Borgfirðingabók - 01.12.2005, Síða 132

130
Borgfirðingabók 2005
það fullvíst í fyrsta sinn sem ég komst í snertingu við skíði. Árið
1932 eignuðumst við Andrés bróðir minn svo skíði sem við notuðum
mikið fyrsta veturinn, en svo fór áhuginn dvínandi og þau voru að
mestu lögð til hliðar í nokkur ár.
Ég vil meina að fyrir tilviljun hafi áhugi minn á skíðaferðum vakn-
að á ný. Það bar að með þeim hætti að um miðjan sunnudag nálægt
miðjum marsmánuði árið 1937 skrúfaði ég af tilviljun frá útvarpinu.
Á þeim tíma var að jafnaði ekkert útvarpað á miðjum degi öðru en
veðurfréttum og svo messum á helgidögum. í þetta sinn var Helgi
Hjörvar að lýsa keppni á fyrsta landsmóti skíðamanna sem haldið
var í Hveradölum. Jafnframt var þetta fyrsta skíðamót í nágrenni
Reykjavíkur með þátttöku skíðamanna utan af landi, en þar kepptu
auk Reykvíkinga ísfirðingar og Siglfirðingar. Þetta skíðamót var
jafnframt kallað Thulemót, því vátryggingafélagið Thule hafði gefið
verðlaunabikar fyrir sveitakeppni í skíðagöngu.
Á þessum tíma var breiddin í þessari íþróttagrein ekki meiri en svo
að aðeins var keppt í 15 km skíðagöngu og skíðastökki. Lýsing Helga
á þessu móti var skýr og skemmtileg, og það sem hann var að segja
frá varð lifandi í frásögninni. Minnisstæðast er mér frá lýsingu Helga
þegar hann sagði frá því að 15 ára strákur frá Siglufirði hefði sigrað
í 15 km skíðagöngu með um 50 keppendum. Mér varð hugsað til
þess hvílíkt ofurmenni þessi strákur hlyti að vera. Einnig lýsti Helgi
skíðastökkskeppninni, sem fór fram í Flengingarbrekku skammt ofan
(austan) við Skíðaskálann. Þar hafði verið hlaðinn tveggja metra hár
snjópallur sem keppendur renndu sér fram af og svifu í lausu lofti yfir
30 metra. Mér var óskiljanlegt hvernig keppendur komu óskaddaðir
úr slíkri glæfraför.
Eftir að hafa hlustað á lýsingu Helga tók ég skíðin mín fram, sem
höfðu að mestu legið ónotuð síðustu ár, fór að kanna getu mína og
fann fljótlega að þetta var býsna gaman. Ég mun hafa sagt frá því
í gamalli grein þegar ég átti að standa yfir ánum suður við fjall en
stalst frá þeim og gekk upp á Oköxl með skíðin á bakinu. Það gerðist
einmitt örskömmu eftir að ég hlustaði á lýsingu Helga á skíðamótinu
í Hveradölum.
Skíðanámskeið á Gilsbakka
Á árunum frá 1930 til 1940 fór áhugi á skíðaiðkun mjög vaxandi.
íþróttafélögin í Reykjavík reistu sér skíðaskála, einkum þar sem snjór