Víkurfréttir - 16.12.2021, Blaðsíða 74
Inga Lára Jónsdóttir er mjög mikið jólabarn og á margar skemmtilegar jólaminningar. Hún var dugleg að
kaupa jólagjafirnar snemma og í búðum á Suðurnesjum. Inga Lára fer alltaf í skötuveislu í fjölskyldunni
en man eftir því þegar hún fór þangað fyrst ung að árum en ekki spennt fyrir skötu. Þá laumaði afi
hennar að henni pening svo hún gæti skotist eftir hamborgara.
Nafn og starf/staða:
Inga Lára Jónsdóttir – markaðsstjóri
hjá Lagardère Travel Retail
Hvernig hagar þú jólagjafainn-
kaupum?
Ég keypti flest allar gjafirnar á
netinu fyrir þessi jól og í verslunum
hérna í Reykjanesbæ. Ég reyni alltaf
að vera búin að kaupa allar gjafir í
byrjun desember og það tókst hjá
mér í ár.
Hvað með jólaskreytingar, eru þær
fyrr í ár?
Ég er mjög mikið jólabarn og hef
alltaf sett nokkur ljós í gluggana í
byrjun nóvember. Síðan bæti ég jafnt
og þétt við í nóvember og desember
þannig að ég var að byrja á svip-
uðum tíma og venjulega að skreyta
fyrir þessu jól.
Skreytir þú heimilið mikið?
Ég er ekki með mjög mikið jólaskraut
í hillum en er með töluvert að ljósum
til að lýsa upp skammdegið.
Bakarðu fyrir jólin og ef hvað þá
helst? Áttu þér uppáhaldssmá-
köku?
Ég hef aldrei bakað mikið fyrir jólin
en um þessi jól ætla ég að baka Sörur
og lagköku. Ég fæ að sjálfsögðu smá
leiðsögn frá mömmu sem bakar allra
bestu lagkökuna, hún er í miklu
uppáhaldi hjá öllum á heimilinu.
Eru fastar jólahefðir hjá þér?
Já ég er með nokkrar fastar jóla-
hefðir. Við Guðni förum á allavega
eina jólatónleika fyrir jólin, fátt sem
kemur mér í jafn mikið jólaskap og
ljúfir jólatónar. Síðust ár höfum við
farið á Nova-svellið með strákana
okkar og þá höfum við oft nýtt
ferðina til að finna hið fullkomna
jólatré. Skötuveisla hjá föðurfjöl-
skyldunni er búin að vera partur af
jólunum okkar í mörg ár. Þessi hefð
varð til þegar ég var í kringum 10 ára
og afi bauð öllum sem höfðu áhuga
á að koma til sín í skötu á Þorláks-
messu. Ég mætti alltaf en alls ekki
til að borða skötu, afi laumaði til
mín pening og ég hljóp út í sjoppu
og keypti mér hamborgaratilboð.
Hvernig er aðventan - hefðir þar?
Eins og ég nefndi hér fyrir ofan þá
fer ég alltaf á tónleika fyrir jólin,
finnst það vera algjörlega ómissandi.
Covid braut þessa hefð í fyrra en
sem betur fer ekki aftur þessi jólin.
Hver eru fyrstu jólin sem þú manst
eftir? Áttu skemmtilega jólaminn-
ingu?
Fyrsta jólaminning mín er þegar
ég, afi, pabbi og bróðir minn skutl-
uðumst með alla pakkana til fjöl-
skyldunnar á aðfangadag. Ég og
bróðir minn klæddum okkur upp í
jólasveinabúninga og nutum þess að
hitta frændsystkini okkar sem voru
öll að farast úr spenning eins og við.
Hefurðu sótt messu um jólahátíð-
irnar í gegnum tíðina?
Já ég hef gert það. Fór alltaf í mið-
næturmessu með foreldrum mínum
og bræðrum hérna áður fyrr. Fannst
það mjög hátíðlegt og partur af
jólunum. Ég fór einnig oft með afa
mínum heitnum í messu milli jóla
og nýárs, honum leið hvergi eins
vel og í kirkjunni. Ég hef ekki verið
eins dugleg að fara í messu síðustu
ár meðan strákarnir mínir eru enn
svona litlir en það breytist vonandi
á næstu árum.
Eftirminnilegasta jólagjöfin?
Ég man mjög vel eftir því þegar ég
fékk nýja kommóðu i herbergið mitt
þegar ég var í kringum 10 ára og í
kommóðunni leyndust nýjar Lewis
gallabuxur. Á þessum tíma var fata-
dellan að hellast yfir mig og hefur
lítið breyst síðan.
Er eitthvað sérstakt sem þig langar
að fá í jólagjöf?
Óskalistinn er ekki langur þessi jólin
en mig langar að eignast vöðlur.
Strákarnir fengu veiðidelluna í
vöggugjöf frá pabba sínum og nú
Hljóp eftir
hamborgaratilboði
í skötuveislunni
langar mig að græja mig upp og
skella mér með þeim í sumar.
Hvað verður í jólamatinn hjá þér
á aðfangadagskvöld? Eru hefðir í
mat?
Við verðum með hamborgarhrygg á
aðfangadagskvöld og heimagerðan
Toblerone ís í eftirrétt. Við ólumst
bæði upp við að borða hamborgar-
hrygg á aðfangadagskvöld en gætum
alveg hugsað okkur að breyta þeirri
hefð á næstu árum.
74 // VÍKurFrÉttir á suÐurNesJum Í 40 ár