Víkurfréttir - 16.12.2021, Blaðsíða 12

Kæri lesandi.
Nú þegar líður að jólum þá kvikna svo margar minningar tengdar þessum
göldrótta árstíma þegar sólin dregur sig í hlé og gefur myrkrinu eftir sviðið
að mestu. Á síðari tímum hafa orðið til minningar sem margar tengjast
löngum setum í þinghúsinu við Austurvöll. Það er alltaf eitthvað hátíðlegt
við störfin í þinghúsinu á þessum tíma og orðaskak þingmanna á einhvern
hátt innilegra og blíðara þótt hart sé oft tekist á.
Árið 2021 kveður nú brátt. Það hefur tekið á fyrir okkur flest en far-
aldurinn hefur breytt lífi okkar um stund. Það er þó ánægjulegt að betur
hefur gengið en við áætluðum að koma hjólum atvinnulífsins á stað þrátt
fyrir ýmsar brekkur.
Það er alltaf ánægjulegt að taka
þátt í kosningum til Alþingis. Kosn-
ingabaráttunni fylgja ferðalög um
allt land þar sem ég hef notið þess
að hitta fólk sem hefur brennandi
áhuga á samfélaginu okkar og sterkar
skoðanir á því hvert það stefnir og
hvaða leiðir séu ákjósanlegastar.
Ég er virkilega þakklátur fyrir þann
stuðning sem við í Framsókn fengum
um land allt. Framtíðin er spennandi þótt mörg
krefjandi verkefni séu framundan.
Í stjórnarsáttmálanum eru lofts-
lagsmálin áberandi enda er lofts-
lagsváin það verkefni sem brýnast
er í heiminum í dag og næstu ára og
áratugi. Fólk hefur áhyggjur og á það
sérstaklega við um unga fólkið sem
sér framtíð sinni ógnað. Heiminum
verður ekki bjargað með því að hafa
áhyggjur. Óttinn getur haft lamandi
áhrif. Þess vegna er sá tónn sem
sleginn er í nýjum stjórnarsáttmála
tónn vonar og bjartsýni. Við ætlum
að nýta þær einstöku aðstæður sem
við búum við á Íslandi, þá þekkingu
sem við höfum á endurnýjanlegum
orkugjöfum og þann kraft sem býr
í fólki og atvinnulífi til að leysa
þau verkefni sem að okkur snúa
og gefa öðrum verkfæri til að draga
úr notkun jarðefnaeldsneytis. Við
leggjum áherslu á að orkuskiptin eru
sameiginlegir hagsmunir og að þeim
verði náð með jöfnuði og réttlæti að
leiðarljósi.
Ég hef þá bjargföstu trú að næstu
ár verði okkur gjöful á Íslandi. Tæki-
færin eru víða. Síðustu ár hef ég
lagt mikla áherslu á að byggja upp
öruggari og greiðari samgöngur á
atvinnusóknarsvæðinu í kringum
höfuðborgina. Haldið verður áfram
stöðugri uppbyggingu Reykjanes-
brautarinnar til að styrkja tengingar
Suðurnesja við höfuðborgarsvæðið.
Framkvæmdir við Njarðvíkurhöfn
eru að bresta á og spennandi hug-
myndir á lofti á Helguvíkursvæðinu.
Það er bjart framundan.
Í stjórnarsáttmálanum er sleginn
nýr tónn þegar kemur að uppbygg-
ingu atvinnutækifæra hringinn í
kringum landið. Það á einnig við
um hið opinbera en síðustu fjögur
árin hefur hugmyndin um störf án
staðsetningar náð miklu flugi enda
mikilvægur þáttur í því að gefa fólki
aukna möguleika á því að velja sér
hvar það vill búa. Í stjórnarsátt-
málanum segir að „til að styðja við
byggðaþróun og valfrelsi í búsetu
verði störf hjá ríkinu ekki stað-
bundin nema eðli starfsins krefjist
þess sérstaklega.“ Þessi orð marka
að mörgu leyti tímamót í viðhorfi til
starfa hjá ríkinu. Ekki er talað um
störf án staðsetningar sem sérstakt
atriði heldur er hugsuninni snúið
við: sérstaklega þarf að rökstyðja að
störf séu staðbundin. Þetta er stórt
mál. Einnig ætlum við að styðja
við klasasamstarf hins opinbera og
einkaaðila til að búa til starfsaðstöðu
á lykilstöðum á landinu en fyrsta
verkefnið að þessu tagi er að hefjast
á Selfossi.
Lesandi góður, ég vona að að-
ventan verði þér góð og að þú njótir
jólahátíðarinnar með þínum nán-
ustu.
Nokkur orð á aðventu 2021
Sigurður Ingi Jóhannsson, formaður Framsóknarflokksins og innviðaráðherra.
– lægra verð
STARFSFÓLK APÓTEKARANS ÓSKAR
VIÐSKIPTAVINUM SÍNUM GLEÐILEGRAR HÁTÍÐAR
Keflavík
S: 421 3200
Fitjar
S: 534 3010
24. des kl. 9–12
25. des LOKAÐ
26. des kl. 10–14
27. des kl. 10–19

31. des kl. 9–12
1. jan LOKAÐ
2. jan kl. 10–14
3. jan kl. 10–19

Keflavík
24. des kl. 10–12
25. des LOKAÐ
26. des LOKAÐ
27. des kl. 10–18

31. des kl. 10–12
1. jan LOKAÐ
2. jan LOKAÐ
3. jan kl. 10–18

Fitjar
Afgreiðslutími um jól og áramót:
Jólatré - norðmannsþinur - fura - greni - leiðiskrossar - skreyttar greinar
Allur ágóði af sölunni rennur til líknarmála
Jólatréssala
mánudaga til föstudaga 17–20
laugardaga og sunnudaga 12–18
Opið:
Kiwanis er í porti Húsasmiðjunnar á Fitjum í Njarðvík
12 // VÍKurFrÉttir á suÐurNesJum Í 40 ár