Borgfirðingabók - 01.12.2005, Síða 189

Borgfirðingabók 2005
187
hjá sr. Geir Waage og forstöðumanni Snorrastofu undirrituðum. Sama
gildir um mikinn fjölda nemenda ýmissa framhaldsskóla á Norður-
löndunum og aðra gesti.
Miklar breytingar hafa orðið í hótelrekstri á staðnum. Skólahaldi
í Reykholti lauk vorið 1997 og sama ár lauk starfsemi Eddu-hótels á
staðnum. í ársbyrjun 1998 hófu hjónin Steinunn Hansdóttirog Óli Jón
Ólason rekstur heilsárshótels í heimavistarhúsnæði skólans. Þau ráku
hótelið með miklun dugnaði, metnaði og þjónustulund fram til ársins
2004, en um haustið tóku Fosshótel við rekstrinum. í lok apríl verður
hótelið opnað formlega undir merkjum keðjunnar eftir gagngerar
breytingar á húsnæðinu og eru öll herbergin með snyrtingu og baði.
Rekstur heilsárshótels á staðnum er afar mikilvægur og styður vel
við það starf sem unnið er í Reykholtskirkju-Snorrastofu, enda hefur
ávallt verið mikil og góð samvinna milli þessara aðila.
Mikil vinna hefur verið lögð í að fegra staðinn utan dyra,
og menntamálaráðuneytið stóð myndarlega að endurbyggingu
héraðsskólahússins á árunum 1998-2000. Þar er nú varaeintakasafn
Þjóðarbókhlöðu.
Miklar framfarir hafa þannig orðið á Reykholtsstað á liðnum árum,
og óhætt er að segja að staðurinn hentar nú afar vel fyrir ráðstefnuhald
ogýmisskonarmannamót. í upphafi árs2005 urðuþáttaskil í starfsemi
Reykholtskirkju-Snorrastofu með þeirri ákvörðun sem tekin var um
að leggja niður einkahlutafélagið Heimskringlu og fela Snorrastofu
verkefni þau sem fyrirtækið hefur annast í tæp 9 ár. Gestamóttakan
verður áfram rekin með sama hætti og verið hefur og mun að auki hafa
umsjón með útleigu á húsnæði Snorrastofu á staðnum. Móttökustjóri
Snorrastofu hefur yfirumsjón með móttöku gesta, tónleikahaldi í
Reykholtskirkju ásamt þeim nýju verkefnum sem móttakan hefur
nú á sinni könnu. Það er fagnaðarefni að stjórn Snorrastofu hafi nú
lýst stofnunina reiðubúna til að annast þau verkefni sem henni voru
ætluð í fyrstu drögum að verkefnalýsingu hennar. Snorrastofa hefur
ákveðið að fylgja við móttöku gesta þeirri stefnu sem mótuð hefur
verið af starfsmönnum Heimskringlu frá öndverðu. Full ástæða er
til að horfa björtum augum á framtíð Reykholts sem menningar- og
fræðaseturs á Vesturlandi.