Borgfirðingabók - 01.12.2005, Qupperneq 202

200
Borgfirðingabók 2005
Guðlaug hafði eldað var taska hans fyllt af mat og viðbót sett í hreinan
poka undan sykri eða hveiti. Við skiluðum honum í lóðsskipið þar
sem það lónaði í góða veðrinu við ósa Weser og héldum að vitaskipi
P-12 og síðan að P-8. Þaðan var stefna sett í vesturátt til Englands
á Humber-vitaskip eða Spum-vitaskip við ósa Humberfljóts, því
að ferðinni var heitið til Grimsby. Alltaf var sama blíðan, logn og
ládauður sjór, en skyggni var dapurt, stundum mistur og þokubakkar.
Við komumst til Grimsby án tafa og fórum strax í þurrkví þar sem
botn Eldborgar skyldi skoðaður, hreinsaður og málaður. Ekki man ég
hvort var öxuldregið, þó held ég það. Skrokkurinn var líka málaður
og gert við allt sem gera þurfti áður en farið yrði á síldveiðar um
sumarið. í Grimsby fengum við peninga og gerðu sumir allgóða
verslun.
Haldið heim
Við dvöldum í Grimsby í þrjá eða íjóra daga, en þaðan fómm
við til Immingham sem er skammt ofar við Humberfljót og lestuðum
fullfermi af kolum til Borgamess. Að þeirri lestun lokinni var farið
yfir fljótið á norðurbakkann á móti Immingham og fyllt upp af olíu
íyrir sumarið. Þegar olían hafði verið tekin var orðið lítið borð fyrir
báru á Eldborg. Að þessu loknu var haldið niður fljótið að Spum-
vitaskipi, þar sem skipið Humber-Pilot lónaði, og leiðsögumanni
skilað. Eftir það sló Gunnar á fulla ferð á vélsímanum og ferðin til
íslands hófst.
Siglt var norður með austurströnd Englands og Skotlands gegnum
Pentlandsfjörð. Okkur skilaði vel, því alltaf var logn og sléttur sjór.
Eftir að Pentlandsfirði sleppti var haldið fyrir norðaustan Sulskerry
og stefnan sett þaðan á Vestmannaeyjar.
Við skiluðum okkur til Borgamess eftir fimm daga siglingu í
blíðu og ládauðu. Ég man að þangað komum við seinni part dags
á flóðinu, og þegar við höfðum bundið Eldborg við bryggju lýkur
þessari ferðasögu.