Borgfirðingabók - 01.12.2005, Síða 42

40
Borgfirðingabók 2005
Fjölmargar ráðstefnur eru haldnar á Bifröst. Þessi mynd er frá setningu á
kvennaráðstefnunni„ Tengslanet“ sem haldin var ífyrsta skipti vorið 2004.
Boðið var upp á kvöldverð í Paradísarlaut.
vinna að víðtækum rannsóknum á húsnæðis- og fasteignamarkaði,
vera stjómvöldum og fagaðilum til ráðuneytis um húsnæðismál o.fl.
Haustið 2004 var Rannsóknasetri verslunarinnar komið á fót og starfar
það í samvinnu skólans, viðskiptaráðuneytis og Samtaka verslunar og
þjónustu auk nokkurra verslunarfyrirtækja. Markmið með setrinu er
m.a. að rannsaka og kynna stöðu og þróun smásöluverslunar á íslandi
og efla kennslu og rannsóknir á háskólastigi samfara því. Nýjasta
setrið er Rannsóknasetur vinnu- og jafnréttismála sem þegar hefur
hafið samstarf við félagsmálaráðuneytið. Er því einkum ætlað að
standa að rannsóknum í vinnurétti, þar með talið jafnrétti kynjanna á
vinnumarkaði; jafnframt að vera stoðþjónusta fyrir Viðskiptaháskól-
ann og taka að sér rannsóknir fyrir utanaðkomandi aðila. Loks er
gert ráð fyrir að Rannsóknasetur í Evrópufræðum heíji störf í ágúst á
þessu ári, og verður það starfrækt í samstarfi Viðskiptaháskólans við
Alþýðusamband Islands, Bandalag starfsmanna ríkis og bæja, Sam-
tök atvinnulífsins og Samtök iðnaðarins.
Síðast en ekki síst skal þess getið að skólinn hýsir um þessar
mundir afar umfangsmikið evrópskt rannsóknarverkefni sem kallast
„WELLKNOW - Frá velferðarsamfélagi til þekkingarsamfélags".
Um er að ræða samstarfsverkefni sjö Evrópulanda, og er því stýrt af
einum prófessor við Bifröst. Er það eitt stærsta rannsóknarverkefni
sem íslenskur háskóli hefur fengið styrk til frá Evrópusambandinu,