Víkurfréttir - 16.12.2021, Blaðsíða 57
Nýr Baldvin Njálsson GK 400
fallegasta skipið í flotanum
Til hamingju með nýja skipið. Það
er glæsilegt.
„Takk fyrir það. Já, það er glæsi-
legt. Það er með skipið eins og með
krakkana. Manni finnst alltaf sýnir
krakkar skástir, mér finnst hann líka
fallegastur. Það er bara svoleiðis.
Þetta er fallegasta skipið í flotanum.“
Bobba segir að undirbúningur og
vinna við nýjan Baldvin Njálsson
GK hafi tekið um þrjú ár. Hún hafi
ákveðið strax í upphafi að fara út
og taka á móti skipinu og sigla með
því heim. „Þetta orðinn veruleiki að
skipið er komið og það er fallegt,
mjög svo fallegt. Það gekk allt vel
frá fyrsta degi. Það er frábær mann-
skapur eins og hann Willum And-
ersen verkefnisstjóri sem er búinn
að vera þarna alveg frá byrjun og
talar þeirra tungumál. Það er ótrú-
legt að það skuli standast allar dag-
setningar og samt er Covid. Það er
alveg ótrúlegt.“
Ég frétti að þið hefðuð lent í smá
brælu á leiðinni heim frá Spáni,
hvernig var það?
„Strákarnir sögðu að það væri bræla.
Ég þekki það ekkert. En nei, ég veit
ekkert hvað bræla er en ég gat ekki
staðið ölduna. Ég fékk nú alltaf góða
hjálp og ég fór með aðstoðarkonu
með mér, hana Vigdísi. Hún var bæði
sjómaður og hjúkrunarkona, þannig
að hún var með mér og strákarnir
frábærir allir sem einn og hjálpuðu
mér að komast í gegnum þetta. Ég
gat ekki gengið um skipið en eina
ferðina sem ég fór í koju setti ég bara
rassgatið í stigann og renndi mér
niður. Ég gat ekki gengið stigann,
hann kom bara á móti mér,“ segir
þegar hún lýsti ferðinni heim. Hún
segist hafa verið komin vel á fætur
þegar komið var upp að Íslands-
ströndum og heimahöfn nálgaðist.
Það var einn af ykkar skipverjum
sem sagði mér að það væri frábært
að vinna fyrir ykkur. Er þetta rétt
hjá honum?
„Ég veit það ekki en ég vona það, því
að margir af þessum mönnum eru
búnir að vera lengi. Nema að þetta
þýði að þangað sækir kötturinn sem
hann er kvalinn. Spurning hvorum
megin það er. Ég vona að það sé
hinum megin. Það er mikið af fólki
búið að vera lengi hjá okkur og mér
þykir afskaplega vænt um allt þetta
fólk, því ég veit það að við hefðum
ekki gert þetta ein. Þetta á við alla
tíð. Við segjum stundum að „hann
var keyptur með“ þegar við erum að
tala um þennan og hinn á bátunum.
Til dæmis er mannskapur á Sóley
Sigurjóns GK sem var um borð þegar
skipið var keypt, meira að segja af
gömlu Sóley. Skipstjórinn á Benna
Sæm er búinn að vera hjá okkur
frá því hann kom út úr sjómanna-
skólanum. Svona er þetta með fleiri
menn sjá okkur sem hafa verið lengi
eða komið með bátum til okkar.“
Stolt af nýja skipinu
Bobba er stolt af nýja frysti-
togaranum og á heimleiðinni með
skipinu frá Spáni fannst henni vænt
um að heyra sjómennina vera að
bera saman gæðin á nýja og gamla
skipinu. Það er líka mikið af tækni-
nýjungum í nýja skipinu og hún er
nýtt til hins ýtrasta. Hugað var að
hagkvæmni við smíðina.
Bobba segir að það hafi verið
skrítin tilfinning að sigla inn á
Faxaflóann. „Þegar við vorum á
heimsiglingunni fyrir utan Nesfisk,
það var mjög skrítin tilfinning. Ég
SAGAN AF BENNA SÆM
„Þegar ég var nýkominn í fjölskylduna var verið að
tala um að byggja bát og það var komið nafn á hann.
Ég er að hugsa mér; Guð minn góður. Hvernig dettur
fólki í hug að láta bátinn heita í höfuðið á manni sem
hefur drukknað? Mér fannst þetta bara glapræði en
var náttúrulega svona pínu kurteis og hafði ekki orð
um það. Mig fer að dreyma og dreymir þannig að það
er maður sem ásækir mig allar nætur. Ég hef ekki hug-
mynd um hver þetta er eða hvað er um að vera. Ég
er stundum að þrasa um þetta við Njál tengdaföður
minn hvað þetta eiginlega þýði því það var rosalega
gaman að ræða svona mál við hann. Ég segi honum
að ég skilji þetta ekki, karlinn ofsæki mig alveg svaka-
lega og ég hafi ekki svefnfrið. Hvað þetta geti þýtt og
hann gefur ekkert út á þetta. Þetta var búið að ganga
dálítið lengi og ég segi við hann; „Nú fór hann yfir
strikið, var ekki kallinn kominn í jakkann þinn og
þá er nú bara fokið í flest skjól.“ Fer ekki Njáll inn í
herbergi og sækir mynd og sýnir mér og segir; „Er það
þessi?“ Það kemur í ljós að þetta er pabbi hans og hann
drukknaði alls ekki. Hann fór á síld austur á firði,
fékk lungnabólgu og er jarðaður þar. Ég var viss um
að hann hafi drukknað, því það var hvergi leiði. Þessi
karl hefur fylgt mér og verið mér svo góður í gegnum
tíðina. Við vorum með þennan bát í útgerð í þrjú ár
og hún gekk ekki vel. Hann kom til mín öll kvöld þegar
það var bræla og búinn að ræsa mig áður en náð var
í bjóðin. Þegar fór að halla undan fæti með útgerð
bátsins dreymir mig hann þar sem hann er að hvolfa
úr bjóðabölum í kringum rúmið mitt og það er erfitt
að komast fram úr því. Þá var alveg ljóst hvert útgerð
bátsins var komin. Löngu seinna kaupum við annan
bát og ég fer fram á að hann fái nafnið Benni Sæm.“
Kátir sjóarar á Benna Sœm
GK með fullfermi af risa
þorski í nóvember 1993.
F.v. Jóhann, Árni skipstjóri,
Einar, Bjarni og Þröstur.
Mynd: Hilmar Bragi
Þorbjörg Bergsdóttir, Bobba, á skrifstofu Nesfisks í Garðinum núna í desember. Bobba hefur haft aðstöðu við móttökuborð
á skrifstofuhæðinni þar sem hún hefur tekið á móti þeim sem eiga erindi við starfsfólk Nesfisks. Á borðinu hjá henni er
svo myndarlegt líkan af nýja frystitogaranum, Baldvini Njálssyni GK 400. Bobba fór utan til Spánar á dögunum og tók á
móti skipinu hjá skipasmíðastöðinni í Vigo og sigldi svo með togaranum heim til Íslands. VF-mynd: Hilmar Bragi
Bobba og skipstjórarnir á nýja togaranum.
VÍKurFrÉttir á suÐurNesJum Í 40 ár // 57