Víkurfréttir - 16.12.2021, Qupperneq 93

Þekking í þína þágu
Óskum öllum nemendum og
Suðurnesjamönnum gleðilegra jóla
og farsældar á komandi ári og þökkum
samstarfið á árinu sem er að líða.
mss.is
Gleðileg jól
kæru nemendur
Óskum Suðurnesjamönnum
gleðilegra jóla
og farsældar á nýju ári
Ásdís Erla hefur glatt lesendur með teikningu vikunnar sem birst hefur í Víkurfréttum. Hún er mikil
hagleikskona og er list- og verkgreinakennarinn í Myllubakkaskóla. Hún er dugleg í jólaskreytingum.
Það eru fast mótaðar hefðir hjá fjölskyldunni á jólum en Ásdís Erla er kominn í jólakertabransann og
hefur gert „þakklætis- og vinakerti“ og þau hafa verið vinsæl til gjafa.
Nafn og starf/staða:
Ásdís Erla Guðjónsdóttir – List-og
verkgreinakennari í Myllubakkaskóla
Hvernig hagar þú jólagjafainn-
kaupum:
Ég byrja yfirleitt tiltölulega snemma
að huga að jólagjafakaupum og vil
helst vera búin með gjafakaupin
fyrir aðventu. Innkaup á netinu
hafa komið sterkt inn og flestar gjafir
núna hef ég keypt á netinu og fengið
sent heim sem mér finnst mjög þægi-
legt.
Hvað með jólaskreytingar, eru þær
fyrr í ár?
Við hjónin erum heilmikið jóla-
skreytingarfólk og hefðin er að reyna
að kveikja á öllu fyrstu aðventu-
helgina, þá gerum við smá úr því,
fáum okkur heitt kakó og piparkökur
fjölskyldan og njótum. Það er bara
yndislegt að lýsa upp skammdegið
og njóta jólaljósanna á aðventunni.
Jólatréð fer þó síðast upp. Ólst upp
við það að jólatréð var sett upp á
Þorláksmessu og þó ég setji það nú
upp kannski nokkrum dögum fyrir
Þorláksmessu er það svona loka-
punktur skreytinganna og inngangur
inn í hátíðleikann.
Skreytir þú heimilið mikið?
Já frekar, mikið myndi ég segja, er
heilmikið jólabarn og skreytingar
manneskja. Finnst gaman að búa til
jólaskreytingar, kransa, kertaskreyt-
ingar og þess háttar. Finnst gaman
að fylgjast með tískustraumum í jóla-
skreytingum frá ári til árs, þó margt
fari auðvitað upp ár eftir ár og er
stór partur af minningum tengdum
jólum.
Bakarðu fyrir jólin og ef hvað þá
helst? Áttu þér uppáhaldssmá-
köku?
Já ég baka nú alltaf eitthvað, en það
fer þó bara eftir tíma og stemningu
hverju sinni. Það getur verið misjafnt
milli ára, hef lært að jólin koma alveg
þó smákökusortir í baukum séu ekki
margar. Engiferkökur og Emmur eru
í uppáhaldi hjá fjölskyldunni og við
reynum að baka þær sortir svo er
hefð að baka Sörur með mömmu
minni og systur.
Eru fastar jólahefðir hjá þér?
Já jólin eru nú svolítið fastmótuð
í hefðum, bæði hvað varðar mat,
samveru og jólaboð í fjölskyldunni.
Erum heima á aðfangadagskvöld en
svo taka við jólaboð hjá minni fjöl-
skyldu í foreldrahúsum á Selfossi og
jólaheimsókn á Hvolsvöll til tengda-
foreldra minna. Ómissandi hluti
hefðanna á jólum er að kveikja ljós
hjá látnum ástvinum í kirkjugörð-
unum. Þó hefðirnar séu fastmótaðar
í ramma eru þær þó smá sveigjan-
legar þar sem eiginmaðurinn er í
vaktavinnu.
Hvernig er aðventan – hefðir þar?
Síðustu misseri fyrir aðventu hafa
verið svolítið annasöm, en þetta
er þriðja árið sem ég er í jólakerta-
bransa fyrir jólin. Hanna sem sagt
texta og sem ég set á kerti. Ég reyni
að klára sem mest fyrir aðventu en
þetta árið teygist þetta aðeins inn í
aðventuna, þar sem ég hannaði í ár
„þakklætis-“ og „vináttu“ kerti sem
hafa verið vinsæl í gjafir. Vilfríður
er líka karakter sem varð til hjá mér
á árinu í tengslum við „teikningu
dagsins“ áskorun sem ég vann með
á árinu. Jóla Vilfríður fékk að fara á
kerti og með henni fylgir lítill bækl-
ingur með örsögum af uppátækjum
hennar. Stússið í kringum kertin
er þó mjög gefandi og fjölskyldan
er virkjuð saman í pökkun og þess
háttar sem er bara jólaleg samvera
undir jólatónlist. Aðventan er líka
mjög skemmtilegur tími í vinnunni.
