Víkurfréttir - 16.12.2021, Blaðsíða 76

Vilhjálmur Árnason alþingismaður og Grindvíkingur hefur síðustu árin á Alþingi verið upptekin við þing-
störf fram eftir jólamánuðinum en þessi árin verður fjölskyldan erlendis. En þrátt fyrir það er mikið
skreytt og Villi lumar á skemmtilegum sögum frá jólaundirbúningi og fleiru en það gekk vel núna á
aðventunni þegar fjölskyldan var saman í sóttkví.
Hvernig hagar þú jólagjafainn-
kaupum?
Ég bý svo vel að vera kvæntur miklu
jólabarni sem byrjar jólagjafainn-
kaupin síðsumars og er oftar en
ekki búin að kaupa allt og jafnvel
pakka inn fyrir desember. Ég kem
með hugmyndir og aðra litla aðstoð
inn í þetta. En Sigurlaug á afmæli á
aðfangadag. Það eru því tvær gjafir
sem standa eftir fyrir mig. Ég nota
allan desember í að hugsa út í hvað
skyldi kaupa. Það eru langir dagar á
Alþingi fyrir jólin og nýti ég oftast
stund á milli stríða þar til að skjótast
eftir því sem hefur orðið fyrir valinu
oftast örfáum dögum fyrir jól. Pakka
því svo seint inn á Þorláksmessu-
kvöld.
Hvað með jólaskreytingar, eru þær
fyrr í ár?
Jólaskreytingar eru oftast frekar
snemma komnar upp hjá okkur. Við
verðum í fyrsta sinn erlendis þessi
jólin og því komu jólaskreytingarnar
seinna upp
nú en áður.
S k r e y t i r
þú heimilið
mikið?
Já ég myndi
segja að það
sé almennt
mikið skreytt
e n d a m e ð
mikið jóla-
barn á heimilinu eins og áður var
getið.
Bakarðu fyrir jólin og ef hvað þá
helst? Áttu þér uppáhaldssmá-
köku?
Já við bökuðum nokkrar sortir
nú fyrir jólin og gerum það oftast.
Baksturinn einkennist mikið af
þörfum hvers og eins heimilismanns,
en það er ofnæmi fyrir hveiti og
mjólk á heimilinu og svo er ég sjálfur
á KETO. Súkkulaðibitakökurnar
hennar ömmu og maregnstopparnir
hennar mömmu hafa alltaf skapað
eftirvæntingu. Svo bakaði ég lagtertu
í Keto-stíl núna sem er alltaf góð. Svo
er bara að muna að borða þetta strax
því það er nóg annað til að borða yfir
jólin sjálf og þá vill maður daga uppi
með smákökurnar sem klárast ekki
fyrir jól.
Eru fastar jólahefðir hjá þér?
Þær eru ekki svo margar né strangar.
Okkar helsta jólahefð hefur verið
afmæliskaffi á aðfangadagsmorgun
fyrir afmælisprinsessuna á heim-
ilinu. Við hjónin setjum svo jóla-
sokkinn upp síðustu nóttina með
strákunum með von um um að fá
eitthvað fallegt frá jólasveininum.
Hvernig er aðventan - hefðir þar?
Aðventan er mér kær en þann 8.
desember 2006 útskrifaðist ég sem
lögreglumaður og þann dag fékk
ég eiginkonuna í útskriftargjöf og
eigum við því afmæli á aðventunni.
Aðventan undanfarin ár hefur ein-
kennst af óskipulagi og óvissu. Að-
ventan er mikill annatími á Alþingi
og því gáfumst við fljótt upp á að
plana tónleikaferð eða aðra viðburði
á aðventunni. Sigurlaug er flugfreyja
og ekki hjálpar það til við að gera
reglulega dagskrá. Okkur finnst samt
mjög gaman þegar við náum að fara
á tónleika og reynum það gjarnan.
Þegar ég var yngri þá fórum við
fjölskyldan alltaf til systur hennar
mömmu í laufabrauðsbakstur sem
var alltaf mikið tilhlökkunarefni.
En ég borða alltaf skötu hjá tengdó
á Þorláksmessu. Covid hefur í raun
hjálpað við undirbúning jólanna nú.
Synir okkar þrír fengu Covid hver á
eftir öðrum án þess að vera veikir.
Við nýttum því tíman hér heima
saman í sóttkvínni við að gera jóla-
hreingerningu, bakstur og skreyta
húsið.
Hveru eru fyrstu jólin sem þú
manst eftir? Áttu skemmtilega jóla-
minningu?
Fyrstu jólin sem ég man eftir voru
heima á Sauðárkróki þegar ég um
6 ára. Að borða lambahrygg. Þá
gleymdist að kaupa Mackintosh-ið
fyrir jólin sem var mikill skellur. En
svo opnaði ég jólapakka frá systur
hans pabba og hafði hún laumað
fullt af Mackintoshi með, ég varð svo
ánægður að ég henti vettlingunum
sem ég hafði fengið í pakkanum
beint á kertaskreytinguna og kveikti
í þeim. Jólaminningarnar eru flestar
frá jólaundirbúningi og hefðum frá
því að ég var ungur á Sauðárkróki.
Stússið í kringum jólabakstur og ný
jólaföt með ömmu og mömmu. Við
fórum svo alltaf til ömmu og afa í
eftirréttinn þar sem fleiri úr fjöl-
skyldunni voru og spiluðum langt
fram á nótt.
Hefurðu sótt messu um jólahátíð-
irnar í gegnum tíðina?
Ég hef farið nokkrum sinnum í
messu yfir jólin en það er ekki föst
hefð. Það er alltaf hátíðlegt og gott
að fara í messu.
Eftirminnilegasta jólagjöfin?
Það er líklega sú sem ég barðist
hvað mest fyrir en átti aldrei von
á að ég fengi. Það var svo stór gjöf
að biðja um á þeim tíma. En þá var
ég að biðja um að fá 14“ litasjónvarp
með fjarstýringu í jólagjöf. Svo má
ekki gleyma gjöfinni með fyrrnefndu
Mackintosh-i.
Er eitthvað sérstakt sem þig langar
að fá í jólagjöf?
Ég á nú oftast mjög erfitt með að
svara því hvað mig langar í jólagjöf.
Geri helst bara kröfu um að það sé
eitthvað praktískt og að það séu
líkur á að það nýtist. Besta jólagjöfin
eru allar þær góðu minningar sem
fjölskyldan skapar saman um jólin.
Hvað verður í jólamatinn hjá þér
á aðfangadagskvöld? Eru hefðir í
mat? Það á nú það sama við hér og
um jólabaksturinn að þetta er soldið
fjölbreytt vegna mismunandi þarfa
og smekk fjölskyldumeðlima. En það
hefur kannski verið hefðin hjá okkur
að það sé fjölbreyttur matseðill. Ég
hef nú samt held ég á öllum mínum
jólum fengið íslenskt lambakjöt. Allir
líkur á að við gerum eitthvað öðru-
vísi í ár hvað þetta varðar.
Kveikti í vettlingunum sem
komu upp úr jólapakkanum
blaalonid.is
Gleðilega hátíð
Bláa Lónið óskar þér gleðilegrar hátíðar
76 // VÍKurFrÉttir á suÐurNesJum Í 40 ár