Víkurfréttir - 16.12.2021, Blaðsíða 89

HEYRNARÞJÓNUSTA
Hlíðasmára 19, 201 Kópavogur - Sími 534 9600 - www.heyrn.is
Kæru Suðurnesjamenn
Óskum ykkar gleðilegra jóla og farsæls k andi árs.
Heyrumst á nýja árinu.
Nýtt!vefverslun.heyrn.is
Sundmaðurinn Már Gunnarsson var útnefndur íþróttamaður ársins
2021 hjá Íþróttasambandi fatlaðra í síðustu viku ásamt Róberti Ísak
Jónssyni úr Firði/SH. Þetta er í annað sinn sem þeir Már og Róbert
hljóta nafnbótina en Már var fyrst valinn íþróttamaður ársins árið
2019 og Róbert Ísak árið 2017.
Þetta er í fyrsta sinn í sögu Íþróttasambands fatlaðra sem tveir
íþróttamenn hljóta nafnbótina en að baki ákvörðuninni er sú stað-
reynd að báðir áttu þeir magnað afreksár „... og eftir mikla umhugsun
ákvað stjórn ÍF að ekki væri hægt að gera upp á milli þessara tveggja
öflugu sundmanna,“ segir í tilkynningu um valið.
Er ekki svolítið skrítið að deila
titlinum með öðrum?
„Jú og nei, ég meina þetta hefur
aldrei verið gert áður en síðan er
þetta bara bikar. Árið búið að vera
sérstakt og aðdragandinn að þessum
Ólympíuleikum var erfiður – að æfa
í eitt og hálft ár fyrir eitthvað sem
maður vissi ekki hvort yrði var
krefjandi. Á síðasta ári var ég farinn
að sýna veruleg einkenni kulnunar
en ég dröslaði mér í gegnum erfiðar
æfingar og er ánægður í dag að hafa
klárað þetta. Ég var margoft nærri
að gefast upp á þessu en hef klárlega
marga góða á bak við mig sem styðja
mig og hvetja áfram þegar á þarf að
halda,“ segir þessi magnaði íþrótta-
maður sem setti þrettán Íslandsmet,
bætti 30 ára gamalt heimsmet í bak-
sundi og hafnaði í fimmta sæti á
Ólympíuleikunum þar sem vantaði
aðeins sekúndu upp á að ná gullverð-
laununum.
„Svo er margt frábært sem er
búið að gerast á árinu; heimsmetið í
200 metra baksundi í apríl og margt
skemmtilegt búið að gerast í músík-
inni líka – og auðvitað var bara æðis-
legt að fara til Tókýó. Þetta er búið
að vera mjög sérstakt ár, sérstak-
lega fyrri hluti þess. Þá var margt að
gerast í kringum mig, ungur frændi
minn kvaddi okkur og sömuleiðis
vinur minn sem lést úr krabbameini.
Það er búið að vera allskonar „Ups
and Downs“ á þessu ári.“
Gefandi tímar
Eftir Ólympíuleikana segir Már
geggjaðslega gefandi tíma hafa
komið en hann byrjaði m.a. í nýjum
tónlistarskóla í Reykjavík.
„Ég byrjaði í MÍT, þetta er
menntaskóli í tónlist sem er frekar
fyndið þar sem ég er stúdent. Þeir
kunnu ekki að finna betra nafn á
þetta,“ segir Már og hlær sem hefur
einnig verið að vekja eftirtekt fyrir
fyrirlestra sína í skólum landsins
sem hann vonast til að gera meira af
á nýju ári.
Um hvað snúast fyrirlestrarnir
þínir?
„Ég reyni alltaf að koma ekki fram
eins og einhver blindur, duglegur
strákur heldur strákur sem lætur
drauma sína rætast en það vill svo
að til að hann er blindur.
Ég segi í raun bara frá mér og því
sem ég hef verið að gera, segi mína
sögu. Gef krökkunum tækifæri til að
kynnast mér og því hver ég er. Við-
tökurnar hafa verið stórkostlegar
og ég hef verið að fá skilaboð frá
krökkum út um allt land sem hafa
heyrt um fyrirlestrana mína og eru
að biðja mig um að koma í þeirra
skóla líka, bara ótrúlega krúttlegt.
Sömuleiðis hafa nemendur verið að
senda mér skilaboð eftir fyrirlestra
og þakka mér fyrir komuna.“
Fyrir hvaða aldur ertu að halda
þessa fyrirlestra?
„Ég hef verið að hitta allan aldur,
allt frá fyrsta bekk upp í háskóla – en
þetta eru mest grunnskólakrakkar.“
Hefur í nógu að snúast
Már segist ekkert synt frá því um
miðjan september en hann hefur
þess í stað verið duglegur í ræktinni
þar sem hann vinnur í að styrkja sig.
„Svo kemur það bara í ljós á næsta
ári hvort ég setji stefnuna á París og
ef ég geri það mun ég koma til baka
sterkari en nokkurn tíma, líkamlega
og andlega,“ segir hann og heldur
áfram: „Þetta Covid-tímabil hefur
sett stórt strik í reikninginn hjá
manni því íþróttir snúast um mark-
miðasetningar og það er ekki hægt
að setja sér markmið fyrir eitthvað
sem þú veist svo ekki hvort nokkurn
verði.“
Már hefur ætíð nóg fyrir stafni,
hann einbeitti sér að sundinu fram
að Ólympíuleikum en þrátt fyrir
það hefur hann gefið sér tíma til að
sinna tónlistarferlinum, náminu og
svo heldur hann fyrirlestra vítt og
breitt um landið.
Már segir að þessa dagana sé
mikið að gera í tónlistinni, hann sé
mikið bókaður í allskonar viðburði
og er m.a. nýkominn frá Póllandi þar
sem hann kom fram á tónleikum – en
eigum við von á einhverju stórtón-
leikum á næstunni?
„Klárlega er eitthvað framundan
– en ekkert sem er alveg ákveðið,“
segir Már og gefur ekkert frekar upp
um hvað sé næst á dagskrá hjá sér
en hvað sem það er sem hann tekur
sér fyrir hendur verður spennandi
að fylgjast með.
Hvenær sefur þú eiginlega?
„Stundum næ ég að fara snemma í
rúmið eða mjög seint, það er mjög
mismunandi. Ég reyni samt að hafa
einhverja reglu á þessu,“ segir þessi
dugnaðarforkur, sem vill svo til að er
blindur, að lokum.
Viðtökurnar hafa
verið stórkostlegar
og ég hef verið að fá skilaboð
frá krökkum út um allt
land sem hafa heyrt um
fyrirlestrana mína og eru að
biðja mig um að koma í þeirra
skóla líka, bara ótrúlega
krúttlegt ...
Már annar tveggja íþróttamanna ársins 2021:
Var farinn að
sýna einkenni
kulnunar
Jóhann Páll Kristbjörnsson
johann@vf.is
Már og Róbert ásamt frjálsíþróttakonunni Bergrúnu Ósk Aðalsteinsdóttur
sem var valin íþróttakona ársins 2021 en hún keppir með FH. Þetta er
fjórða árið í röð sem hin 21 árs gamla Bergrún Ósk hlýtur nafnbótina og er
aðeins önnur íslenskra kvenna til þess að verða valin fjögur ár í röð.
VÍKurFrÉttir á suÐurNesJum Í 40 ár // 89