Það er svo gaman að vinna með
börnum og upplifa jóla spenninginn
í gegnum þau og fá að skapa með
þeim eitthvað fallegt. Við höfum
gjarnan reynt að fara á jólatónleika
fyrir jólin. Slepptum því í fyrra
vegna Covid og horfðum á tónleika í
streymi og býst við því að það verði
eins í ár. Annars finnst mér bara mik-
ilvægt að hafa aðventuna notalega
í huggulegheitum og missa sig ekki
í einhverju jólastressi. Á Þorláks-
messu ólst ég upp við óminn af jóla-
kveðjum Ríkisútvarpsins í útvarpinu
og það er algjör hefð að hafa þær á á
Þorláksmessunni.
Hvernig eru fyrstu jólin sem þú
manst eftir? Áttu skemmtilega jóla-
minningu?
Á bara góðar og hlýjar minningar frá
æskujólum á Selfossi með foreldrum
og fjórum systkinum. Í minningunni
finnst mér alltaf hafa verið pínu
snjóþungt og ég man eftir okkur
systkinum dúðuð í snjógöllum á
jólum að renna okkur á sleðum
og skautum. Jólin 1983 eru eftir-
minnileg, þá er ég 11 ára og mamma
eignaðist yngsta bróður minn á Þor-
láksmessu. Á þeim tíma lágu konur
sængurleguna í um viku og ég man
eftir okkur systkinum undirbúa jólin
heima með pabba á milli þess sem
við heimsóttum mömmu og litla
bróður á sjúkrahúsið, öðruvísi en
jafnframt dásamleg jól.
Hefur þú sótt messu um jólahátíð-
irnar í gegnum tíðina?
Ég var nú duglegri við að fara í jóla-
messu þegar við bjuggum á Selfossi,
þá fórum við stundum í miðnætur-
messu í Selfosskirkju á aðfangadags-
kvöld sem mér fannst einstaklega
jólalegt. Við hlustum á Aftansönginn
í útvarpinu á Aðfangadagskvöld og
hátíðarmessuna á Jóladag og finnst
það ómissandi hluti jólanna.
Eftirminnilegasta jólagjöfin?
Man eftir að hafa fengið skauta sem
mig langaði voðalega í og eitt árið
fengum við systkin „Frosty“ sem var
voða mikið „inn“ og auglýst mikið,
sennilega upp úr 1980. Þetta var
svona snjókarl sem þú settir klaka
inn í, svo handsnerir þú kvörn sem
var inn í honum og hann breytti
klökum í krap sem maður setti svo
bragðefni út í. Skemmtum okkur
konunglega yfir þessu þau jól.
Er eitthvað sérstakt sem þig langar
að fá í jólagjöf?
Yndislegustu gjafirnar eru þær sem
hver og einn velur til manns finnst
mér, það kemur alltaf svo skemmti-
lega á óvart og gaman að upplifa
hugsunina og kærleikinn á bak við
gjöfina. Ekkert sérstakt á óskalist-
anum nema að mér finnst ómiss-
andi að fá eina bók til þess að lesa
yfir jólin.
Hvað verður í jólamatinn hjá þér
á aðfangadagskvöld? Eru hefðir í
mat?
Það vill svo heppilega til að við
hjónin eru bæðin alin upp við lamba-
hrygg á Aðfangadag. Bara alveg af
„gamla skólanum“ ekki reyktur og
bara kryddaður með salti og pipar.
Þannig að það hefur aldrei verið
ágreiningur með það, fyrir okkur
eru það jólin á aðfangadag. Jólaboðin
sem koma svo í framhaldinu inni-
halda nóg af hangiketi og reyktum
mat svo lambið góða er bara kær-
komið á aðfangadagskvöld.
Vilfríður er karakter sem varð til hjá
Ásdísi á árinu í tengslum við „teikningu
dagsins“ áskorun sem ég vann með á
árinu. Jóla Vilfríður fékk að fara á kerti
og með henni fylgir lítill bæklingur
með örsögum af uppátækjum hennar.
Mikið jólabarn
og skreytir mikið
Ásdís Erla með kerti sem hún hannar texta á. Hún gleður
lesendur Víkurfrétta með vikulegri skopteikningu.
VÍKurFrÉttir á suÐurNesJum Í 40 ár // 93