Borgfirðingabók - 01.12.2005, Blaðsíða 152

150
Borgfirðingabók 2005
ásamt því að taka við óskum og erindum frá íbúum og fyrirtækjum.
Gangi þetta skipulag eftir verður til öflugt stoðkerfi sem hefur alla
burði til að þjónusta bæði íbúa og fyrirtæki og ekki síst sækja á
fyrir hönd sveitarfélagsins út á við. Ibúar eiga að geta treyst því að
þeir fái faglega afgreiðslu erinda og meginhugsun stjómsýslu- og
upplýsingalaga verði í heiðri höfð, ekki síst jafnræðisreglan sem er
ákaflega mikilvæg við úrlausn mála.
Eitt af þeim verkefnum sem Jöfnunarsjóður sveitarfélaga veitir
fjármagn til við sameiningu sveitarfélaga er uppbygging stjómsýsl-
unnar. Það á bæði við um skipulag hennar og ekki síður tæknivæðingu
hennar. Sótt verður til Jöfnunarsjóðs vegna þessa mikilvæga máls.
Ekki er ástæða til að hafa áhyggjur af ijárhagslegri stöðu sveitar-
félagsins þar sem öll þau sveitarfélög sem það mynda em ágætlega
stödd íjárhagslega. Fjárhagur sameinaðs sveitarfélags hefur verið
borinn saman við sambærileg sveitarfélög og þá kemur í ljós að geta
sveitarfélagsins er ágæt. Ekki er fyrirsjáanleg uppbyggingarþörf í
gmnnskólamálum á allra næstu árum, en taka þarf á í leikskólamál-
um. Þá er ljóst að víða þarf að vinna að auknu lóðaframboði, og á
það bæði við um íbúðalóðir og lóðir fyrir atvinnuhúsnæði. Veitukerfi
sveitarfélagsins em ágæt en fyrir liggur að klára frárennslismál á
nokkrum stöðum.
A svæðinu starfa fimm grunnskólar og er gert ráð fyrir að þeir
starfi allir áfram en þó með einhverri verkaskiptingu og sameina skal
yfirstjóm þar sem það þykir henta. Það hefur þegar verið gert með
Kleppjámsreykjaskóla og Andakílsskóla. Laugagerðisskóli er rekinn
í byggðasamlagi með Eyja- og Miklaholtshreppi og er hann staðsettur
í þeim hreppi. Samkvæmt úttekt sem unnin var á skólastarfi á svæðinu
kemur í ljós að það er gott, og það ber að varðveita. I grunnskólunum
er sleginn tónn til framtíðar og þeir eru ekki síst það sem horfit er á
þegar fólk velur sér búsetu.
Félagsþjónusta hvers sveitarfélags er mælikvarði á þjónustustig.
Sveitarfélögin hafa lengi haft samstarf um þennan málaflokk og sinnt
honum vel og þannig verður það áfram. Ljóst er að í tengslum við
það starf em mikil sóknarfæri fyrir sveitarfélög við yfirtöku nýrra
verkefna. Nærþjónusta við aldraða og fatlaða em verkefni sem
sveitarfélög geta vel sinnt og eiga að sinna. Það ber að stefna að því
að flytja þessa málaflokka og stýra þeim úr heimabyggð í takt við
þarfir íbúa og samfélags.