Borgfirðingabók - 01.12.2005, Qupperneq 104

102
Borgfirðingabók 2005
Verkalýðsfélag Borgarness
Verkalýðsfélag Borgarness var stofnað 22. mars 1931. Þá höfðu verkamenn
í Borgarnesi reynt að stofna með sér varanleg samtök í aldarfjórðung en illa
gengið þrátt fyrir bága stöðu verkafólks á svœðinu. Fátœkt var mikil, atvinna
yfirleitt stopul og árstíðabundin, ekkert velferðarkerfi var til staðar og samstaða
verkafólks lítil. Þó var stofnað verkamannafélag árið 1906 eða 1907 sem hlaut
nafnið Verkamannafélagið Skalla-Grímur og starfaði það til ársins 1915. Þaó
ár var stofnuð Verkamannadeild Framfarafélagsins sem endaði sína lífdaga í
kjaraátökum árið 1919. Enn var stofnað verkamannafélag árið 1927 en litlar
sögurfara afþví. Og eins og áður segir tókst það ekki fyrr en árið 1931 að stofina
félag það sem enn starfar. Stofnfélagar voru 39 karlmenn. Ibúar í Borgarnesi
voru þá 449. í lok starfsársins voru félagar orðnir 71. Konur gengu fyrst til liðs
viðfélagið árið 1937 en eru í dag talsverður meirihlutifélagsmanna.
Með oddi og egg, stéttarfélóg á Islandi, 2004, bls.
Við aðstoðum fólk við gerð ráðningarsamninga. Þannig má því líta á
svona verkalýðsfélag sem hálfgerða stofnun.
Verkalýðsfélagið hefur litið svo á að því sé ekkert óviðkomandi
í velferðar- og menningarmálum. Meðal annars stóð það fyrir blaða-
útgáfu hátt á níunda ár með Ungmennasambandi Borgarfjarðar.
Það var í formannstíð Jóns heitins Eggertssonar, sem féll frá allt of
snemma, að gefið var út blaðið Borgfirðingur. Það kom oftst út aðra
hverja viku. Verkalýðsfélagið hefur auðvitað látið atvinnumál mikið
til sín taka í gegnum tíðina. Síðasta dæmi í því sambandi er kannski
baráttan fyrir framgangi áframhaldandi kjötvinnslu í Brákarey. Við
tókum upp harða baráttu þegar kjötvinnslunni var lokað um áramótin
2001-2002. Ég vil meina að Verkalýðsfélagið hafi átt stóran þátt í því
að það tókst að koma henni aftur á laggimar. Þegar þessir atburðir
urðu höfðum við fyrir skemmstu misst mjólkurvinnsluna úr héraði,
og við máttum ekki til þess hugsa að missa kjötvinnsluna líka. Okkur
fannst að þá mundi rofna þráður milli þéttbýlisins hér og sveitanna í
kring, fyrir nú utan það að þetta var góður vinnustaður. Þama unnu
bæði lærðir kjötiðnaðarmenn og annað vel þjálfað starfsfólk sem
sumt hafði unnið þarna áratugum saman. Þekkingu og reynslu þessa
fólks vildum við ekki tapa. Og það tókst að halda kjötvinnslunni
með góðri þátttöku Sparisjóðs Mýrasýslu og Borgarbyggðar, og
Kaupfélagið kom líka að þessari endurreisn. Við fylgjumst almennt
vel með atvinnulífinu á félagssvæðinu og reynum að vera í góðu
sambandi við atvinnurekendur og sveitarfélög.