól á annar í jólum sem
er frábær hefð eftir allt reykta kjötið.
Við höldum okkar „aðfangadag“
hátíðlegan hér heima á jóladag,
borðum sex og opnum svo pakka og
borðum hina frægu súkkulaðimús
Sissa, en á aðfangadag eru krakk-
arnir hjá móður sinni og ég og Sissi í
Reykjavík hjá fjölskyldu minni.
Hver eru fyrstu jólin sem þú manst
eftir?
Ætli það hafi ekki verið jólin á
Hagamelnum þar sem ég ólst upp
hjá ömmu og afa og ég fékk Bonna
páfagauk í jólagjöf sem er svona
fyrsta jólaminningin, pakkinn allur
á hreyfingu og ég gargandi af gleði og
ekki að þora að opna hann.
Áttu skemmtilega jólaminningu?
Skemmtilegasta jólaminningin
er þegar litli bróðir minn fæddist
þegar ég var 8 ára, en hann fæddist
á aðfangadag og var ég alls ekki sátt
með það. Ég grét allan aðfangadag.
Í fyrsta lagi vegna þess að hann var
strákur, en mig langaði í litla systur
og í öðru lagi vegna þess að ég var
búin að vera hálfgert einkabarn í 8 ár
og fannst hann taka helst til of mikla
athygli frá mér.
Eftirminnilegasta jólagjöfin
Ætli bróðir minn sé ekki allra eftir-
minnilegasta og besta jólagjöfin.
Er eitthvað sérstakt sem þig langar
að fá í jólagjöf?
Ég óska mér sjaldan einhvers sér-
staks í jólagjöf, en á sama tíma er
ég afskaplega dugleg í að versla mér
eitthvað nýtt í desember. Það er auð-
vitað algjör skylda að fá allavega eina
góða jólabók og eina góða vínylplötu.
Hvað verður í jólamatinn á að-
fangadagskvöld?
Við erum alltaf hjá Fríðu frænku á
aðfangadag og hefur myndast hefð
í því að hafa alltaf eitthvað nýtt í
matinn, eins og t.d. önd, gæs eða
hreindýrakjöt, en svo haldið í hefðina
hennar ömmu í eftirrétt og er hann
því alltaf Sérrí-frómas. Á „aðfanga-
degi“ okkar á jóladag geri ég svo
Wellington með sérstakri fyllingu og
Sissi sér um hamborgarahrygginn.
Í eftirrétt er svo alltaf fræga súkku-
laðimúsin hans.

Fríða Stefánsdóttir, bæjarfulltrúi í Suðurnesjabæ er
nútíma jólakona og nýtir vel alla afsláttardagana
í nóvember til jólagjafakaupa. Setur upp exelskjal
sem hún reyndar lendir oftast í vændræðum með
Fer aldrei eftir jóla
exelskjalinu
Saman hugum við að heilsunni
Reykjanesapótek • Hólagötu 15 • 260 Reykjanesbæ
Sími 421-3393 • Vaktsími lyfjafræðings 821-1128
Opið frá kl. 9:00 til 20:00 virka daga og frá kl. 12:00 til 19:00 um helgar.
Flott sett frá Dr. Hauschka
sem inniheldur tvær vinsælar vörur,
Rose andlitskrem og Facial Toner.
Tvær frábærar vörur fyrir veturinn.
20 // VÍKurFrÉttir á suÐurNesJum Í 40 ár