Víkurfréttir - 16.12.2021, Blaðsíða 88

Ólöf Rún er uppalin hjá Grindavík en spilar með liði
Keflavíkur í dag. Eitt eftirminnilegasta atvikið frá
sínum ferli segir Ólöf vera þegar hún skoraði þrist á
lokasekúndum úrslitaleiks Íslandsmóts ... einmitt gegn
Keflvík. Hún svaraði nokkrum laufléttum spurningum
Víkurfrétta.
Hefurðu fasta rútínu á leikdegi?
Rútínan er breytileg milli leikja en
ég fer alltaf upp í hús að skjóta um
morguninn á leikdegi og ef leikurinn
er seint að þá legg ég mig í svona
30–40 mínútur áður en ég fæ mér
góðan hádegismat. Mæti svo vel
gíruð upp í íþróttahús og fæ pepp
skilaboð frá pabba.
Hvenær byrjaðir þú í körfu og af
hverju valdirðu körfubolta?
Ég byrjaði í körfu þegar ég var um
átta ára og fannst mjög gaman
– og finnst ennþá mjög gaman í
körfunni.
Hver er besti körfuboltamaður
allra tíma?
Jordan og svo er Curry svakalegur
skotmaður.
Hver er þín helsta fyrirmynd?
Ég leit mikið upp til Ingibjargar
Jakobsdóttur og var heppin að fá
að spila með henni á mínum fyrstu
meistaraflokksárum. Hún var svaka-
lega mikill leiðtogi og mikill karakter
fyrir liðið sitt og ég sá strax að það
skiptir gríðarlega miklu máli að hafa
svona leikmann í hópnum.
Hvert er eftirminnilegasta atvikið
á ferlinum?
Að lenda í þriðja sæti á NM með
U-16 landsliðinu. Það var líka eftir-
minnilegt þegar við unnum íslands-
meistaratitilinn í 9. flokki þar sem
að við vorum að tapa með tveimur
stigum á móti Keflavík og ég
skoraði þrist þegar u.þ.b. tuttugu
sekúndur voru eftir, Keflavík fór svo
í sókn og klúðraði tveimur lay-upum
og við unnum leikinn – hrikalega
sætur sigur. Mun líka seint gleyma
því þegar ég sleit krossband, eitt-
hvað það versta og erfiðasta sem
ég hef lent í á mínum ferli.
Hver er besti samherjinn?
Upp yngri flokkana var alltaf gott
að hafa Öndru Björk með mér í
liðinu, hún er algjör nagli og hún var
þannig leikmaður að það er frábært
að hafa hana með þér í liði en vilt
helst ekki hafa hana á móti þér.
Hver er erfiðasti andstæðingurinn?
Dettur engin ein í hug, rosalega
margar sem eru góðar.
Hver eru markmið þín á þessu
tímabili?
Markmiðin mín eru að halda áfram
að bæta mig sem leikmann, bæði í
vörn og sókn, og vera frábær liðs-
félagi.
Hvert stefnir þú sem íþrótta-
maður?
Ég stefni á að spila körfubolta á
meðan ég hef gaman að því og hver
veit hvaða tækifæri bjóðast í fram-
tíðinni.
Hvernig væri fimm manna úrvalslið
þitt skipað með þér?
Ég og Anna Ingunn Svansdóttir á
köntunum, Dani Wallen og Helena
Sverrisdóttir undir körfunni og
Katla Garðarsdóttir dripplari.
Fjölskylda/maki:
Ég er yngst af fjórum systkinum og
bý hjá mömmu og pabba.
Hvert er þitt helsta afrek fyrir utan
körfuboltann?
Ég kláraði framhaldsskóla á tveimur
árum.
Áttu þér áhugamál fyrir utan
körfuboltann?
Mér finnst mjög gaman í golfi og
að lyfta. Ég er í námi við Háskólann
á Akureyri í viðskiptafræði, sem ég
hef mikinn áhuga á, og svo er ég
einnig að læra macros næringar-
þjálfun og hef mikinn áhuga á öllu
tengdu næringu.
Ef þú ætlar að gera vel við þig, hvað
gerirðu?
Ég hugsa að ég myndi fá mér
eitthvað gott að borða, horfa á
eitthvað skemmtilegt og slaka á –
jafnvel fá mér ís líka.
Hver er uppáhaldsmaturinn þinn?
Naut og Bearnaise klikkar aldrei,
svo er snitsel hjá mömmu eitthvað
það besta sem ég fæ og verð eigin-
lega að minnast á humarinn hjá
pabba.
Ertu öflug í eldhúsinu?
Já ég er öflug í eldhúsinu og finnst
gaman að elda eitthvað gott.
Býrðu yfir leyndum hæfileika?
Systkini mín geta staðfest að ég er
dugleg að syngja heima ... við mis-
góðar undirtektir.
Er eitthvað sem fer í taugarnar á
þér?
Óstundvísi og skipulagsleysi fer í
taugarnar á mér.
NAFN: ALDUR:
ÓLÖF RÚN ÓLADÓTTIR 20 ÁRA (FÆDD ÁRIÐ 2001)
TREYJA NÚMER: STAÐA Á VELLINUM:
15 SKOTBAKVÖRÐUR
MOTTÓ:
ÉG TRÚI ÞVÍ AÐ ALLT GERIST AÐ ÁSTÆÐU
OG AÐ HVER DAGUR BÝÐUR UPP Á NÝ TÆKIFÆRI
Er dugleg að syngja heima
Fitjabakka
Njarðvík
ódýrt bensín
Aðalgötu
Keflavík
ódýrt bensín
Fitjabakka 2-4 Básinn
Vatnsnesvegur 16
Starfsfólk Olís óskar Suðurnesjamönnum gleðilegra jóla og farsældar á komandi ári
með þökk fyrir viðskiptin og samskiptin á árinu sem er að líða.
sport