Víkurfréttir - 16.12.2021, Blaðsíða 82
Hlynur Þór Valsson er kennari og tónlistarmaður í Covid-dvala.
Hann væri sáttur að fá góðan skeggsnyrti eða rakspíra. „Annars
hef ég aldrei viljað fá stórar gjafir heldur frekar að vera bara með
fólkinu mínu og eiga góða stund saman,“ segir hann í skemmti-
legu jólaspjalli við Víkurfréttir.
Hvernig hagar þú jólagjafainn-
kaupum?
Betri helmingurinn á heimilinu er
yfirleitt löngu búin að kaupa allar
gjafir löngu áður en ég ranka við mér
korter í jól. Áður voru þetta þungar
og langar verslunarferðir í borg
óttans en mikið pantað af netinu
núna. Aðeins minna stress.
Hvað með jólaskreytingar, eru þær
fyrr í ár?
Skreytingarnar eru svo sem ekkert
mikið fyrr, við miðum yfirleitt við að
byrja að skreyta í vikunni fyrir fyrsta
í aðventu.
Skreytir þú heimilið mikið?
Alls ekki mikið, við á heimilinu erum
bara nokkuð róleg í skreytingum
innandyra og reglan minna er meira
yfirleitt við lýði. Við vorum reyndar
að flytja í einbýli og ég finn að það
er stutt í Griswald gírinn núna þegar
kemur að skreytingum utanhúss. Ég
veit að einn góður nágranni minn vill
endilega að ég bæti meira við.
Bakarðu fyrir jólin? Áttu þér uppá-
haldssmáköku?
Ég baka ekki fyrir jólin en ég er
svo heppinn að elskuleg móðir mín
laumar yfirleitt til mín kökudalli með
engiferkökum og appelsínuspesíum
sem hverfa fljótt með ískaldri mjólk.
Eru fastar jólahefðir hjá þér?
Það eru svo sem ekki margar fastar
venjur en margt hefur samt einhvern
veginn alltaf verið gert á svipaðan
hátt t.d. jólagjöfunum er alltaf
pakkað inn á Þorláksmessu og keyrt
út á aðfangadagsmorgni. Svo höfum
við skipst á að verja jólunum hjá
foreldrum mínum annarsvegar og
tengdaforeldrum mínum hinsvegar
annaðhvert ár. Ég stakk uppá að við
vísitölufjölskyldan værum heima hjá
okkur þessi jól en heimasætan hún
Bergrún Embla tók það ekki í mál.
Hvernig er aðventan - hefðir þar?
Við höfum reynt að hafa sem minnst
stress í desember og notið þess að
vera heima hjá okkur. Það er þó
einn viðburður sem er orðinn hefð
en það er jólasíldin sem við og tvenn
vinahjón okkar hafa haldið síðustu
ár með pomp og prakt en Covid
skemmdi það fyrir okkur síðustu jól
og þá fann maður hvað það er mikil-
vægur viðburður til að koma manni
í jólaskapið. Vonandi náum við að
hittast í ár.
Hveru eru fyrstu jólin sem þú
manst eftir? Áttu skemmtilega jóla-
minningu?
Ég er með ferlega lélegt minni. Eitt-
hvað rámar mig þó að það hafi verið
skrautlegt á jólunum þegar ég var
barn á Hringbrautinni í Keflavík og
rafmagnið var alltaf að detta út sem
truflaði heldur betur eldhússtörfin.
Málunum var reddað með prímus og
öðrum hundakúnstum.
Hefurðu sótt messu um jólahátíð-
irnar í gegnum tíðina?
Ég hef ekki sótt í það að sitja messur
nema að ég sé að spila eða syngja við
einhverja athöfn.
Eftirminnilegasta jólagjöfin?
Það er eflaust gjöf sem að Ari Lár
bróðir minn gaf mér eitt árið.
Pakkinn undir trénu var veglegur
og þungur. Þegar ég opnaði hann
blasti við mér heljarinnar úrval af
vel völdum bókum. Með þeim var
miði. Á miðanum var ég beðinn
að skila bókunum ekki seinna en í
lok janúar þar sem að Ari væri svo
blankur núna að hann hefði ekki efni
á að borga bókasafns sektina.
Er eitthvað sérstakt sem þig langar
að fá í jólagjöf?
Ég væri sáttur að fá góðan skegg-
snyrti eða rakspíra. Annars hef ég
aldrei viljað fá stórar gjafir heldur
frekar að vera bara með fólkinu mínu
og eiga góða stund saman.
Hvað verður í jólamatinn hjá þér
á aðfangadagskvöld? Eru hefðir í
mat?
Það er ekkert verið að flækja það og
yfirleitt er það hamborgarhryggur
en í raun er það bara eitt sem mestu
máli skiptir en það er sósan hennar
mömmu. Án hennar eru engin jól.
Mamma
laumar yfir-
leitt til mín
kökudalli
með engiferkökum
og appelsínuspesíum
Kaupfélag Suðurnesja sendir félagsmönnum
sínum bestu óskir um gleðileg jól, farsælt
nýtt ár og þakkar samfylgdina í 76 ár
82 // VÍKurFrÉttir á suÐurNesJum Í 40 ár