Almanak Hins íslenska þjóðvinafélags - 01.01.1929, Qupperneq 104

ára ðld, nítján vetra öld og paktaöld. Tunglaldar-
upphaf taldist á ýmsa vegu. Hér á landi var fyrrum
talið, að tunglöld byrjaði 28. ágúst eða um mánaða-
mótin ágúst og september, og var sú tunglöld pá
venjulega kölluð paktaöld. En hitt varð þó miklu al-
gengara á 13. öld og síðar að teija upphaf tunglaldar
1. janúar, og eftir þeirri reglu hófst tunglöldin 4 mán-
uðum siðar en eftir hinni aðíerðinni. Einstöku sinn-
um var talið, að tunglöld byrjaði með febrúartungli
(þorratungli) eða apríltungli (páskatungli). Langt fram
á 19. öld töldu menn, að veðráttufar færi mjög eftir
því, hvernig stæði á tunglöld.
Páskaöld var 532 ár; hún nefndist og mikla öld eða
gamla öld. Gamla öld merkir ekki, að lengra sé síð-
an hún var fundin heldur en aðrar aldir, heldur að
hún sé lengri; gamall er hér sá, sem varir langan
tima. Gamla öldin nær yfir réttar 28 tunglaldir eða
19 sólaraldir, því að 19 X 28 = 532. Eftir svo mörg
ár stendur eins bæði á tunglöld og sólaröld. Páska-
öldin byrjar þvi á því ári, þá er bæði sólaröld og
tunglöld byrja. Upphaf páskaaldar venjulega 1. janú-
ar, en einstöku sinnum talin 4 mánuðum fyrr með
upphafi paktaaldar. Páska bar upp á sama dag þau
árin, er voru hin sömu í páskaöld, þar af var dregið
nafnið á öldinni.
Indiktiónisöld var 15 ár, hér var sú öld lítið kunn.
Upphaf hennar annaðhvort 24. september (indictio
Bedana) eða við áramót (25. december eða 1. janúar).
Hin júlianska öld er lengst allra alda, 7980 ár eða
15 páskaaldir, en 532 indiktiónisaldir, 420 tunglaldir,
285 sólaraldir. Pað er ekki nema einu sinni á hverj-
um 7980 árum í gamla stýl, sem sólaröld, tunglöld
og indiktiónisöld byrja á sama ári; það hefir eigi
orðið enn þá í mannaminnum, en með reikningi má
finna, að árið 1929 verður 6642. árið frá því, að það
átti svo að vera. Með því að deila tölunum 19, 28 og
15 í 6642, verður afgangurinn 11, 6 og 12. Árið 1929
(100)