Borgfirðingabók - 01.12.2005, Síða 18

16
Borgfirðingabók 2005
sem ferðafólk úr ijarlægum sýslum
hafði af þeim. Af þessu má sjá að
það var þrautin þyngri að þola þann
ágang sem slíkir bæir máttu búa
við. Segja má að í Kalmanstungu
hafi kristallast sá vandi sem fylgdi
því að bærinn var í þjóðbraut og
því var ætlast til þjónustu, en þar
vóst á krafan um gestrisni búenda
og möguleikar þeirra til að standa
ijárhagslega straum af því. Risna kostaði sitt og því þurftu menn á
greiðslu að halda ef hún átti að haldast.
Norðtunga í Þverárhlíð
Starfsemi af þessu tagi mun vera elst í Norðtungu af þeim stöðum
sem nefndir eru hér og má rekja upphaf hennar til þess tíma er
stangveiðimenn, erlendir og innlendir, fóru að koma til veiða í Þverá
og þurftu á fyrirgreiðslu að halda, bæði flutningi upp á Qall, gistingu
og fæði. Einn heimildarmanna13 segir að greiðasala hafi hafist þar
í sambandi við póstferðir að sunnan til Norðurlands. Póstleiðin lá
þama við bæjarvegginn, ekki síst eftir að brúin á Berghyl var byggð
1897. Jón Þórðarson hét sá sem fyrstur rak þama greiðasölu, en hann
lést 1891.14 Eftirmaður hans var Runólfur Runólfsson. Kom hann úr
Reykjavík en var ættaður að austan. Annaðist hann áfram greiðasölu
í sambandi við póstferðir. Þáttaskil urðu í póstferðum 1906. Þá var
farið að flytja póstinn með skipi til Borgamess og hætt að fara með
hann um hlaðið í Norðtungu. Um svipað leyti var síminn lagður
norður og var fylgt gömlu póstleiðinni með hann. Komst hann þar
inn fyrir vegg og var Norðtunga íyrsti bær í Mýrasýslu sem fékk
síma. Runólíúr rak þar hástéttahótel í sveit fyrir embættismenn úr
Reykjavík og enska aðalsmenn sem stunduðu laxveiðar við Þverá.
Runólfur lést 1935 en ekkja hans, Guðrún Sigurðardóttir, rak hótelið
áfram til ársins 1947 að jörðin var seld öðrum.15
Björn Sv. Bjömsson sem fæddur var 1909 segir frá því í endurminn-
ingum sínum að til Norðtungu hafi hann fyrst farið íjögurra ára með
foreldrum sínum og aftur kom hann þar átta ára og man þá eftir stóru
langborði þar sem allir borðuðu saman.16 Fleiri gestir frá þessum tíma
muna eftir þessu stóra langborði. Norðlenskir bændur sem voru á leið

Kalmannstunga.